EZEKELA 23:18 - Jinghpaw Common Language Bible 2009

¹⁸ Shi gaw shawa man e shi hkum hpe hpaw madun nu ai rai nna masha shagu gaw shi shawa num rai nga sai hpe chye ma ai. Ngai gaw shi a kana hpe matsat kau ni ai zawn shi hpe matsat kau nngai.

Jinghpaw Hanson Version Bible

¹⁸ Shing rai shi gaw, shi a shut hpyit ai hte singgu krin kaya kahpa hpe, shadawng dan ai majaw, nye a myit masin, shi a kana hpe matsat ai hte maren, shi hpe mung matsat kau nngai.

EZEKELA 23:18 ပူးပေါင်းရင်းမြစ်များ

SHAKAWN KUNGDAWN 106:40

Shing rai, Madu gaw shi a amyu masha ni hpe pawt sindawng nga nna; shanhte hpe shi matsat kau wu ai.

SHAKAWN KUNGDAWN 78:59

Dai lam ni hpe shi mu wu ai shaloi, Karai Kasang masin pawt nu ai; shing re ai lam ni a majaw, shi a amyu masha ni hpe tsep kawp kabai kau da nu ai.

ESAIA 3:9

Shanhte a myi man tam ai amu ni gaw shanhte a akyu jasum ya nga ai. Shanhte gaw Sodom masha ni galaw ai zawn yubak hpe adan sha galaw nga ma ai. Shanhte gaw dingnye hkrum nga masai, shanhte gaw yubak hpe shanhte hkum nan de shadu la nga manu ai.

ESAIA 57:8

Nanhte gaw nta npan chyinghka a kata maga e nanhte a matsat shabat re ai hpara sumla ni hpe tawn da myit dai. Nanhte ngai hpe kau da manit dai; nanhte gaw hpun palawng raw kau nna tinang hte rau yup na matu jahpu jaw da sai tinang a sumtsaw ni hte rau dam ai yup ku ni hta lung myit dai. Dai yang e nanhte gaw dai ngang gayut ai amu hta myit dik nga myit dai.

YEREMIA 12:8

Lata la hkrum sai nye a amyu masha ni gaw ngai hpe myi man kayin kau masai; nam maling na hkanghkyi langai zawn shanhte ngai hpe shabam manu ai, dai rai nna, ngai shanhte hpe n dawng nngai.

YEREMIA 15:1

Dai hpang dai Madu gaw ngai hpe, “Mawshe hte Samuela yan gaw ndai shara hta tsap nga nna, ngai hpe hpyi lajin nga ma yang pyi ngai gaw ndai amyu masha ni a ntsa e matsan dum ai myit hpa mung madun dan na n rai. Shanhte hpe shaden kau mu; shanhte hpe nye a man kaw nna shapraw kau dat mu.

YEREMIA 6:8

Yerusalem amyu masha ni e, ndai ru yak tsin-yam tsindam ni gaw nang hpe sadi jaw ai lam tai u ga, shing n rai jang, ngai nang hpe kau da na nngai; ngai gaw na a mare hpe kadai mung n nga ai zaibru jang shatai kau na we ai,” ngu nna tsun ai.

YEREMIA 8:12

Nye a amyu masha ni e, nang galaw ai matsat shabat amu ni a majaw, nang kaya nga n ni? N rai law, nang gaw dik hkra n chye kaya nga ndai; kaning rai kaya hkrum myi man sum rai na pyi, nang n chye nga ndai! Nang gaw kaga masha ni kataw ai zawn kataw mat na rai ndai; ngai nang hpe ari jaw ai shaloi dai gaw na a matu jahtum rai na ra ai. Dai Madu ngai nan tsun ni ai.

SHARUNG SHAYAWT 2:7

Dai Madu gaw shi a tawn hkungri hpe kabai kau nna shi a chyoi pra ai Nawku Htingnu hpe katsi katsang di kau nu ai; Shi gaw de a htingnu bunghku ni hpe adawt kau na matu gumlau hpyen wa hpe ahkang jaw nu ai. Shanhte gaw shawng de anhte kabu gara ai hte nawku yu sai shara hta awng padang hte jahtau garu nga ma ai.

