EZEKELA 23:8 - Jinghpaw Common Language Bible 2009

⁸ Shi gaw shi a hkawn jet ai hpe jahten kau nna Egutu mung e shawa num amu galaw hpang ai hte matut galaw nga wu ai. Shi a hkawn ram prat kaw nna lasha ni shi hte rau yup nna shi hpe shawa num zawn di ma ai.

Jinghpaw Hanson Version Bible

⁸ Shing rai shi gaw, Egutu mung e nga ai prat kaw nna shi shut hpyit ai hpe kau da ai, n rai: shi a hkawn ji prat e shanhte gaw shi hte yup ma ai; shi a madoi chyu hpang shanhte manat darin nna, shi hte shut hpyit ma ai.

EZEKELA 23:8 ပူးပေါင်းရင်းမြစ်များ

1 HKAWHKAM 12:28

Dai lam hpe myit yu ngut jang, aja hte dumsu usu lahkawng jaw nhtawm shi a amyu masha ni hpe, “Yerusalem mare de wa lung nawku na, nanhte a matu hkrun lam galu sa wa ra nga myit dai. Dai re ai gaw Israela amyu masha ni e, Egutu mung kaw nna nanhte hpe woi shapraw wa ai nanhte a karai ni gaw nang e nga nga ai law!,” ngu nna tsun wu ai.

2 HKAWHKAM 10:29

Rai ti mung shi gaw Behtela hte Dan mare hta gaw sharawt da ai aja dumsu kasha ni hpe woi nawku let Israela masha ni hpe Yubak lam de woi sa wa ai Hkawhkam Yeroboam a yubak lam hkan dagraw la nga ai.

2 HKAWHKAM 17:16

Shanhte gaw dai Madu shanhte a Karai Kasang a tara ni yawng hpe jahten sharun kau nhtawm shanhte nawku na matu nhprang arai hte shachyaw ai dumsu kasha sumla lahkawng hpe galaw ma ai. Shanhte gaw Ashera karai num a gawkngu sumla langai mi hpe galaw nna, shagan ni hpe nawku let Bala karai ni hpe daw jau nga ma ai.

PRU MAT 32:4

Shi gaw dai ni hpe la nna shabyawng nhtawm ja ni hpe ndi langai mi hta ru bang nna ja hte galaw ai dumsu usu kasha langai jaw ya wu ai. Dai amyu masha ni mung, “Israela amyu e, ndai gaw Egutu mung kaw na anhte hpe woi shapraw wa ai anhte a hpara rai nga ai!,” ngu nna tsun wu ai.

EZEKELA 20:7

Ngai gaw shanhte a Madu Karai Kasang rai nga nngai majaw, shanhte myit kap ai matsat shabat re ai hpara sumla ni hpe kabai kau nhtawm, n san n seng ai Egutu mung na lam shadam ai hpara ni hte shanhte hkum shanhte awu asin n galaw na matu, ngai shanhte hkang da ni ai.

EZEKELA 23:19

Shi gaw shawng de hkawn ram prat e Egutu mung hta shawa num naw tai nga yang na hta grau nna sawng ai shawa num tai wu nu ai.

EZEKELA 23:21

(Oholiba e, nang gaw Egutu mung hta hkawn ram prat naw rai yang lasha ni na a madoi chyu hpang ni hpe manat tarin ngang ginsup ya ai hte na a hkawn jet hpe jahten kau ya sai mara lu nga ndai, nang gaw dai zawn re ai n shawp n kap ai amu hpe bai galaw mayu nga ndai.)

EZEKELA 23:3

Shan gaw hkawn ram prat e, Egutu mung hta shanu nga ma ai, shaloi shan a hkawn jet ai maka gaw hten mat ai hte shawa num tai wa masai.

EZEKELA 23:34

Nang gaw dai hpe lu nna hkyet mat hkra chyup lu na rai ndai, de a gawm chyen ni hte na a sinda shaje kau na rin dai. Tsaw Htum ai dai Madu ngai nan tsun ni ai,” ngu nna tsun wu ai.

SHINGRAN 11:8

Shan a moi mang gaw shan a Madu jen sat hkrum ai mare kaba a nmaw lam hta taw nga na ra ai. Dai mare a kumla ga hku shamying ai mying gaw Sodom mare shing n rai Egutu rai nga ai.