EZEKELA 25:1 - Jinghpaw Common Language Bible 2009

¹ Dai Madu gaw ngai hpe ga shaga wu ai.

Jinghpaw Hanson Version Bible

¹ Bai Yehowa mungga ngai kaw du nna,

EZEKELA 25:1 ပူးပေါင်းရင်းမြစ်များ

NEHEMIA 13:1

Amyu masha ni hpe Mawshe a Tara ja ja hti dan mu ai shaloi, dai laika hta Amon hte Moba masha kadai mung Karai Kasang a amyu masha ni hte galoi mung matut mahkai lu na ahkang n nga nga ai.

YEREMIA 12:14

Dai Madu gaw, “Nye a amyu masha Israela hpe ngai jaw tawn ai lamu ga hpe jahten sharun kau ya ai Israela a htingbu ni hte seng nna tsun dan na lam lama mi ngai lu nngai. Ngai gaw hkai bawng hpe gang baw kau ai zawn n hkru ai amyu masha ni hpe shanhte a mungdan ni kaw na baw kau na we ai; ngai gaw Yuda mung hpe shanhte a lata kaw nna hkye mawai la na nngai.

YEREMIA 27:3

Dai hpang, dai Madu gaw Edom, Moba, Amon, Turu hte Sidon hkawhkam ni hpang de Hkawhkam Zedekia hpe mu lu na matu Yerusalem de du sa nga sai shanhte a dat kasa ni a lata hku nna ndai mungga hpe shagun dat na matu ngai hpe tsun ni ai.

YEREMIA 49:1

Ndai gaw Amon masha ni hte seng nna tsun ai dai Madu a mungga rai nga ai: “Israela lasha ni kanang rai nga ma ta? Shanhte a mungdan hpe makawp maga na lasha kadai mung n nga sani? Shanhte gaw Molek hpara hpe nawku ai masha ni, Gad a mungdaw hpe hpa majaw madu la ai hte dai shara hta de nga ma ni?

SHARUNG SHAYAWT 1:21

“Nye a madai sharung ai nsen ni hpe madat ya et; ngai hpe shalan shabran la na langai mi mung n nga nga ai. Nang gaw nye a ntsa e ru yak tsin-yam tsindam shapraw dat nit dai majaw, nye a gumlau hpyen ni kabu nga ma ai. Nang ga sadi tawn da ai nhtoi hpe shadu nna, ngai hkam sha ai zawn nye a gumlau hpyen ni hpe nni nkri hkam sha shangun u.

EZEKELA 24:27

Dai shani hta nan, nang hta htum mat sai ga tsun n-gun bai awai la lu nna shi hte rau ga tsun na ndai. Ndai lam hku nna nang gaw amyu masha ni a matu kumla tai nna ngai gaw dai Madu nan rai nga nngai hpe shanhte chye lu na mara ai,” ngu nna tsun ai.

EZEKELA 25:2

Shi gaw, “Si chye ai masha wa e, Amon mung hpe myihtoi htoi u.

EZEKELA 28:26

Shanhte gaw dai shara hta shim lum ai hte shanu nga lu na mara ai; Shanhte gaw nta ni galaw nna sabyi sun ni hkai na mara ai. Ngai gaw shanhte hpe n kaw n law di kau ai shanhte a htingbu mungdan ni yawng hpe ari jaw na nngai; shaloi Israela gaw shim nga na ra ai. Ngai nan shanhte a Madu Karai Kasang rai nga ai hpe shanhte chye lu na mara ai,” ngu nna tsun wu ai.

EZEKELA 32:29

“Edom gaw shi a hkawhkam ni hte mung du ni hte rau rai nga ai. Shanhte gaw daru magam n-gun hte hpring ai hpyenla ni rai nga ma ai, rai ti mung, ya chyawm gaw matu gadoi n hkam ai hte majan hta sat kau hkrum sai ni hte rau katsan ga e shanhte kaleng taw nga ma ai.

EZEKELA 36:7

Tsaw Htum ai dai Madu ngai nan gaw grup yin hkan nga ai masha amyu baw ni shagrit kau hkrum na mara ai lam ga sadi hte dagam nngai.

YOELA 3:19

“Shanhte gaw Yuda mung hpe gasat nna, dai hta nga ai mara n kap ai masha ni hpe sat kau mu ai majaw, Egutu mung gaw zaibru jang tai mat nna, Edom gaw katsi katsang hten run mat na ra ai.

AMO LAIKA (AMOS) 1:13

Dai Madu gaw, “Amon masha ni lang hte lang yubak galaw shut kau nga masai, dai lam a majaw ngai shanhte hpe teng teng ari jaw na we ai. Shanhte gaw lamu ga maden jat la lu na matu majan gasat ai shaloi Gilead mung na na-um nasin re ai num ni hpe pyi kan ga kau ma ai.

HABAKU 1:17

Shanhte gaw shanhte a nhtu ni hpe htani htana lang nna matsan dum myit n rawng ai sha, masha amyu baw ni hpe tut nawng jahten shaza nga na ma ni?

ZEHPANI 2:8

Chyahtum Chyalai N-gun rawng ai dai Madu gaw, “Moba hte Amon masha ni gaw nye a amyu masha ni hpe n kaw n law rai nna asawng asang di ma ai; shanhte a lamu ga madu la na nga, gumrawng nga ma ai lam, ngai na ni ai.

ZEHPANI 2:9

Ngai gaw ahkrung nga ai dai Madu Israela a Karai Kasang teng teng rai nga nngai hte maren, Moba hte Amon mungdan yan gaw Sodom hte Gomora mare zawn jahten kau hkrum na mara ai gaw ngai dagam da se ai. Shanhte gaw jum nhkun hte htani htana katsi katsang shara tai mat nna nam hkrai shim rai na ra ai. Nye a amyu masha ni kaw na naw ngam nga ai ni gaw shanhte hpe kashun kashe hpya sha nna shanhte a lamu ga ni hpe la kau ya na mara ai,” ngu nna tsun wu ai.