EZEKELA 22:7 - Jinghpaw Common Language Bible 2009

⁷ Dai mare hta shanu nga ai ni kadai mung tinang a kanu kawa ni hpe shagrau hkungga nga ma ai n rai. Nang gaw tsasam masha ni hpe mawp sha nna gaida gaina ni hte jahkrai nmai ni hpe zai hku nna dip sha nga ndai.

Jinghpaw Hanson Version Bible

⁷ Na a ka-ang e kanu kawa hpe n kaw n law di kau ma ai; malet nhprang manam ni hpe adip arip di ma ai; chyahkrai nmai hte gaida gaina ni hpe maw sha ma ai.

EZEKELA 22:7 ပူးပေါင်းရင်းမြစ်များ

SHAKAWN KUNGDAWN 94:5

Madu e, shanhte gaw na a amyu masha ni hpe adip arip di nna; nang madu tawn sai amyu masha ni hpe shanhte dip gamyet sha nga ma ai.

SHAKAWN KUNGDAWN 94:6

Shanhte gaw gaida jan ni hte jahkrai ma ni hpe sat nga ma ai hte, anhte a lamu ga hta nga ai tsasam manam ni hpe mung htau kau ma ai.

PRU MAT 20:12

“Na nnu yan nwa hpe hkungga lara di u; shaloi ngai nang hpe jaw da ai lamu ga hta asak galu ai hte shanu nga lu na ndai.

PRU MAT 21:17

“Tinang a kanu kawa hpe matsa ai wa kadai mung si lu na rai wu ai.

PRU MAT 23:9

“Maigan masha wa hpe n sawn n sang di lu na n rai; nanhte gaw Egutu mung e maigan masha hku tai yu manit dai majaw dai maigan masha wa kade hkam sha yu nga ai lam hpe nanhte chye nga myit dai.

GA SHAGAWP 20:20

Na a nnu yan nwa hpe dagam dala ga tsun ai rai yang, na a asak gaw htat ai nsin hta si mat ai pyengdin wan zawn htum mat na ra ai.

GA SHAGAWP 30:11

Kawa ni hpe dagam dala ga tsun nna, kanu ni hpe hkungga shareng ai lam n madun ai masha ni nga nga ma ai.

GA SHAGAWP 30:17

Kawa hpe asaw ale nga nna, asak kaba sai kanu a hkang da ai ga hpe asawng asang di kau ai wa kadai hpe rai ti mung, zai ai u hka ni gaw shi a myi hpe achye malawk kau ya nna langda ni mung, shi a mang hpe sha kau ya na ging nga ai.

ESAIA 1:17

teng man ai amu galaw na hpe sharin la mu, teng man rap ra ai amu yu la nna, dip gamyet sha hkrum nga ai ni hpe karum mu, jahkrai ma ni a ahkaw ahkang hpe jaw mu; gaida gaina ni hpe makawp maga nga mu.”

ESAIA 1:23

Na a ningbaw ni gaw gumlau ni hte lagu lagut ni a jinghku ni rai nga ma ai; shanhte gaw kumhpa ni hte mayun kumhpa ni hpe galoi mung hkap la nga ma ai. Shanhte gaw tara rung hta jahkrai ma ni hpe galoi mung n makawp n maga ai hte gaida gaina ni shanhte a amu shawn ai shaloi galoi mung n madat ya nga ma ai.

YEREMIA 7:6

Malet nhprang manam, jahkrai nmai hte gaida gaina ni hpe zai hku adip arip hkum galaw et; Ndai lamu ga hta nga ai mara n kap ai masha ni hpe sat ai lam hkum galaw et. Kaga karai ni hpe nawku ai majaw nang jahten shaza kau ai n hkrum u ga, dai hpe tawn kau u.

EZEKELA 18:12

Shi gaw matsan mayan ni hpe adip arip di nna maw lu maw sha ai hte hpya lu hpya sha nga ai. Hkoi la ai wa shi hpe tang da ai arung arai hpe mung mazing la kau ya nga ai. Shi gaw maigan htung tara hkan ai ni galaw da ai htingnu shara hkan sa nna matsat shabat re ai hpara sumla ni hpe nawku ai hte,

EZEKELA 22:25

Dai ningbaw ni gaw shabam nna ashan ni hpe amya sat kau ai hkanghkyi ni zawn rai ma ai. Shanhte gaw amyu masha ni hpe sat shamyit kau nhtawm gumhpraw hte sut gan mahkra hpe dang lu ai daram hta la ma ai, shanhte galaw ai masha sat amu ni a majaw, gaida law law shabyin shangun ma ai.

EZEKELA 22:29

Sut su ai ni gaw maw lu maw sha ai hte hpya lu hpya sha nga ma ai. Shanhte gaw matsan mayan hkrum hkra nga ai ni hpe pagawn mi di nna, maigan manam ni hpe zai hku adip arip di ma ai.

JAW JAU 20:9

Dai Madu gaw ndai hkan sa na tara lam ni hpe jaw ya wu ai; kadai rai tim tinang kanu kawa hpe matsa ai wa gaw si ai hkrum na rai wu ai. Shi gaw shi a si hkrung si htan a matu lit lu nga ai.

ZEHKARIA 7:10

gaida gaina ni, jahkrai nmai ni, nanhte hta hkan nga nang nga ai maigan masha ni hte ra kadawn nga ai ni kadai hpe mung adip arip hkum rai myit; langai hte langai shada da machyi hkra shangun ai lam hkum maw myit.’

MALAHKI 3:5

Chyahtum Chyalai N-gun rawng ai dai Madu gaw, “Nanhte hpe tara jeyang na matu ngai du sa nna shaba wawt ai ni, numshaw lashaw ai ni, masu let dagam ai ni bungli galaw masha ni a shabrai masu hkalem sha ai ni, gaida ni, jahkrai nmai ni hte maigan masha ni hpe zai hku nna roi rip ai ni hte ngai hpe n hkrit hkungga ai ni hpe kalang dat ngai sakse tai na nngai,” ngu tsun ai.

MARKU 7:10

Hpa majaw nga yang, ‘Na nnu yan nwa hpe hkungga lara di u, kanu kawa hpe matsa ai ga tsun ai wa gaw teng teng si u ga,” nga nna Mawshe hkang da sai.

TARA JAHPRANG 24:17

“Maigan masha ni hte jahkrai nmai ma ni a ahkaw ahkang ni hpe hkum pat shingdang da ya lu na n rai; gaida jan a hpun palawng hpe hkoi jaw gumhpraw a matu pahkam arai shatai kau ya lu na n rai.

TARA JAHPRANG 27:16

“ ‘Kanu kawa hpe n kaw n law di ai wa kadai mung Karai Kasang jaw ai dagam dala hkrum u ga law.’ “Shaloi Amyu masha ni yawng gaw, ‘Amen!,’ ngu nna htan na mara ai.

TARA JAHPRANG 27:19

“ ‘Maigan masha ni, jahkrai nmai hte gaida gaina ni lu la ang ai shanhte a ahkaw ahkang ni hpe hkum pat shadang da ya ai wa kadai mung Karai Kasang jaw ai ari hkrum sha u ga law.’ “Shaloi Amyu masha ni yawng gaw, ‘Amen!,’ ngu nna htan na mara ai.

TARA JAHPRANG 5:16

“ ‘Ngai Madu nanhte a Karai Kasang nan nanhte hpe jaw ya nga ai mungdan hta asak galu nna ngamu ngamai lu myit ga, ngai nanhte hpe hkang da ni ai hte maren tinang a kanu kawa ni hpe hkungga lara rai nga mu.