EZEKELA 23:5 - Jinghpaw Common Language Bible 2009

⁵ Shi gaw nye a matu rai nga ti mung, Ohola gaw shawa num matut galaw ai hte Asuri mung na shi a sumtsaw ni hpe ra gasit ai myit shi hta hpring nga lu ai.

Jinghpaw Hanson Version Bible

⁵ “Ya Ohola gaw nye a num rai nga timung, shawa num tai wa sai; shi a sumtsaw wa ngu ai, htingbu wa Asuri masha ni hpe, shi ra nga ai:

EZEKELA 23:5 ပူးပေါင်းရင်းမြစ်များ

1 HKAWHKAM 14:16

Yeroboam gaw yubak mara shut hpyit nhtawm Israela amyu masha ni hpe yubak lam de woi hkawm sa wa ai majaw dai Madu gaw Israela hpe kau da na ra ai,” ngu nna tsun wu ai.

1 HKAWHKAM 14:9

Na a shawng e up hkang ai ni hta nang shut hpyit kau ai yubak mara gaw grau kaba nga ai. Nang gaw ngai hpe shinggan kau nhtawm nawku na matu hpara sumla ni hte nhprang gawkngu hkrang sumla ni galaw let ngai hpe pawt bu shangun nga ndai.

1 HKAWHKAM 15:26

Shi a kawa zawn shi a man e dai Madu hpe shut hpyit kau nhtawm Israela masha ni hpe yubak lam de woi sa wa wu ai.

1 HKAWHKAM 15:30

Yeroboam gaw shi shut kau ai yubak mara ni hte shi nan Israela hpe yubak galaw shangun let dai Madu Israela a Karai Kasang hpe masin pawt shangun nga wu ai majaw ndai zawn byin wa nga sai.

1 HKAWHKAM 21:26

Israela amyu masha ni rawt lung wa mu yang, mungdan kata na dai Madu e gawt shapraw kau sai Amori masha ni galaw ai zawn shi gaw hpara sumla ni hpe nawku let nachying kaya kahpa re ai yubak bai shut kau nu ai.)

2 HKAWHKAM 15:19

Asuri Hkawseng Tiglat Pilesa gaw Israela mung hpe shang gasat ai shaloi, Menahem mung mungdan hpe shi a daru magam n-gun hte naw ka-up da lu ai hta madi shadaw n-gun jaw la na ginjang hkam la lu hkra nga, gumhpraw tan sumshi matsat sak jaw wu ai.

2 HKAWHKAM 16:7

Ahaza gaw Asuri Hkawseng Tiglat Pilesa hpang de ndai mungga hte rau shi a masha ni hpe shangun dat wu ai: “Ngai gaw nang hpe kam ai shangun ma wa rai nga nngai. Ngai hpe gasat nga ai Suri hkawhkam hte Israela hkawhkam yan a lata kaw nna ngai hpe sa mawoi la e law.”

2 HKAWHKAM 17:3

Asuri Hkawseng Shalmanesa gaw shi hpe gasat wu ai. Hoshea asum jaw wu ai rai nna shaning shagu ahkun hkanse shi hpe jaw ya wu ai.

YEREMIA 50:38

Dai mung a ntsa e jan gri ai hte dai mung na hka nu ni hkun hkraw mat na ra ai. Babelon mung gaw hkrit hpa hpara sumla ni nga ai mung re, dai gaw mung masha ni hpe angawk angak di kau nga ai.

EZEKELA 16:28

“Na a ngang gayut ai myit kaga masha ni hte myit n dik hkraw ndai majaw, nang gaw Asuri masha ni hpang de hkan hprawng shang mat nga ndai. Nang gaw shanhte a matu shawa num tai ya nga ti mung, shanhte gaw nang hpe mung myit dik nga ma ai n rai.

EZEKELA 16:37

Ndai lam a majaw, ngai gaw na a moi na sumtsaw sumra ni rai nga ai ni yawng hpe mung, nang ra marit ai ni hte nang n dawng ai ni yawng hpe mung jahpawng tawn na nngai. Ngai gaw shanhte hpe na a grup yin e jahpawng da nhtawm na a singgu krin kaya kahpa hpe mu lu mu ga, na a hpun palawng ni hpe ngai raw sharun kau ya na nngai.

EZEKELA 23:12

Shi mung Asuri du magam ni, du salang ni, kabrim ai hpun palawng bu hpun da ai hpyenla ni hte gumra dap na du ni hpe ra gasit ai myit hpring nga ai; shanhte yawng gaw hkum shingyan tsawm ai shabrang ni hkrai rai ma ai.

EZEKELA 23:16

Shi gaw shanhte hpe mu dat ai shaloi jang, shi gaw ngang gayut ai myit hte hpring wa nna Babelon mung e nga ai shanhte hpang de kasa dat dat wu ai.

EZEKELA 23:20

Shi gaw lawze, laugung ni zawn ladu lai ngang gayut ai lasha ni hpe ra gasit ai myit hpring nga wu ai.”

EZEKELA 23:4

Kana a amying gaw Ohola rai nna (dai gaw Samari a malai rai nga ai), kanau a amying gaw Oholiba rai nna (dai gaw Yerusalem a malai rai nga ai.) Ngai gaw shan lahkawng yan hpe hkungran la ni ai, shan mung nye a matu kashu kasha shangai ya ma ai.

EZEKELA 23:7

Shi gaw dai Asuri du salang ni yawng a matu shawa num tai ya nu ai; Asuri hpara sumla ni hpe nawku ai hku nna shi a ra gasit ai hpe shi hkum nan awu asin di kau wu ai.

EZEKELA 23:9

Dai re ai majaw, Ngai gaw shi hpe shi grai ra ai shi a Asuri sumtsaw ni a lata de ap kau nngai.

HOSEA 10:6

Dai hpara sumla gaw hkawseng kaba wa a matu kumhpa shatai na nga, Asuri mung de la sa mat wa hkrum na ra ai. Israela gaw shanhte hkan nang ai hpaji jaw ga a majaw amyu masha ni myi man sum ai hte kaya hkrum na rai ma ai.

HOSEA 12:1

Israela amyu masha ni a jahpawt kaw nna shana de du hkra galaw ai amu magup gaw akyu n rawng ai hte hten byak lam rai nga ai. Gumle gumlau ai hte kashun kashe du daw sai hkaw amu gaw shanhte hta grau nna law jat nga ai. Shanhte gaw Asuri ni hte ga shaka tawn da nhtawm Egutu masha ni hte hpaga bungli jawm galaw ma ai.”

HOSEA 5:13

“Israela gaw shi kade wa machyi nga ai hpe mung, Yuda gaw shi a nma kade sawng nga ai hpe mung mu ai shaloi, Israela gaw Asuri hpang de sa nna karum hkam la na matu hkawseng kaba wa hpe san yu wu ti mung, shi gaw shanhte hpe tsi ya lu ai n rai, shanhte a nma ni hpe shamai ya lu ai n rai.