EZEKELA 23:9 - Jinghpaw Common Language Bible 2009

⁹ Dai re ai majaw, Ngai gaw shi hpe shi grai ra ai shi a Asuri sumtsaw ni a lata de ap kau nngai.

Jinghpaw Hanson Version Bible

⁹ Dai re ai majaw ngai gaw, shi ra ai sumtsaw Asuri masha ni a lata de, shi hpe ap kau nngai.

EZEKELA 23:9 ပူးပေါင်းရင်းမြစ်များ

2 HKAWHKAM 15:29

Peka hkawhkam galaw nga yang, Asuri Hkawseng Tiglat Pilesa sa du nna, Iyon, Abela Bet Mahka, Yanoa, Kedesha, hte Hazora mare ni hpe mung, Gilead mung Galile hte Naphtali ni hpe gasat dang la nna amyu masha ni hpe bawng masha hku Asuri mung de woi mat wa mu ai.

2 HKAWHKAM 17:23

Israela masha ni gaw Yeroboam a hpang hkan nna, shi shut kau nu ai yubak yawng hta matut nna hkan galaw nga ma ai. Dai rai nna Israela amyu masha ni Asuri mung de bawng rim mat wa ai hkrum nna dai ni du hkra nga nga ma ai.

1 HKAWHKAM LABAU 5:26

Dai rai nna Karai Kasang gaw Asuri Hkawseng Pula (shi hpe Tiglat Pilesa ngu nna mung tsun ai) hpe shanhte a mungdan de shang gasat shangun wu ai. Shi gaw Rubin, Gad hte sinpraw maga de na Manashe amyu bawsang ni hpe gau mat wa nhtawm Hala, Habora, Hara hte Gozan hka kau hkan e shanhte hpe tut nawng nga shangun nga ai.

YEREMIA 3:8

Shi gaw ngai kaw na kayin mat wa nhtawm shawa num tai mat sai majaw ngai gaw Israela hpe jahka kau nhtawm tsan tsan de sa kau dat ai hpe Yuda wa mung mu nu ai. Rai ti mung, Israela a sadi n dung ai kana Yuda gaw hkrit ai n rai. Shi mung shawa num tai wa nhtawm,

YEREMIA 4:30

Yerusalem e, nang gaw hten run mat nit hka! Nang gaw hpa majaw hkyeng mang ai hpun palawng hpun n ta? Nang gaw hpa majaw ja rai sumli nna na a myi ni hpe tsi chya shatsawm da wu ni? Nang gaw na a hkum hpe kaman lila a matu shatsawm nga ndai! Na a sumtsaw ni nang hpe ningdang kau manu ai, nang hpe sat kau mayu ma ai.

EZEKELA 16:37

Ndai lam a majaw, ngai gaw na a moi na sumtsaw sumra ni rai nga ai ni yawng hpe mung, nang ra marit ai ni hte nang n dawng ai ni yawng hpe mung jahpawng tawn na nngai. Ngai gaw shanhte hpe na a grup yin e jahpawng da nhtawm na a singgu krin kaya kahpa hpe mu lu mu ga, na a hpun palawng ni hpe ngai raw sharun kau ya na nngai.

EZEKELA 23:18

Shi gaw shawa man e shi hkum hpe hpaw madun nu ai rai nna masha shagu gaw shi shawa num rai nga sai hpe chye ma ai. Ngai gaw shi a kana hpe matsat kau ni ai zawn shi hpe matsat kau nngai.

EZEKELA 23:22

“Dai rai nna, Oholiba e, ndai gaw Tsaw Htum ai dai Madu ngai nan nang hpe tsun nga ai ga rai nga ai. Ndai sumtsaw ni hpe nang yu jin mat ti mung, shanhte hpe ngai pawt sindawng shangun nna nang hpe wang da na matu shanhte hpe woi sa wa na nngai.

HOSEA 11:5

“Shanhte gaw ngai hpang de nhtang wa na matu ningdang kau ma ai, dai rai nna shanhte gaw Egutu mung de nhtang wa lu na rai ma ai, Asuri gaw shanhte hpe up na mara ai.

SHINGRAN 17:16

Bai, nang mu ai nrung shi hte dai matse labye gaw, dai shawa num hpe n ju n dawng na mara ai rai nna, shanhte gaw shawa num kaw na shi lu malu sharun la kau nna singgu krin shatai na maru ai. Shi a shan hpe sha nna wan hte nat kau na mara ai.