EZEKELA 24:3 - Jinghpaw Common Language Bible 2009

³ Ngai hpe gumlau ai amyu masha ni hpe Tsaw Htum ai dai Madu ngai nan shanhte a matu ning nga ai ngu nna ndai ga shadawn hpe htawn tsun u: Wan mang ntsa e di dun u dai hpe hka hte jahpring u.

Jinghpaw Hanson Version Bible

³ Gumlau chye ai amyu hpe, ‘Madu Yehowa ning nga ai, ngu nna ga shadawn hku htawn tsun u: Di hpe dun u, dun u; ntsin ru bang u;

EZEKELA 24:3 ပူးပေါင်းရင်းမြစ်များ

2 HKAWHKAM 4:38

Lang mi, Elisha gaw Gilgala mare de nhtang wa yang, dai mung e hkuwa wa nga ai. Shi gaw myihtoi hpung mi hpe sharin achyin nga yang, shi a shangun ma ni hpe wan ntsa e di kaba shadun nhtawm myihtoi ni a matu shatmai shadu shangun wu ai.

SHAKAWN KUNGDAWN 78:2

Anhte a kaji kawa ni anhte hpe tsun dan sai majaw, anhte chye da sai magam amu ni hte;

ESAIA 1:2

Dai Madu gaw, “Ginding aga hte sumsing lamu e, ngai hpa tsun nga nngai hpe madat ya e! Ngai bau maka nna kaba wa ai kashu kasha ni ngai hpe gumlau nga masai.

ESAIA 29:2

Dai hpang Karai Kasang gaw, “Karai Kasang a tawn hkungri,” ngu shamying ai mare a ntsa e tsin-yam tsindam shapraw na ra ai. Dai shara hta hkrap ngu hkrap ngoi hte hkrap agru ai nsen hpring nna, mare ting gaw asai hte gat lapri da ai tawn hkungri zawn tai mat na ra ai.

ESAIA 30:1

Dai Madu gaw ning nga tsun nu ai: “Yuda mung hpe up ai ni gaw dingnye hkrum ma ai, hpa majaw nga yang shanhte ngai hpe gumlau ma ai. Shanhte gaw ngai n hpajang lawm ai maw mawn lam ni hta hkan ma ai, nye a myit ra ai hte nhtan shai ai ga shaka ni hpe myit hkrum ta masat galaw let yubak kahtap kala galaw ma ai.

ESAIA 30:9

Shanhte gaw Karai Kasang hpe tut nawng gumlau ma ai, tut nawng masu magaw ma ai, dai Madu a sharin shaga ga ni hpe madat na matu tut nawng ningdang nga ma ai.

ESAIA 63:10

rai ti mung, shanhte gaw shi hpe gumlau nna shi a chyoi pra ai wenyi hpe yawn shangun ma ai. Dai rai nna dai Madu gaw shanhte a gumlau tai mat nhtawm shanhte hpe gasat wu ai.

YEREMIA 1:13

Dai hpang dai Madu gaw ngai hpe bai tsun let, “Nang hpa naw mu n ta?,” ngu nna san wu ai. Ngai gaw, “Dingdung maga hta prut nga ai di bu langai hpe ngai mu nngai, dai gaw dagup mat hkyen na zawn rai nga ai,” ngu nna htan nngai.

YEREMIA 1:14

Shi gaw ngai hpe, “Dingdung maga de na jahten sharun ai gaw ndai mungdan hta shanu nga ai ni yawng a ntsa e prut pru wa na ra ai,

EZEKELA 11:11

Di gaw dai kata na shan hpe makawp maga da lu ai zawn, dai mare gaw nanhte hpe makawp maga da lu na ra ai n rai; Ngai gaw Israela mungdan shara shagu hkan nga ai nanhte hpe ari jaw na nngai.

EZEKELA 11:3

Shanhte gaw, ‘Anhte gaw kade n na yang, dum nta ni hpe bai gaw gap lu na saga ai. Ndai mare gaw di zawn rai nna, anhte gaw dai di na ashan zawn rai nga ga ai, rai ti mung dai gaw yawm dik htum anhte hpe wan kaw nna makawp maga la nga ai,’ ngu nna tsun ma ai.

EZEKELA 11:7

“Dai rai nna, ndai gaw Tsaw Htum ai dai Madu ngai nan nanhte hpe tau tsun nga ai mungga rai nga ai. Rai sa, ndai mare gaw shadu sha ai di rai nga ti mung, shan gaw kaning re ai rai nga a ta? Dai gaw nanhte sat kau manit dai si mang ni rai nga ai! Nanhte gaw ndai mare e nga lu na n rai. Ngai nanhte hpe ndai mare kaw na shapraw kau na made ai!

EZEKELA 12:2

Shi gaw, “Si chye ai masha wa e, nang gaw gumlau ai masha ni a lapran e nga nga ndai. Shanhte gaw na tu ti mung hpa tsun ai hpe n na ma ai, hpa majaw nga yang, shanhte gaw gumlau chye ai masha ni rai ma ai.

