EZEKELA 24:13 - Jinghpaw Common Language Bible 2009

¹³ Yerusalem mare e, na a nse nsa ai arawn alai ni gaw nang hpe awu asin di kau nit dai. Nang hpe ngai jasan shapra na shakut ti mung, nang awu asin naw hkrum nga ndai. Nye a n-gun tup sindawng kahtet ai hpe nang n hkam sha dingsa, jasan jaseng hkrum na ndai n rai.

Jinghpaw Hanson Version Bible

¹³ Nang hta kap ai agang chyalang hta n se n sa ai mung lawm nga ai; ngai nang hpe kashin timung, nang n tsai hkraw ndai majaw, nye pawt kahtet ai na a ntsa e garai n dik dingsa, na a agang chyalang tsai mat lu na n rai.

EZEKELA 24:13 ပူးပေါင်းရင်းမြစ်များ

ESAIA 22:14

Chyahtum Chyalai N-gun rawng ai Tsaw Htum ai dai Madu gaw shi hkum nan ngai hpe, “Ndai n hkru n shawp ai gaw shanhte asak hkrung nga dingsa galoi mung mara dat hkrum na ma ai n rai. Chyahtum Chyalai N-gun rawng ai Tsaw Htum ai dai Madu Ngai nan tsun ni ai,” ngu nna tsun wu ai.

YEREMIA 13:27

Shi gaw nang galaw ai shi n dawng ai amu ni hpe mu nu ai. Htingbu wa a madu jan hpe hkan asoi yu nna ngang katu ai lasha wa zawn mung, gumra u yi hpang hkan ai lau gung zawn mung, kawng ni a ntsa hkan hte pa layang hkan e gap da ai tara maigan hpara ni hpang de nang hkan nga ai hpe shi mu nu ai. Yerusalem amyu masha ni e, nang gaw dingnye hkrum nga ndai! Galoi mi she nang san pra wa na rai nga n ta?

YEREMIA 31:18

“Ngai gaw Israela a amyu masha ni tsun ai yawn hkyen nsen hpe na nngai, Shanhte gaw, ‘Madu e, anhte gaw zai ai dusat zawn rai mat saga ai, rai ti mung, nang gaw anhte hpe madat mara na matu sharin ya nga nit dai. Anhte hpe woi nhtang wa mi; anhte gaw dai Madu anhte a Karai Kasang hpang de nhtang wa na matu jin jin rai nga saga ai.

SHARUNG SHAYAWT 1:9

Shi a n san n seng ai gaw aloi sha mu lu nga ti mung, shi gaw shi a htawm hpang na maka hpe myit tsang ai lam hpa mung n madun nga wu ai. Shi a hkrat sum ai lam gaw hkrit kajawng hpa rai nna kadai mung shi hpe shalan shabran lu ai n rai. Shi a gumlau hpyen ni shi hpe dang kau mu ai majaw matsan dum la na matu dai Madu hpe hpyi jahtau ma ai.

SHARUNG SHAYAWT 5:22

Shing n rai, anhte hpe htani htana kau da na nu ni? Na a masin kahtet ai hta shadaw shadang hpa mung n nga sana kun?

EZEKELA 16:42

Dai hpang, nye a masin kahtet ai gaw kawp mat wa nna atsin sha nga nga na nngai. Ngai gaw loi mi mung pawt sindawng ai hte manawn masham ai myit mung rawng na nngai n rai.

EZEKELA 22:24

Shi gaw, “Si chye ai masha wa e, Israela mungdan gaw n san n seng nga ai majaw, dai mungdan hpe nye a sindawng kahtet ai hte ari jaw nga nngai ngu, shanhte hpe htawn tsun u.

EZEKELA 24:11

Ya chyawm gaw, Magri mang di kaman hpe wan n-ga ntsa e dun nna kahtet hkyeng shangun u. Dai hpang kap nga ai nhkan hkru mat ai hpang, nhkan kap ai yawng n hkru mat ti mung,

EZEKELA 5:12

Na a amyu masha ni htam masum kaw na htam mi gaw ndai mare kata hta machyi makaw hte kawsi kyet ai hta si htum mat na mara ai. Htam mi gaw mare shinggan de kahtam sat kau hkrum na mara ai; jahtum na htam mi gaw nbung bung ai de shapoi kau dat nna shanhte hpe nhtu hte hkan shachyut na nngai.

