EZEKELA 24:6 - Jinghpaw Common Language Bible 2009

⁶ Ndai gaw Tsaw Htum ai dai Madu tsun ai mungga rai nga ai: “Masha sat ai ni shanu ai mare gaw dingnye hkrum nga sai! Dai gaw nhkan kap ai di zawn rai nga nna galoi mung n tsai hkraw nga ai. Shan tau langai mi pyi n ngam hkra, langai hte langai hpe shaw shapraw kau u.

Jinghpaw Hanson Version Bible

⁶ Dai re ai majaw Madu Yehowa ning nga ai, Nhkan kap nna galoi n tsai hkraw ai di ngu ai sai kap ai mare gaw dingnye lu u ga: shan tau mi hte tau mi shapraw u: hpaida da shara n nga ai.

EZEKELA 24:6 ပူးပေါင်းရင်းမြစ်များ

2 SAMUELA 8:2

Dai hpang Moba mung masha ni hpe shi gasat dang kau wu ai. Shi gaw bawng masha shagu hpe ga ntsa e kaleng da shangun nhtawm dai ni kaw na masha masum hta lahkawng hkawng shaw la nna sat kau wu ai. Dai rai nna Moba masha ni mung Dawi a up hkang ai npu de shang mat wa ai hte shi hpe ahkun hkanse bang jaw ma ai.

2 HKAWHKAM 21:16

Manashe gaw mara n kap ai amyu masha law law hte hpe sat kau wu ai majaw Yerusalem nmaw lam hkan sai hka lwi nga ai. Yuda amyu masha ni hpe hpara sumla nawku ai lai de woi sa wa nna dai Madu hpe shut kau na lam shanhte hpe jat nna shi woi galaw nga ai.

2 HKAWHKAM 24:3

Hkawhkam Manashe galaw shut kau ai yubak mara yawng a majaw mung, grau nna mara n kap ai amyu masha ni yawng hpe shi sat kau wu ai rai nna Yuda amyu masha ni hpe shi a man kaw nna gawt shapraw kau na matu dai Madu hkang da ai ga hte maren ndai lam byin pru wa sai. Dai Madu gaw shing re ai amu galaw ai a jaw e shi hpe mara n dat ya lu ai lam rai nga ai.

YEREMIA 2:22

Kaja htum ai sabya hte nang kashin kau tim pyi, na a mara numsha hpe ngai naw mu nngai.

YEREMIA 6:29

Wan htung gaw kang kahtet hkra hkru nga ti mung, nhprang hkyi ni gaw n byawng lu nga ai. N hkru ai masha ni hpe n tsan kau lu ai majaw nye a amyu masha ni hpe matut jen yu na matu akyu n rawng nga ai.

EZEKELA 11:11

Di gaw dai kata na shan hpe makawp maga da lu ai zawn, dai mare gaw nanhte hpe makawp maga da lu na ra ai n rai; Ngai gaw Israela mungdan shara shagu hkan nga ai nanhte hpe ari jaw na nngai.

EZEKELA 11:3

Shanhte gaw, ‘Anhte gaw kade n na yang, dum nta ni hpe bai gaw gap lu na saga ai. Ndai mare gaw di zawn rai nna, anhte gaw dai di na ashan zawn rai nga ga ai, rai ti mung dai gaw yawm dik htum anhte hpe wan kaw nna makawp maga la nga ai,’ ngu nna tsun ma ai.

EZEKELA 22:12

Amyu masha nkau mi gaw gumhpraw a jaw e masha sat ma ai. Nkau mi gaw shanhte a kahpu kanau Israela masha ni hpe gumhpraw amyat tam sha nna, sut su wa na matu shanhte hpe mawp sha nga ma ai. Shanhte gaw ngai hpe mung malap kau manu ai.” Dai Tsaw Htum ai Madu tsun nu ai.

EZEKELA 22:2

Shi gaw, “Si chye ai masha wa e, nang gaw masha sat ai ni hte hpring nga ai mare hpe tara jeyang na matu jin jin rai nga n ni? Dai mare hta galaw kau sai matsat shabat amu ni mahkra hpe asan sha madun dan u.

EZEKELA 22:27

Asuya mung du ni mung ashan ni gyam sat nna ashep ashin di gang amya sha ai chyahkyawn ni hte bung nga ma ai. Shanhte gaw sut su wa na matu masha sat ai amu hte shut hpyit nga ma ai.

