EZEKELA 24:11 - Jinghpaw Common Language Bible 2009

¹¹ Ya chyawm gaw, Magri mang di kaman hpe wan n-ga ntsa e dun nna kahtet hkyeng shangun u. Dai hpang kap nga ai nhkan hkru mat ai hpang, nhkan kap ai yawng n hkru mat ti mung,

Jinghpaw Hanson Version Bible

¹¹ Dai hpang di kaman wan n-ga ntsa e tawn da u; de a magri byawng hkra, wan shagrung u: dai hta rawng ai agang chyalang byawng mat nna, dai hta kap ai nhkan mat mat u ga.

EZEKELA 24:11 ပူးပေါင်းရင်းမြစ်များ

ESAIA 1:25

Ngai gaw nanhte hpe jeyang na nngai. Ngai gaw nanhte hpe nhprang arai jen kau ai zawn jasan shapra na made ai, nanhte a n san n seng ai lam yawng hpe seng kau ya na we ai.

ESAIA 27:9

Rai ti mung maigan htung tara hkan ai ni a nlung tawn hkungri ni hpe namhtun ga hpraw hpe zawn gang daw kau ai hte, Ashera hpara num a masat dingsat kumla shing n rai manam pyaw ai baw tawn ai tawn hkungri ni, htawm hpang de galoi mung n nga mat hkra kabai kau lu ai shaloi chyu sha, Israela amyu masha ni a yubak ni raw dat kau ai hkrum na ra ai.

ESAIA 4:4

Dai Madu gaw shi a daru magam n-gun hte tara jeyang nna amyu baw hpe jasan jaseng ai hte Yerusalem a mara hpe mung dai mare hta jahkaw kau sai asai hpe mung kashin kau ya na ra ai.

YEREMIA 21:10

Ngai gaw ndai mare hpe n shangam da na matu nye a myit hpe daw dan ni ai; ndai mare hpe jahten shabyak kau na we ai. Dai mare gaw Babelon Hkawhkam a lata de ap kau ai hkrum na ra ai; shi gaw dai hpe ga du hkra nat kau na ra ai. Dai Madu ngai nan tsun ni ai.”

YEREMIA 32:29

dai hpe wan nat kau na mara ai. Ngai hpe pawt sindawng shangun na nga, nta ni a ntsa e Bala hpara hpe manam pyaw ai baw nat nawng nna, kaga hpara ni hpe sabyi ntsin ru jaw ai hkungga nta ni hte hpawn shanhte gaw dai mare hpe jahkru kau na mara ai.

YEREMIA 37:10

Nang gaw Babelon hpyen luksuk ting hpe gasat dang kau nna hkala nba hkrum ai ni chyu sha ngam nga ai hte shanhte a sum ni hta taw nga ma ti mung, dai masha ni rawt wa nna ndai mare hpe dap byin mat hkra nat kau na mara ai,” ngu nna tsun wu ai.

YEREMIA 38:18

Rai ti mung, nang lata sharawt n shang wa ai rai yang chyawm gaw ndai mare hpe Babelon masha ni a lata de ap kau nhtawm shanhte gaw dai mare hpe nat kau na mara ai. Nang gaw shanhte a lata kaw nna hprawng lawt lu na ra ai n rai,” ngu nna tsun ai ga hpe Hkawhkam Zedekia hpe tsun dan wu ai.

YEREMIA 39:8

Dai laman hta, Babelon masha ni gaw hkawhkam htingnu hte mung masha ni a dum nta ni hpe nat kau nna, Yerusalem mare bunghku ni hpe run kau ma ai.

YEREMIA 52:13

Shi gaw Yerusalem na Nawku Htingnu, hkawhkam htingnu ni hte Yerusalem hta nga ai ahkyak masha ni a dum nta ni yawng hpe nat kau wu ai;

EZEKELA 20:38

Nanhte a lapran na gumlau ai ni hte yubak galaw ai ni hpe ngai tsan kau na nngai. Ngai gaw dai ni hpe shanhte shanu nga ai mungdan kaw nna shapraw kau na nngai, rai ti mung dai ni hpe Israela mungdan de ngai bai nhtang wa shangun na n rai. Shaloi nanhte gaw ngai nan dai Madu rai nga nngai ai hpe chye na mara ai.

EZEKELA 24:10

Hpun jat bang u! Wan wut shagrung u! Shan shadu u! Shan jahku hpe shage u! Nra ni hpe nat kau u!

EZEKELA 36:25

Ngai gaw nanhte a ntsa e, san seng ai ntsin lapri bun nna, nanhte a hpara sumla ni yawng hta na mung, nanhte hpe awu asin di kau shangun ai arai shagu hta na mung, nanhte hpe jasan jaseng la na nngai.

MALAHKI 4:1

Chyahtum Chyalai N-gun rawng ai dai Madu gaw, “Dai nhtoi gaw gumrawng gumtawng ai ni hte n hkru ai masha ni yawng yihku zawn hkru mat ai shaloi du na ra ai. Dai shani e, shanhte hkru mat nna dai yang e shanhte kadai mung ngam nga na mara ai n rai.

MAHTE 3:12

Shi a lata hta mam yit jasan na matu hkuwawn shi lang da nga ai. Shi a mam chyarang hpe shi yit jasan nhtawm, shi a mam gu hpe gaw mam dum hta shinggyin bang da nna, mam nsan hpe gaw galoi mung n krip ai wan hta nat kau na ru ai, ngu mu ai.