EZEKELA 24:17 - Jinghpaw Common Language Bible 2009

¹⁷ Na a hkrap sharung ai nsen hpe hkum na shangun nga et. Sharung shayawt ai kumla zawn bunghkaw n hkaw ai hte lagaw kaman hte hkum hkawm et. Na a myi man hkum magap et; sharung shayawt ai ni sha ai lusha hkum sha et,” ngu nna tsun wu ai.

Jinghpaw Hanson Version Bible

¹⁷ madai u, rai timung atsin sha nga u; si mat ai wa a matu hkum sharung shayawt et; bunghkaw hkaw nna kyepdin din u; n-gup hpe hkum magap et; masha ni jaw ai shat hkum sha et,” nga nna tsun ai.

EZEKELA 24:17 ပူးပေါင်းရင်းမြစ်များ

2 SAMUELA 15:30

Dawi mung yawn hkyen ai kumla hte shi a baw htinggrum nna kyepdin raw kau nhtawm hkrap let, Tsanlun Bum de lung wa wu ai. Shi a hpang hkan ai masha ni yawng mung shanhte a baw ni htinggrum nhtawm hkrap let shi kaw hkan nang nga ma ai.

SHAKAWN KUNGDAWN 37:7

Dai Madu a man e amu sha nga nga nna shi shabyin ya na lam hpe ala nga u; n hkru n shawp ai ni a yaw shada ai lam ni hta awng dang wa nna, ngamu ngamai wa ai ni hpe hkum yu tsang nga et.

SHAKAWN KUNGDAWN 39:9

Nang ngai hpe ndai zawn re ai nni nkri hpe jahkrum ai wa rai nga ndai majaw, ngai ga hkaw mi mung n tsun ai sha, zim rai nga na nngai.

SHAKAWN KUNGDAWN 46:10

Shi gaw, “Gasat gala ai lam hpe jahkring kau mu, ngai gaw masha amyu baw ni a ka-ang e mung, mungkan ting a Karai Kasang rai nga nngai hpe mung chye mu,” ngu nna tsun wu ai.

ESAIA 20:2

Dai Madu gaw masum ning jau kaw nna Amot a kasha Esaia hpe shi a kyepdin ni hte shi hpun nga ai lachyit hpun nba raw kau na matu tsun nu ai. Shi madat mara ai hte singgu krin, kyepdin n din ai sha hkawm kayin nga ai.

YEREMIA 13:18

Dai Madu gaw ngai hpe, “Shanhte a htoi kabrim tsawm htap ai janmau ni di hkrat mat mu ai majaw, shanhte a magam tingnyang ni kaw na yu na matu, hkawhkam wa hte shi a kanu hpe tsun u.

EZEKELA 24:18

Ngai gaw jahpawt manap jau jau e mung, amyu masha ni hte ga shaga nngai. Dai shana de jang, nye a madu jan si mat sai hte ngai hpe hkang da ai hte maren, hpang shani e ngai galaw nngai.

EZEKELA 44:18

Dai rai nna, shanhte hta salat n pru mu ga, lachyit bunghkaw ni hte lachyit labu bu hpun ra nga ma ti mung, shingkyit chyawm gaw n kyit ra nga ma ai.

HOSEA 9:4

Shanhte gaw ndai maigan mung ni hta dai Madu hpe sabyi hkungga nawng ya lu na n rai; shi a matu shagu hkungga la sa ya lu na n rai. Dai hpe sha ai ni langai hte langai gaw makoi mayang lusha sha ai zawn awu asin rai nga ai. Dai gaw shanhte kawsi kyet ai shaloi myit shadik sha ai lusha rai nga ai; dai hpe Madu a Nawku Htingnu de hkungga shatai na matu la sa mai na n rai.

JAW JAU 10:6

Dai hpang Mawshe gaw Arun hte shi a shadang sha yan rai nga ai Eleaza hte Ihtama hpe, “Nanhte sharung shayawt nga myit dai hpe madun dan na matu nanhte a kara hkum hpyan kau myit; nanhte a hpun palawng ni hpe mung hkum gang je kau myit. Dai hku galaw ai rai yang si na rai myit dai. Dai Madu mung shawa hpung ting hpe pawt sindawng na rai wu ai. Dai Madu shangun dat ai wan a majaw byin ai rai nga ai; Rai ti mung kaga nanhte a hpu nau Israela masha ni yawng dai si hkrung si htan a matu sharung shayawt na ahkang lu nga myit dai.

JAW JAU 13:45

Manggang kap ai wa gaw je ai hpun palawng ni hpe bu hpun nna kara hpyan kau nhtawm shi a myi man lawu daw magap da let, “N san n seng ai, n san n seng ai,” ngu nna jahtau na rai wu ai.

JAW JAU 21:10

“Hkinjawng kaba wa gaw shi a baw hta namman chya sai hte hkinjawng hpun palawng bu hpun nna ap nawng da sai majaw shi a sharung shayawt nga ai hpe madun dan na matu shi a kara hpe hpyan da lu na n rai; hpun palawng ni hpe gang je kau lu na wu ai n rai.

AMO LAIKA (AMOS) 8:3

Dai shani e, hkawhkam htingnu kata hta mahkawn mangoi ai nsen gaw hkrap shabam ai hte galai mat nna, si mang ni shara shagu hkan e taw nga na mara ai. Shanhte gaw atsin sha kabai kau hkrum na mara ai,” nga nna tsun ai.

MIHKA 3:7

Du na ra ai aten a matu myihtoi htoi ai ni shanhte a hkrat sum lam a majaw kaya kahpa hkrum na mara ai. Karai Kasang shanhte a ga n htan ya ai majaw, shanhte yawng jahpoi asawng ai hkrum na mara ai.

HABAKU 2:20

Dai Madu gaw shi a chyoi pra ai Nawku Htingnu hta nga nga ai; ginding aga ntsa na masha shagu hte gaw shi a man e a sim sha nga mu ga.

MAHTE 9:23

Dai hpang, Yesu gaw dai tara jawng agyi a nta de sa du nna, sumpyi dum ai ni hte sharung shayawt nga ai shawa masha ni hpe mu wu ai.