EZEKELA 24:14 - Jinghpaw Common Language Bible 2009

¹⁴ Dai Madu ngai nan dai ga hpe tsun ni ai. Dai amu galaw shadik na matu, nye a aten gaw du nga sai. Ngai gaw na a yubak mara ni hpe malap kau ya na n rai, n-gaw n wai ai myit madun dan na n rai, matsan dum la na n rai. Nang galaw dan sai arawn alai hte maren ari jaw hkrum na rai ndai.” Tsaw Htum ai dai Madu nan tsun nu ai.

Jinghpaw Hanson Version Bible

¹⁴ Ngai Yehowa nan dai ga tsun ni ai: ngai dai lam shabyin nna, shadik na nngai: ngai nye a ga shabai na, n rai; lahpawt dum na, n rai; myit malai mung lu na, n rai: na a lam hte, na a arawn alai hte maren, ngai nang hpe dawdan na nngai,” nga nna Madu Yehowa tsun ai.

EZEKELA 24:14 ပူးပေါင်းရင်းမြစ်များ

YOBA 27:22

shanhte gaw kaja htum ai hku hprawng gale mayu ti mung dai gaw matsan dum ai lam n nga ai sha, shanhte hpe shapoi kau na mara ai.

SHAKAWN KUNGDAWN 33:9

Shi ga shaga dat ai shaloi, mungkan ga byin pru wa sai; shi a hkang da ai mungga a jaw e, arai yawng mayawng dan pru wa sai.

ESAIA 3:11

Rai ti mung n hkru ai masha ni gaw dingnye hkrum nga sai; shanhte gaw kaga ni hpe galaw kau mu ai hte maren, shanhte hta mung ya jang dai hku hkrum hkra na mara ai.

ESAIA 55:11

Dai hte maren, ngai tsun ai mungga mung dai hte maren tai na ra ai- de a matu ngai shatawng shada ai amu galaw na lam hprai mat na n rai; dai gaw ngai shangun ai amu magup shagu hpe shadik ya na ra ai.

YEREMIA 13:14

Dai hpang, ngai gaw namtau shada ahkawk hkat ai zawn kaji kaba n nga, shanhte hpe agrawp daw kau na nngai. Lahpawt dum ai myit, matsan dum ai myit, n-gaw nwai ai myit hpa mung shanhte hpe sat shamyit kau na kaw na ngai hpe hkum da lu na ra ai n rai,” nga nna tsun ai.

YEREMIA 23:20

dai bungsha gaw shi galaw na matu myit shatawng da ai arai yawng mayawng hte hpe shi myit dik ai aten du hkra ahpawt nga nna, sim mat na ra ai n rai. Shi a amyu masha ni gaw du wa na aten ni hta dai lam hpe dan dan leng leng chye wa na mara ai,” ngu nna tsun ni ai.

YEREMIA 4:18

Yuda e, Nang hkan nga ai sat lawat hte nang galaw da sai amu ni a majaw ndai lam nang hkum nan hkrum sha nit dai. Na a yubak gaw ndai nni nkri hpe shabyin dat nu ai; dai gaw na a myit masin hku achyaw galun ya nga sai.

EZEKELA 16:43

Nang naw kaji nga yang, ngai nang hpe kade lakawn ai hpe mung nang malap kau nhtawm, nang galaw ai amu yawng hte nang ngai hpe pawt sindawng shangun nit dai. Dai lam a majaw, ngai gaw dai amu ni yawng a matu nang hpe matai htang jaw ni ai. Nang galaw ai kaga matsat shabat amu ni yawng hta ngang gayut ai nse nsa amu hpe nang hpa majaw shut hpyit nit ta?” Tsaw Htum ai dai Madu nan tsun nu ai.

EZEKELA 17:24

Dai mung na hpun ni yawng gaw ngai nan dai Madu rai nga nngai hpe chye na mara ai. Ngai gaw hpun galu ni hpe kran kau nna hpun kaji ni hpe tu galu shangun na nngai. Ngai gaw tsit lali ai hpun ni hpe shanyip kau nna hkraw ai hpun ni hpe tsit lali shangun na nngai. Dai Madu ngai nan tsun ni ai. Ngai galaw na ngu tsun sai amu hpe ngai galaw na we ai.”

EZEKELA 18:30

“Ya chyawm gaw, nanhte galaw dan sai arawn alai hte maren, nanhte langai hte langai hpe tara jeyang na nngai, nga nna dai Tsaw Htum ai Madu ngai nan Israela amyu masha ni hpe tsun nga nngai. Nanhte galaw shut kau ai yubak gaw nanhte hpe n jahten kau u ga, nanhte galaw shut hpyit kau ai n hkru n shawp ai amu yawng kaw nna kayin wa marit.

EZEKELA 22:31

Dai re ai majaw, ngai gaw nye a masin kahtet ai hpe shanhte a ntsa e ru bun dat nna, shanhte galaw dan sai arawn alai hte maren, shanhte hpe wan zawn shamyit kau na we ai.” Tsaw Htum ai dai Madu tsun nu ai.

EZEKELA 23:24

Shanhte gaw dingdung maga hku hpyen leng ni, rai htaw leng ni hte hpawn hpyen luksuk kaba ni hpe woi yu wa nhtawm nang hpe gasat na mara ai. Shanhte gaw tinang hkum hpe makawp maga ya ai hpyen ninggang ni hte hpyen gupchyawp ni hte nang hpe wang da na mara ai. Ngai gaw nang hpe shanhte a lata de ap kau nna shanhte gaw shanhte a htung tara hte maren nang hpe jeyang na mara ai.

