EZEKELA 25:3 - Jinghpaw Common Language Bible 2009

³ Tsaw Htum ai dai Madu ngai nan tsun nga ai mungga madat na matu shanhte hpe tsun u: Nang gaw awu asin di kau hkrup sai nye a Nawku Htingnu hpe mung, shingran katsi mat sai Israela mungdan hpe mung, bawng dung hkrum ai Yuda amyu masha ni hpe mung, yu kabu ai hte yu sharawng nga nit dai majaw,

Jinghpaw Hanson Version Bible

³ Ammon a kashu kasha ni hpe ning ngu u; ‘Madu Yehowa a ga madat mara mu; Madu Yehowa ning nga ai: Nang gaw, awu asin hkrum ai, nye a chyoi pra ai shara hpe mung, masha shingran katsi mat ai, Israela mungdan hpe mung, bawng dung hkrum ai Yuda amyu hpe mung, ‘Aha,’ nga nna tsun ndai majaw,

EZEKELA 25:3 ပူးပေါင်းရင်းမြစ်များ

SHAKAWN KUNGDAWN 35:21

“Nang hpa galaw da sai lam hpe anhte mu sagaw ai,” nga nna jahtau tsun let; shanhte ngai hpe mara shagun da nga ma ai.

GA SHAGAWP 17:5

Matsan mayan masha ni hpe nang asawng asang di ai rai yang, shanhte hpe hpan da ai Karai Kasang hpe nang n kaw n law di nga ndai; masha wa a ru yak tsin-yam hpe nang yu kabu ai rai yang, nang ari hkrum sha na rin dai.

SHARUNG SHAYAWT 1:7

Ya garen gari rai hten run mat sai Yerusalem gaw moi shawng na shi a hkik hkam ai arawng sadang hpe myit dum nga ai. Shi gaw gumlau hpyen a lata de hkrat mat ai shaloi, shi hpe karum la na masha langai mi mung n nga nga ai; Shi hpe dang manga kau ai ni mung shi a hkrat sum ai hpe jahpoi asawng nga ma ai.

SHARUNG SHAYAWT 4:21

Edom hte Uza mung masha ni e, mani sumsai rai nga mu; nang dang lu ai made kabu gara nga u. Na a ru yak tsin-yam tsindam mung du wa ra ai; nang mung ndi nda rai lam hkawm nhtawm singgu krin kaya kahpa hkrum na rin dai.

EZEKELA 21:28

“Si chye ai masha wa e, myihtoi htoi u. Israela amyu masha ni hpe n kaw n law di nga ai Amon masha ni hte seng nna Tsaw Htum ai dai Madu ngai nan tsun nga ai ga ni hpe tsun ndau u. Shanhte hpe ning ngu tsun u: ‘Nhtu gaw jahten shaza na matu jin nga sai; Dai gaw sat na matu kabrim nna, myihprap zawn tu gala nga ai.

EZEKELA 25:6

“Ndai gaw Tsaw Htum ai dai Madu tsun ai mungga rai nga ai: Nang gaw lahpawk dum let kabu gumhtawn hkawm nga ndai. Nang gaw Israela mungdan hpe n kaw n law di kau nga ndai.

EZEKELA 25:8

Tsaw Htum ai dai Madu gaw, “Yuda gaw kaga masha amyu baw ni yawng hte bung nga ai nga nna Moba wa tsun nu ai majaw,

MIHKA 7:8

Anhte a gumlau hpyen ni gaw anhte a ntsa e lachyum kata, yu kabu nga ma ai. Anhte kataw mat ai rai ti mung bai rawt wa lu na ga ai. Ya, anhte nsin kata hta rawng nga ga ti mung, dai Madu gaw anhte hpe nhtoi jaw ya na ra ai.

ZEHPANI 2:8

Chyahtum Chyalai N-gun rawng ai dai Madu gaw, “Moba hte Amon masha ni gaw nye a amyu masha ni hpe n kaw n law rai nna asawng asang di ma ai; shanhte a lamu ga madu la na nga, gumrawng nga ma ai lam, ngai na ni ai.

TARA AGYI 6:3

Israela amyu masha ni nli naili gat hkai da ai shaloi, Midian masha ni mahtang Amalek masha ni hte nam mali hkan nga ai amyu baw ni hte rau sa htim gasat ma ai.