EZEKELA 25:5 - Jinghpaw Common Language Bible 2009

⁵ Ngai gaw Raba mare hpe gawla-uk ulawng, Amon mungdan ting hpe sagu hpung ni a hpum shara ni shatai kau na nngai, shaloi ngai nan dai Madu rai nga nngai hpe nang chye lu na rin dai.

Jinghpaw Hanson Version Bible

⁵ Raba mare hpe gawla-uk ulawng, Ammon kashu kasha ni a mung hpe, sagu hpung ni a hpum shara ngai shatai nna, ngai Yehowa rai nga ai hpe, nanhte chye lu na marin dai.

EZEKELA 25:5 ပူးပေါင်းရင်းမြစ်များ

EZEKELA 21:20

Lam langai mi gaw hkawhkam wa hpe Amon masha ni shanu ai Raba mare de sa wa ai lam hpe madun na ra ai; kaga lam langai mi gaw Yuda mung na ngang kang ai mare bunghku ni hte kum gawan da ai Yerusalem de hkrang ai lam hpe madun dan na ra ai.

2 SAMUELA 12:26

Yoab gaw Amon mare daju Raba mare hpe matut gasat wu yang, dai mare hpe gasat dang la na sha rai nga nu ai.

ESAIA 17:2

Suri mung na mare ni gaw htani htana katsi katsang shara tai mat na ra ai. Dai mare ni gaw sagu dumsu uhpung ni a udat shara tai mat na ra ai, kadai mung shanhte hpe gawt shapraw kau na n rai.

EZEKELA 38:23

Ndai lam hku nna ngai gaw galu kaba ai hte chyoi pra nga nngai hpe masha amyu baw ni yawng hpe madun dan na nngai. Dai shaloi, ngai nan dai Madu rai nga nngai hpe shanhte chye lu na mara ai.

EZEKELA 35:9

Ngai gaw nang hpe htani htana katsi katsang shatai kau na nngai, na a mare ni hta kadai mung bai shanu nga lu na n rai, nang gaw ngai nan dai Madu rai nga nngai hpe chye lu na rai ndai.

EZEKELA 30:8

Egutu mung hta ngai wan shachyi dat ai shaloi, dai mung hpe makawp maga ai ni yawng sat kau hkrum na mara ai, dai hpang shanhte gaw ngai nan dai Madu rai nga nngai hpe chye wa na mara ai.

EZEKELA 26:6

dai ni a nhtu ni hte dai mung na ahkyak ai mare ni hta shanu nga ai ni hpe sat kau na mara ai. Shaloi, ngai nan dai Madu rai nga nngai hpe Turu mare masha ni chye lu na mara ai,” ngu nna tsun wu ai.

EZEKELA 25:8

Tsaw Htum ai dai Madu gaw, “Yuda gaw kaga masha amyu baw ni yawng hte bung nga ai nga nna Moba wa tsun nu ai majaw,

EZEKELA 24:24

Dai hpang, ngai gaw nanhte a matu kumla tai na nngai; ngai galaw sai amu magup hpe nanhte galaw lu na marin dai. Ndai amu byin wa ai shaloi, shi gaw Tsaw Htum ai dai Madu rai nga ai hpe nanhte chye lu na marin dai, ngu nna dai Madu tsun ai.”

ESAIA 37:20

Ya chyawm gaw, Madu anhte a Karai Kasang e, Asuri masha ni a lata kaw na anhte hpe hkye mawai la mi, shaloi mungkan ga na masha amyu baw ni yawng gaw nang chyu sha Karai Kasang rai nga ai hpe chye lu na mara ai.”

ESAIA 32:14

Hkawhkam htingnu pyi kabai kau hkrum na ra ai, mare daju gaw tsep kawp katsi katsang shara tai mat na ra ai. Dum nta ni hte shanhte hpe makawp maga ya ai hpyen dap ni htani htana hten run mat na ra ai. Lawze shazai ni dai hkan e brak hkawm nna sagu ni dai yang e udat shara mu na mara ai.

SHAKAWN KUNGDAWN 83:18

Nang chyu sha Madu rai nga ai lam hte ga ntsa ting hta e, Tsaw Htum ai Wa rai nga ai lam hpe shanhte chye na la mu ga law.

TARA JAHPRANG 3:11

(Hkawhkam Oga gaw Rehpim amyu a jahtum ngam nga ai hkawhkam rai nga ai. Shi a da-u gaw nlung hte galaw da wu ai rai nna shadawn shadang hte maren nga yang, galu de pe 14 daram, nda de pe 6 daram rai nga ai. Dai hpe Amon masha ni a mare Raba e dai ni du hkra naw mu lu nga ai.)

YEREMIA 49:2

Rai ti mung, dai Raba mare daju na mare masha ni hpe majan gasat ai nsen ngai na shangun ai aten du wa na ra ai; dai mare gaw hten run taw mat nhtawm de a kahtawng ningchyawng ni hkru sumpum taw nga na mara ai. Dai shaloi Israela masha ni gaw shanhte a lata kaw na tat kau dat ai dai mungdan hpe bai madu la lu na mara ai.

EZEKELA 21:30

“ ‘Nhtu hpe n-ga de bai bang tawn u! Ngai gaw nang hpe nang hpan da hkrum ai shara ngu ai nang shangai wa sai mungdan hta tara jeyang na nngai.

EZEKELA 21:25

“Tara n lang ai hte matsat shabat re ai Israela mung du wa e, nanhte a nhtoi ngu ai jahtum ari jaw ai nanhte a aten mung du wa ra ai.

ZEHPANI 2:6

Panglai hkin-gau na nanhte a lamu ga gaw udat shara, sagu rem ni a sum gap shara hte sagu hpung ni a ulawng shara ni tai mat na mara ai.