EZEKELA 23:29

Shanhte mung nang hpe n dawng n yawt nga ma ai majaw, nang galaw shakut da ai arung arai shagu hpe shanhte la mat wa nna nang hpe mung, shawa num langai zawn shadan shadawng ai hte singgu krin jahti da na mara ai. Na a ngang gayut ai hte shawa num amu galaw ai dai lam gaw na a ntsa e dawng pru nit dai.

EZEKELA 24:15

Dai Madu gaw ngai hpe ga shaga wu ai.

EZEKELA 30:9

Dai nhtoi du ai shaloi, Egutu gaw jahten shaza kau hkrum nga sai, ngai gaw hpa n nawn ai Ehtiopi masha ni hpe myit shalau ya na matu kasa ni hpe sanghpaw li ni hte shangun dat na nngai. Shanhte gaw hkrit gari na mara ai. Dai nhtoi gaw du wa ra ai!”

EZEKELA 36:19

Shanhte a ngasat ngasa lam hte shanhte galaw ai arawn alai hte maren, ngai daw dan ni ai, shing rai shanhte hpe maigan mungdan ni de shabra kau dat nngai.

EZEKELA 5:11

“Dai re ai majaw, Ngai gaw ahkrung nga ai Karai Kasang rai nga nngai, dai re ai majaw, ndai gaw Tsaw Htum ai dai Madu a mungga rai nga ai. Nang gaw nye a Nawku Htingnu hpe nang galaw ai n hkru ai amu yawng, matsat shabat re ai amu ni hte awu asin di kau nit dai majaw ngai gaw matsan dum ai myit n rawng ai sha nang hpe kran kadang kau na nngai.

EZEKELA 7:3

“Israela e, jahtum ai gaw du nit dai. Nang galaw dan sai amu hte maren ngai nang hpe tara jeyang nga nngai majaw nang gaw nye a sindawng kahtet ai hpe hkam sha na rai ndai. Ngai gaw nang galaw ai matsat shabat amu yawng a matu nang hpe htang jaw na nngai.

EZEKELA 7:4

Ngai gaw nang hpe lahpawt dum na n rai, matsan dum ai lam loi mi mung madun na nngai n rai. Nang galaw shapraw dan sai matsat shabat re ai arawn alai ni a majaw, ngai nang hpe ari jaw na nngai, shaloi ngai nan dai Madu rai nga nngai hpe nang chye wa na rai ndai.”

EZEKELA 7:8

“Kade mi n na yang, nang gaw nye a sindawng kahtet ai n-gun yawng hpe hkam sha na rai ndai. Nang galaw lai wa sai amu a matu ngai nang hpe tara jeyang nga nngai; nang galaw dan lai wa sai matsat shabat arawn alai yawng a matu ngai nang hpe bai htang jaw na nngai.

EZEKELA 7:9

Ngai gaw nang hpe lahpawt dum na n rai, matsan dum ai lam loi mi mung nang hpe madun na n rai. Nang galaw shapraw dan sai matsat shabat re ai arawn alai ni a majaw, ngai nang hpe ari jaw na nngai, shaloi ngai nan dai Madu rai nga nngai hpe nang chye wa na rai ndai.”

EZEKELA 8:18

Shanhte gaw nye a sindawng kahtet ai n-gun yawng hpe hkam sha na mara ai. Ngai gaw shanhte hpe jahkrung da na n rai; ngai shanhte hpe matsan dum na n rai. Shanhte gaw ngai hpe marawn jahtau lu ai daram hpyi jahtau ma ti mung, shanhte a hpyi jahtau ai nsen hpe ngai madat ya na n rai,” ngu nna tsun wu ai.

EZEKELA 9:10

Rai ti mung, ngai gaw shanhte a ntsa e matsan yu dum na n rai; kaga masha ni hpe shanhte galaw ai hte maren shanhte hpe galaw dan na nngai,” ngu nna htan wu ai.

ZEHKARIA 8:14

Chyahtum Chyalai N-gun rawng ai dai Madu gaw, “Nanhte a nji nwa ni ngai hpe pawt bu shangun yang, ngai gaw shanhte hpe ru yak tsin-yam tsindam jaw na matu shatawng shada nngai; nye a myit hpe mung n galai kau nngai; nye a shatawng shada ai amu ni hpe mung galaw shapraw nngai.

BU HKAWM 11:23

Dai Madu gaw, “Nye a daru magam n-gun hta shadawn shadang nga nga a ni? Ngai tsun sai ga byin na, n byin na gaw kade n na yang nang mu lu na rin dai,” ngu nna htan wu ai.

BU HKAWM 23:19

Karai Kasang gaw masu chye ai masha ni zawn n rai; Shi gaw myit chye galai ai shinggyim masha langai mi n rai. Shi jaw da ai ga sadi amu hpe shi galaw ai; Shi tsun ai hte maren galaw shatup nga ai.

MAHTE 16:27

Hpa majaw nga yang, dai Masha Kasha gaw Kawa a hpung shingkang hte shi a lamu kasa ni hte nawng, du na ra ai; dai shaloi e, tinang galaw ai hte maren langai hte langai hpe htang na ra ai.

MAHTE 24:35

Sumsing lamu hte ginding aga lai mat wa ti mung, nye a ga gaw n lai mat na li ai.

1 SAMUELA 15:29

Daru magam n-gun hpung shingkang hte hpring ai Israela a Karai Kasang gaw masu ai n rai; shi a myit chye galai nga ai n rai. Shi gaw shinggyim masha langai n rai, shi a myit galai shai chye ai n rai,” ngu nna tsun wu ai.