EZEKELA 23:16 - Jinghpaw Common Language Bible 2009

¹⁶ Shi gaw shanhte hpe mu dat ai shaloi jang, shi gaw ngang gayut ai myit hte hpring wa nna Babelon mung e nga ai shanhte hpang de kasa dat dat wu ai.

Jinghpaw Hanson Version Bible

¹⁶ dai sumla ni hpe shi mu jang, shi ra kayut nna, Hkalde a mung de kasa shangun dat wu ai.

EZEKELA 23:16 ပူးပေါင်းရင်းမြစ်များ

NINGPAWT NINGHPANG 3:6

Dai hpun gaw kade wa tsawm nga ai mung, de a asi hpe sha dat yang kade wa mai kaja nga ai mung, dai gaw hpaji rawng ai wa tai wa yang kade sha mauhpa rai nga ai hpe shi myit lu nga ai hpe mung, dai numsha mu wu ai. Dai majaw dai hpun hta na asi di la nna sha wu ai. Dai hpang shi gaw nkau mi hpe shi a madu wa hpe jaw wu ai rai nna shi mung sha kau nu ai.

NINGPAWT NINGHPANG 39:7

Kade n na yang, shi madu a madu jan mahtang Yosep hpe ra gasit hpang wa nna shi hte rau yup na matu saw lajin wu ai.

NINGPAWT NINGHPANG 6:2

sumsing shadang sha ni ni gaw dai shayi sha ni tsawm htap nga ma ai hpe mu ma ai rai nna, shanhte yu ra nga ma ai hte maren la ma ai.

2 SAMUELA 11:2

Lani mi na shana de maga chyahkring mi myet nga nna yup la ai hpang, Dawi rawt wa nhtawm shi a hkawhkam hkaw numgaw de sa wa wu ai. Dai yang e shi kayin hkawm wu yang, yu u, numsha langai mi shi a nta e hka shin nga ai hpe mu dat wu ai. Dai numsha chyawm gaw ahpraw asam mung grai tsawm nga ai.

2 HKAWHKAM 24:1

Yehoiakim hkawhkam tai nga yang, Babelon Hkawhkam Nebuhkadneza gaw Yuda mung hpe shang gasat wu ai rai nna shi a up hkang ai npu hta masum ning taw shangun wu ai; dai hpang shi bai gumlau rawt wu ai.

YOBA 31:1

Ngai gaw numsha langai hpe ngang gayut ai myi hte galoi mung n mada yu na ngu, ga sadi dagam da se ai.

SHAKAWN KUNGDAWN 119:37

Kaman lila hpe myit manoi nga ai kaw nna ngai hpe shatsan kau ya e; na a ga sadi nga ai hte maren, mai kaja ai lam, ngai hpe madun dan e.

GA SHAGAWP 23:33

Hkrit hpa sumla gaw na a myi hta dan pru wa nna dai hpe nang asan sha n chye myit la ai hte n chye tsun dan na rin dai.

GA SHAGAWP 6:25

Shanhte a tsawm htap ai lam hta gunglau hkum hkrum nga et; shanhte a hkalem asoi la lu ai myi a mahkam hta hkum lu mat shangun et.

ESAIA 57:9

Nanhte gaw tinang hkum hta manam hawm ai baw hte sau ni chya nhtawm Molek karai hpe nawku na matu sa wa myit dai. Karai ni hpe tam nna nawku na matu nga, nanhte gaw tsan ai shara, katsan ga du hkra pyi kasa ni hpe shangun nga myit dai.

EZEKELA 16:17

Nang gaw ngai nang hpe ya da ai aja gumhpraw ni hpe la nna, dai ni hte la sumla ni galaw lang nhtawm shanhte hte shut hpyit ai amu galaw nit dai.

EZEKELA 16:29

Nang gaw Babelon masha hpaga la ni a matu shawa num amu galaw ya ti mung, shanhte gaw nang hpe mung myit dik nga ma ai n rai,” nga nna tsun ai.

EZEKELA 23:20

Shi gaw lawze, laugung ni zawn ladu lai ngang gayut ai lasha ni hpe ra gasit ai myit hpring nga wu ai.”

MAHTE 5:28

Rai ti mung, ya, ngai nanhte hpe tsun made ai gaw kadai rai ti mung numsha langai mi hpe madu mayu ai myit hte yu ai wa gaw, shi a myit hta, dai numsha hte num shaw ai mara galaw nu ai.

2 PETRU 2:14

Shanhte gaw kaga hpa hpe mung n yu ra ma ai, arawn alai hten ai num ni hpe sha yu ra ma ai; shanhte yubak galaw ai majaw hkam la lu ai namchyim a myit dik hpa lam n htum hkraw malu ai. Shanhte gaw makam masham n-gun kya ai masha ni hpe shanhte a mahkam hta lu hkra lau la mu ai. Shanhte a myit masin ni hpe nammak lawhpa chye na matu shaman shakyang manu ai. Shanhte gaw Karai Kasang a dagam dala ai hkrum nga masai.