EZEKELA 12:25

Dai Madu ngai nan shanhte hpe tsun na nngai. Ngai tsun ai hte maren dik wa na ra ai. Dai gaw galoi mung aten la, htingnai nga na ra ai n rai. Gumlau chye ai ni e, nanhte asak hkrung nga ai laman, ngai galaw na ngu nna nanhte hpe shadum jahprang da ni ai hte maren ngai shadik na nngai. Ngai nan dai ga hpe tsun ni ai, nga nna Tsaw Htum ai dai Madu nan tsun ai.

EZEKELA 17:12

“Dai gumlau chye ai ni hpe shanhte dai ga shadawn a lachyum chye na ai rai yang, tsun dan na matu san yu u. Babelon hkawhkam gaw Yerusalem mare de du nna, hkawhkam wa hte shi a mung du salang ni hpe rim la nhtawm, shi hte rau Babelon mung de woi wa manu ai.

EZEKELA 17:2

Shi gaw, “Si chye ai masha wa e, Israela amyu masha ni hpe

EZEKELA 2:2

Dai nsen tsun nga yang, Karai Kasang a wenyi gaw ngai hta shang wa nna, ngai hpe tsap shangun nga ai, ngai gaw dai nsen hpe matut nna,

EZEKELA 2:3

“Si chye ai masha wa e, ngai gaw nang hpe Israela amyu masha ni hpang de shangun dat nga nngai. Shanhte gaw ngai hpe gumlau nna hpyen tai ma ai, shanhte a kaji kawa ni zawn ya du hkra naw gumlau ma ai.

EZEKELA 2:5

Ndai zawn gumlau ai ni gaw na a ga hpe madat ti mung, n madat ti mung, shanhte a lapran e myihtoi langai mi nga nga sai hpe shanhte chye lu na mara ai.

EZEKELA 2:6

“Rai ti mung, si chye ai masha wa e, nang gaw shanhte hpe hkrit ra ai n rai, shanhte tsun ai ga hpa hpe mung hkum hkrit et. Shanhte gaw nang hpe ninghkap nna n kaw n law di na mara ai; dai gaw n-gaw gawk ni a lapran e nga nga ai zawn rai na ra ai. Shanhte gumlau ai hpe mung, shanhte tsun ai ga hpa hpe mung hkum hkrit nga et.

EZEKELA 2:8

“Si chye ai masha wa e, ngai nang hpe tsun ai ga hpe madat u. Shanhte zawn gumlau na myit hkum rawng nga et. Na a n-gup hpaw nna ngai nang hpe jaw na arai hpe sha u,” ngu tsun ai nsen hpe na nngai.

EZEKELA 20:49

Rai ti mung, ngai gaw, “Tsaw Htum ai Madu e, ngai hpe dai amu hkum galaw shangun et! Ngai gaw tut nawng e gumwai ga ni hpe tsun nngai nga nna, masha shagu tsun aput shatsang na jin jin rai nga ma ai,” ngu nna ninghkap htan kau we ai.

EZEKELA 24:6

Ndai gaw Tsaw Htum ai dai Madu tsun ai mungga rai nga ai: “Masha sat ai ni shanu ai mare gaw dingnye hkrum nga sai! Dai gaw nhkan kap ai di zawn rai nga nna galoi mung n tsai hkraw nga ai. Shan tau langai mi pyi n ngam hkra, langai hte langai hpe shaw shapraw kau u.

EZEKELA 3:9

Ngai gaw nang hpe ngang ai lunghkrung hte ja ai lung seng zawn shaja ya na nngai; ndai gumlau ai masha ni hpe hkum hkrit et,” nga nna tsun wu ai.

MIHKA 2:4

Dai aten du ai shaloi, masha ni gaw nanhte a tsin-yam tsindam hpe ga shadawn zawn tsun na mara ai; shanhte gaw nanhte a mahkrum madup hpe ndai gawng run mahkawn hte mahkawn mangoi na mara ai: Anhte gaw atsai awai hten run hkrum nga saga hka! Dai Madu gaw anhte a lamu ga la kau ya nna, Anhte hpe rim mat wa ai ni a lata hta ap kau ya nu ai.”

MARKU 12:12

Yuda ningbaw ningla ni gaw, Yesu hpe rim la na shakut ma ai, hpa majaw nga yang, ndai ga shadawn gaw shanhte hpe sha-ang nna ngu jaw ai re hpe shanhte chye nga ma ai. Rai ti mung shanhte gaw shawa masha ni hpe hkrit da mu ai rai nna shi hpe kau da nna pru mat wa ma ai.

LUKA 8:10

Shi gaw, “Karai Kasang a Mungdan a sung htum ai lam ni hpe chye na na ahkang nanhte hpe jaw da manit dai, masha gale ni chyawm gaw, yu layu e n mu mu ga, na lana e n chye na mu ga, ga shadawn hku ngai tsun nga nngai.

KASA 7:51

“Dai daram wa nanhte du ja nga myit hka! Nanhte a myit masin ni gaw Karai Kasang hpe dai daram wa n kam n sham nga malit hka! Karai Kasang a shingran mungga hpe na la na dai daram wa na lahpang nga myit hka! Nanhte gaw, nanhte a nji nwa ni galaw ai zawn Chyoi Pra ai Wenyi hpe nanhte galoi mung ninghkap nga myit hka!