EZEKELA 24:8 - Jinghpaw Common Language Bible 2009

⁸ Ngai gaw masin pawt ai matai dawp la lu hkra, makoi magap n lu ai dai shara hta asai tawn da ni ai.”

Jinghpaw Hanson Version Bible

⁸ Ngai ari jaw na matu, pawt kahtet ai pru hkra, dai sai hpe n makoi magap ai, krin ai nlung ntsa e mara da ni ai.

EZEKELA 24:8 ပူးပေါင်းရင်းမြစ်များ

2 HKAWHKAM 22:17

Shanhte ngai hpe ningdang kau nna karai shaje ni hpe shagu hkungga ni nawng ya ma ai; shing re ai amu hpe shanhte galaw let ngai hpe pawt sindawng shangun nga ma ai. Dai rai nna Yerusalem mare hpe ninghkap na matu nye a masin kahtet ai hpe jasu sharawt ya nga ai rai nna dai gaw kawp mat na ra ai n rai.

2 HKAWHKAM LABAU 34:25

Shanhte gaw ngai hpe ningdang kau nna kaga karai shaje ni hpe shagu hkungga ni nawng ya ai amu yawng mayawng galaw let ngai hpe pawt sindawng shangun nga masai. Nye a masin kahtet ai gaw Yerusalem hpe hkap daw na masin shalut ya nga ai rai nna dai gaw krip mat na n rai.

ESAIA 26:21

Dai Madu gaw ginding aga na masha ni galaw ai yubak ni a matu ari jaw na nga, shi sumsing lamu nga shara kaw nna sa wa nga ai. Ginding aga ntsa e masha asak mayun sat ai ni dan dawng wa na mara ai, lamu ga gaw dai zawn sat kau hkrum sai ni hpe loi mi pyi makoi magap da na ra ai n rai.

YEREMIA 7:18

Shanhte shamying ai Sumsing Lamu a Hkawhkam jan ngu ai hpara num a matu ma kaji ni gaw hpun hta, lasha ni gaw wan htung galaw, numsha ni gaw muk kabaw na matu muk shadung ni hpe kayau gumchya ma ai. Shanhte gaw ngai hpe nchyi nmu byin shangun na matu kaga karai ni hpe sabyi hkungga ni ru jaw nga ma ai.

YEREMIA 7:20

Shing rai Tsaw Htum ai dai Madu ngai nan ndai Nawku Htingnu ntsa e nye a masin kahtet kang ai hpe ru jaw dat na we ai. Masha hte yam nga ni a ntsa e mung, hpun ni hte nsi naisi ni a ntsa e du hkra pyi ru jaw na we ai. Nye a masin kahtet ai gaw agrung nga ai wan zawn rai nna kadai mung dai hpe krip kau lu na n rai.

EZEKELA 22:4

Nang gaw masha sat ai amu ni hte mara kap nga ndai, nang galaw ai hpara sumla ni hte awu asin hkrum nga ndai; dai rai nna na a nhtoi gaw du wa ra ai, na a aten htum mat nit dai! Shing re ai lam ni a majaw ngai nang hpe masha amyu baw ni hta mani hpa shatai kau na nngai, mungdan yawng mung nang hpe asawng asang di kau na mara ai.

EZEKELA 23:45

Shan gaw lashaw ai amu galaw ai hte shan a lata ni mung sai kap nga ma ai majaw, ding hpring ai ni gaw shan a lashaw ai hte masha sat ai amu ni hpe daw dan na mara ai.”

EZEKELA 5:13

Ngai myit dik ai aten du hkra, nye a sindawng kahtet ai hte n-yun bu ai n-gun hpe nang hkam sha na rai ndai. Ndai lam yawng byin wa ai shaloi, ngai gaw na a sadi n dung ai hta myit kahtet nga nngai majaw dai Madu ngai nan nang hpe tsun kau ai ga hpe nang chye wa lu na rai ndai.

ZEHPANI 1:17

Dai Madu gaw, “Shinggyim masha ni a ntsa e dai zawn re ai tsin-yam tsindam shangun dat nna, masha hkum shagu gaw myi n mu ai wa zawn lamawm hkawm wa na mara ai. Shanhte gaw ngai hpe yubak galaw ma ai majaw, shanhte a asai hpe ya jang, hka zawn ru pru wa wa nna shanhte a moi mang ni gaw ga ntsa e yat mara taw nga na mara ai,” ngu nna tsun ai.

MAHTE 7:2

hpa majaw nga yang, nanhte masha kaga ni hpe jeyang ai hte maren Karai Kasang gaw nanhte hpe jeyang na marin dai; nanhte masha kaga hpe jeyang ai shaloi lang ai tara hte maren nanhte hpe jeyang na ra ai.

1 KORINHTU 4:5

Dai re ai majaw, aten hkrak garai n du yang, kadai hpe mung hkum jeyang myit. Hpang jahtum na jeyang daw dan ai lam hpe, dai Madu bai du sa ai nhtoi shani du hkra la nga lu na rai nga ai; Shi gaw nsin hta makoi magap da ai nga manga hte hpe mung, masha a myit kraw lawang kata hta makoi magap da ai myit mang yaw shada ai lam ni hpe mung, shapraw shadan dan na ra ai. Dai shaloi e langai hte langai gaw tinang hte ging dan ai hte maren Karai Kasang kaw na shakawn shagrau ai hpe hkam la na ra ai.

SHINGRAN 18:16

“Lachyit sumpan, shaba pu nsam rawng ai lai sumpan, hkyeng ai bu hpun palawng bu hpun nna, ja rai, hpu ging ai lungseng hte pale ni hte mawn sumli ai galu kaba ai mare gaw, dingnye lu a hka! Dingnye lu a hka!