EZEKELA 22:3

Tsaw Htum ai dai Madu ngai tsun ai mungga, dai mare hpe tsun u: Nang gaw na a amyu masha ni law law hpe sai jahkaw kau nit dai, hpara sumla ni hpe nawku ai hku nna na hkum hpe awu asin di kau nit dai majaw na a aten du wa ra ai.

EZEKELA 24:3

Ngai hpe gumlau ai amyu masha ni hpe Tsaw Htum ai dai Madu ngai nan shanhte a matu ning nga ai ngu nna ndai ga shadawn hpe htawn tsun u: Wan mang ntsa e di dun u dai hpe hka hte jahpring u.

EZEKELA 24:9

Ndai gaw dai Tsaw Htum ai Madu tsun ai mungga rai nga ai: “Masha sat ai ni shanu ai mare gaw dingnye hkrum nga sai! Ngai nan ju hpun ni hpe sumpum da na nngai.

YOELA 3:3

Shanhte gaw bawng masha ni hpe kadai wa madu la lu na matu hpaida da let daw dan la ma ai. Shanhte gaw shawa num ni hte sabyi ntsin manu jaw na matu, numsha, lasha ni hpe mayam hku dut sha kau ma ai.

OBEDIA 1:11

Gumlau hpyen ni shanhte a mare chyinghka ni hpe adup agrawp kau ai shani e, nang n shamu ai sha tsap nga ndai. Nang gaw Yerusalem a sut gan ni magawn hpai mat wa nna dai ni hpe jawm karan la ai tsasam masha ni zawn n kaja nga ndai.

YONA 1:7

Sanghpaw masha ni gaw shanhte shada da, “Anhte hpe ndai tsin-yam tsindam hkrum shangun ai wa gaw kadai rai nga ai hpe mara shagun lu na matu hpaida da nna tam yu ga,” nga nna tsun hkat ma ai. Shanhte dai hku galaw ma yang, Yona hta ang wa nga sai.

MIHKA 7:2

Dai yang e ding man ai masha langai mi pyi n nga nga ai; Karai Kasang hta sadi dung ai masha langai mi mung n nga nga ai. Langai hte langai gaw masha sat, sai jahkaw na ahkaw ahkang hpe ala nga ma ai. Masha hkum shagu shada da hkan gyam nga ma ai.

NAHUM 3:1

Masu magaw ai, sai jahkaw ru hka amu shapraw ai mare, lanep hta na hte hpya lu hpya sha na sut gan hpring nga ai mare gaw dingnye hkrum nga sai!

NAHUM 3:10

Ti mung, Thebe a masha ni ni gaw bawng dung hkrum mat wa ma ai. Shanhte a kashu kasha ni lam jut shara shagu hkan si hkra kayat sat kau hkrum nga masai. Shanhte a lam woi masha ni hpri sumri hte gyit hkang da hkrum nna shanhte a bawng madu ni hpaida da nhtawm, jawm karan la hkrum nga ma ai.

MAHTE 23:35

Shing re ai a majaw, mara n kap ai Abela a asai kaw nna, dai Nawku Htingnu hte tawn hkungri lapran e nanhte sat kau ai Barahkia a kasha Zehkaria a asai du hkra nanhte bunglat ari hkrum na marin dai.

TARA JAHPRANG 23:13

Tinang a hpyen rai langai zawn alang nga ai shingban hpe lang nna, tinang hkum sa tsan yang, dai hte nhkun htu nna bai kaput kau da na rai myit dai.

YAWSHU 10:22

Dai hpang Yawshu gaw, “Dai ginlawng hku chyinghka hpaw nna dai hkawhkam manga hpe ngai hpang de woi shapraw wa mi,” ngu nna tsun wu ai.

SHINGRAN 17:6

Bai, dai numsha gaw Karai Kasang a masha ni a asai hpe mung, Madu Yesu hta sadi dung ai majaw sat kau hkrum ai ni a asai hpe mung, lu nna nang bam taw nga ai hpe, ngai mu nngai. Shi hpe mu yang, kaja wa dik hkra mau mahka mat nngai.

SHINGRAN 18:24

Babelon mare ari hkrum ai lam gaw, myihtoi ni a asai, Karai Kasang a amyu masha ni a asai hte, rai sa, ga ntsa e sat kau hkrum mahkrum ni a asai dai mare hta mu hkrup lu sai majaw rai nga ai, nga nna tsun ai.