EZEKELA 5:13

Ngai myit dik ai aten du hkra, nye a sindawng kahtet ai hte n-yun bu ai n-gun hpe nang hkam sha na rai ndai. Ndai lam yawng byin wa ai shaloi, ngai gaw na a sadi n dung ai hta myit kahtet nga nngai majaw dai Madu ngai nan nang hpe tsun kau ai ga hpe nang chye wa lu na rai ndai.

EZEKELA 8:18

Shanhte gaw nye a sindawng kahtet ai n-gun yawng hpe hkam sha na mara ai. Ngai gaw shanhte hpe jahkrung da na n rai; ngai shanhte hpe matsan dum na n rai. Shanhte gaw ngai hpe marawn jahtau lu ai daram hpyi jahtau ma ti mung, shanhte a hpyi jahtau ai nsen hpe ngai madat ya na n rai,” ngu nna tsun wu ai.

HOSEA 7:1

“Ngai gaw nye a Israela amyu masha ni hpe shamai shatsai nna shanhte hpe bai ngamu ngamai shangun mayu ai aten shagu, ngai mu mada ai lam yawng gaw shanhte a n shawp n kap ai amu hte shanhte galaw ai n hkru lam hkrai rai nga ai. Shanhte shada da masu hkalem hkat ma ai; shanhte gaw nta shang hpya nna arai lagu la ma ai; shanhte gaw nmaw lam hkan nga ai masha ni hpe kashun kashe hpya sha nga ma ai.

JAW JAU 13:55

Dai hpang shi bai jep yu nna dai gaw kaga mi n hpra jat ti mung, nsam ahpraw n galai ai rai yang, dai gaw n san n seng naw rai nga ai. Dai gaw shingdu aman tsam mat nga sai majaw dai hpe nang nat kau na rai nga ai.

JAW JAU 14:43

Nta na nlung ni hpe shaw kau nna arut mahkyit ai hte ing gade nnan chya kau ngut ai hpang dai nshu lamu bai kap ai rai yang,

ZEHPANI 3:2

Dai mare gaw dai Madu a nsen n madat ai hte matsun maroi ga ni hpe mung n hkap la nga ma ai. Dai Madu hta kam hpa ai lam n nga ai sha n-ga, karum la na matu hpyi lajin ai lam mung n galaw ma ai.

ZEHPANI 3:7

Nye a amyu masha ni ngai hpe hkrit hkungga wa nna, nye a hkang da ai tara matsun ni hpe hkap la wa na mara ai; shanhte hpe ngai sharin shaga ai ga matsun ni hpe galoi mung n malap kau lu na mu ai ngu, ngai myit nawn we ai. Rai ti mung, kade n na yang, shanhte gaw shawoi na hte maren, n hkru n kaja ai hpe shanang galaw wa nga masai.

ZEHKARIA 6:8

Dai hpang, lamu kasa gaw ngai hpe, “Dingdung maga Babelon mung de sa ai gumra ni gaw dai Madu a masin kahtet ai hpe shakawp ya manu ai,” ngu nna jahtau tsun wu ai.

2 KORINHTU 7:1

Tsaw ra ai jinghku ni e, ndai ga sadi ni yawng gaw anhte hpe jaw da ai rai nga ai. Dai re ai majaw anhte gaw hkum hkrang hte wenyi hpe awu asin di kau ai matsat shabat nga manga hta na tinang hkum hpe jasan jaseng kau nhtawm Karai Kasang hpe hkrit hkungga let chyoi pra htum ai hku asak hkrung nga ga.

SHINGRAN 22:11

N ding n hpring ai wa gaw, n ding n hpring ai hku naw hkan galaw nga u ga; n san n seng ai wa gaw n san n seng ai hku naw rai nga u ga; ding hpring ai wa gaw ding hpring ai hku naw nga u ga; chyoi pra ai wa gaw naw chyoi pra nga u ga.”