EZEKELA 16:36

Ndai gaw Tsaw Htum ai dai Madu tsun ai mungga rai nga ai: “Nang gaw shawa num langai zawn na a hpun palawng ni hpe raw sharun kau nhtawm, na a hkum hpe na a sumtsaw sumra ni hte na a matsat shabat re ai hpara sumla ni yawng hpe nawng ya ndai, nang gaw hpara sumla ni hpe nat nawng na matu na a kashu kasha ni hpe sat kau nga ndai.

EZEKELA 21:24

Dai rai nna, Tsaw Htum ai dai Madu ngai nan ning ngu tsun nga nngai: Nanhte a shut hpyit ai yubak ni gaw dan leng nga nna nanhte hta mara kade kap nga myit dai gaw masha shagu chye nga ma ai. Nanhte galaw ai amu shagu hte hta nanhte a yubak ni hpe madun dan nga myit dai. Nanhte gaw dingnye hkrum nna nanhte a gumlau hpyen ni a lata de ngai ap kau na made ai.

EZEKELA 23:10

Shanhte gaw shi a hpun palawng hpe raw sharun kau ya ma ai, shi a shadang sha ni hte shayi sha ni hpe rim la ma ai, dai hpang, shi hpe nhtu hte sat kau ma ai. Shara shagu hkan nga ai numsha ni gaw shi a maka hte seng ai lam hpe tsun shatan ma ai.

EZEKELA 23:19

Shi gaw shawng de hkawn ram prat e Egutu mung hta shawa num naw tai nga yang na hta grau nna sawng ai shawa num tai wu nu ai.

EZEKELA 23:9

Dai re ai majaw, Ngai gaw shi hpe shi grai ra ai shi a Asuri sumtsaw ni a lata de ap kau nngai.

HOSEA 2:2

Nye a ma ni e, nanhte a kanu hpe hpyi nem mu; shi gaw nye a madu jan n rai sanu ai, ngai mung shi a madu wa n rai sangai. Shi a la shaw ai amu hte shawa num galaw ai amu hpe jahkring kau na lam hpyi nem mu.

HOSEA 7:1

“Ngai gaw nye a Israela amyu masha ni hpe shamai shatsai nna shanhte hpe bai ngamu ngamai shangun mayu ai aten shagu, ngai mu mada ai lam yawng gaw shanhte a n shawp n kap ai amu hte shanhte galaw ai n hkru lam hkrai rai nga ai. Shanhte shada da masu hkalem hkat ma ai; shanhte gaw nta shang hpya nna arai lagu la ma ai; shanhte gaw nmaw lam hkan nga ai masha ni hpe kashun kashe hpya sha nga ma ai.

AMO LAIKA (AMOS) 5:21

Dai Madu gaw, “Ngai gaw nanhte a nawku htung hte seng ai poi ni hpe n dawng nngai; shing re ai lam ni hpe ngai hkam sharang lu na n rai!

AMO LAIKA (AMOS) 6:8

Chyahtum Chyalai N-gun rawng ai Tsaw Htum ai dai Madu gaw ndai dagam sadi jaw ai lam jaw ya nu ai: “Ngai gaw Israela amyu masha ni a gumrawng gumtawng ai hpe n dawng nngai; ngai gaw shanhte a zing hkam ai nta htingnu ni hpe matsat nngai. Ngai gaw shanhte a mare daju hte dai hta nga manga shagu hpe gumlau hpyen a lata de jaw kau na we ai.”

ZEHKARIA 11:8

Ngai hpe n dawng ai kaga sagu rem masum hpe n yu sharang lu ai majaw shanhte yawng hpe shata mi laman yeng seng kau nngai.

TARA JAHPRANG 32:19

“Dai lam hpe Madu mu nna masin kahtet pawt sindawng shi a shayi shadang sha ni hpe ningdang kau wu ai.