EZEKELA 24:23 - Jinghpaw Common Language Bible 2009

²³ Nanhte gaw bunghkaw n hkaw ai hte, lagaw kaman hte hkawm na myit dai n rai; hkrap ngu hkrap ngoi ai hte sharung shayawt na myit dai n rai. Nanhte gaw tinang a yubak mara ni a majaw agyawm mat nna langai hte langai madai sharung na myit dai.

Jinghpaw Hanson Version Bible

²³ Nanhte bunghkaw hkaw nna, kyepdin din na marin dai; hkrap ngu hkrap ngoi sharung shayawt lu na n rai; nanhte gaw tinang yubak majaw agyawm mat nna, langai hte langai madai shajang na marin dai.

EZEKELA 24:23 ပူးပေါင်းရင်းမြစ်များ

2 SAMUELA 15:30

Dawi mung yawn hkyen ai kumla hte shi a baw htinggrum nna kyepdin raw kau nhtawm hkrap let, Tsanlun Bum de lung wa wu ai. Shi a hpang hkan ai masha ni yawng mung shanhte a baw ni htinggrum nhtawm hkrap let shi kaw hkan nang nga ma ai.

YOBA 27:15

Asak naw hkrung nga ai ni mung ana ahkya hte si htum mat na mara ai; shanhte a gaida gaina ni pyi dai ni a si hkrung si htan lam a majaw hkrap ngu hkrap ngoi lu na ma ai n rai.

SHAKAWN KUNGDAWN 107:17

Shanhte galaw ai yubak ni a majaw masha nkau mi angawk nga ma ai; shanhte galaw ai n hkru n hkra lam ni a majaw, nkau mi nchyi nmu hkrum sha nga ma ai.

SHAKAWN KUNGDAWN 78:64

Hkinjawng ni mung kashun kashe du daw sai hkaw re ai amu hta si mat nga ma ai; shanhte a gaida jan ni hpe hkrap ngu hkrap ngoi na ahkang n jaw wu ai.

ESAIA 20:2

Dai Madu gaw masum ning jau kaw nna Amot a kasha Esaia hpe shi a kyepdin ni hte shi hpun nga ai lachyit hpun nba raw kau na matu tsun nu ai. Shi madat mara ai hte singgu krin, kyepdin n din ai sha hkawm kayin nga ai.

ESAIA 59:11

Anhte gaw hkrit kajawng ai hte tsin-yam tsindam hkrum nga ga ai. Anhte gaw dip gamyet sha hkrum nga ai hte shut hpyit amu kaw na Karai Kasang anhte hpe hkye la na matu marit nga ga ai, rai ti mung dai gaw hpa mung n byin wa nga ai.

YEREMIA 13:18

Dai Madu gaw ngai hpe, “Shanhte a htoi kabrim tsawm htap ai janmau ni di hkrat mat mu ai majaw, shanhte a magam tingnyang ni kaw na yu na matu, hkawhkam wa hte shi a kanu hpe tsun u.

SHARUNG SHAYAWT 4:9

Hpyen majan hta si mat wa ai ni gaw lusha kyet nna angwi ngwi sha nsa hkyet mat wa ai hkrum let, si mat wa ai ni hta grau nna kaja nga ma ai.

EZEKELA 24:22

Dai hpang, ngai galaw ni ai zawn nanhte galaw na marin dai. Nanhte gaw myi man magap lu na myit dai n rai, sharung shayawt ai ni a lusha hpe mung sha lu na myit dai n rai.

EZEKELA 33:10

Dai Madu gaw ngai hpe ga shaga wu ai. Shi gaw, “Si chye ai masha wa e, Israela ni kaning nga tsun nga ai ga shanhte hpe kahtap tsun dan u: ‘Anhte gaw anhte a yubak ni hte shut kau sai mara ni hte lit li nga ga ai. Anhte gaw n-gun lagaw mung htum mat saga ai. Anhte kaning rai hkrung lu na ga ta?’

EZEKELA 4:17

Shanhte hta muk hte ntsin taw mat nna, myit htum mat na mara ai; shanhte gaw shanhte a yubak mara ni a majaw n-gun kya mat wa na mara ai,” ngu nna tsun wu ai.

EZEKELA 44:18

Dai rai nna, shanhte hta salat n pru mu ga, lachyit bunghkaw ni hte lachyit labu bu hpun ra nga ma ti mung, shingkyit chyawm gaw n kyit ra nga ma ai.

JAW JAU 26:16

Ngai gaw nanhte hpe tsi la n lu ai ana ahkya hte mung, nanhte hpe myi n mu shangun lu ai machyi makaw hte nanhte a asak hpe hkra shangun na ru yak tsin-yam tsindam shangun dat na we ai. Nanhte a gumlau hpyen ni mahtang nanhte hpe ka-up kau nhtawm nanhte hkai shakut da ai nsi naisi ni hpe sha kau na mara ai.

JAW JAU 26:39

Nanhte galaw ai yubak hte nanhte a kaji kawa ni a yubak majaw nanhte a gumlau hpyen ni a mung hta naw ngam nga ai kau chyen mi gaw yawm mat na mara ai.