EZEKELA 22:3 - Jinghpaw Common Language Bible 2009

³ Tsaw Htum ai dai Madu ngai tsun ai mungga, dai mare hpe tsun u: Nang gaw na a amyu masha ni law law hpe sai jahkaw kau nit dai, hpara sumla ni hpe nawku ai hku nna na hkum hpe awu asin di kau nit dai majaw na a aten du wa ra ai.

Jinghpaw Hanson Version Bible

³ Htawn tsun u, ‘Madu Yehowa ning nga ai: Tinang a aten du na matu, tinang a ka-ang e sai jahkaw kau nna, tinang hkum hpe awu asin di kau na matu, hpara sumla galaw ai mare, nang rai nga ndai.

EZEKELA 22:3 ပူးပေါင်းရင်းမြစ်များ

2 HKAWHKAM 24:3

Hkawhkam Manashe galaw shut kau ai yubak mara yawng a majaw mung, grau nna mara n kap ai amyu masha ni yawng hpe shi sat kau wu ai rai nna Yuda amyu masha ni hpe shi a man kaw nna gawt shapraw kau na matu dai Madu hkang da ai ga hte maren ndai lam byin pru wa sai. Dai Madu gaw shing re ai amu galaw ai a jaw e shi hpe mara n dat ya lu ai lam rai nga ai.

SHAKAWN KUNGDAWN 106:39

Shanhte galaw ai amu ni hte shanhte hkum hpe awu asin di kau nna; Karai Kasang hta sadi sahka myit n dung mat nga masai.

ESAIA 1:21

Kalang mi sadi dung yu sai mare gaw shawa num langai zawn hkawm sa nga a hka! Dai mare gaw aten langai mi hta ding hpring ai masha ni hte hpring nga ai; rai ti mung ya chyawm gaw masha sat ai ni chyu sha ngam nga sai.

EZEKELA 12:25

Dai Madu ngai nan shanhte hpe tsun na nngai. Ngai tsun ai hte maren dik wa na ra ai. Dai gaw galoi mung aten la, htingnai nga na ra ai n rai. Gumlau chye ai ni e, nanhte asak hkrung nga ai laman, ngai galaw na ngu nna nanhte hpe shadum jahprang da ni ai hte maren ngai shadik na nngai. Ngai nan dai ga hpe tsun ni ai, nga nna Tsaw Htum ai dai Madu nan tsun ai.

EZEKELA 22:2

Shi gaw, “Si chye ai masha wa e, nang gaw masha sat ai ni hte hpring nga ai mare hpe tara jeyang na matu jin jin rai nga n ni? Dai mare hta galaw kau sai matsat shabat amu ni mahkra hpe asan sha madun dan u.

EZEKELA 22:27

Asuya mung du ni mung ashan ni gyam sat nna ashep ashin di gang amya sha ai chyahkyawn ni hte bung nga ma ai. Shanhte gaw sut su wa na matu masha sat ai amu hte shut hpyit nga ma ai.

EZEKELA 22:4

Nang gaw masha sat ai amu ni hte mara kap nga ndai, nang galaw ai hpara sumla ni hte awu asin hkrum nga ndai; dai rai nna na a nhtoi gaw du wa ra ai, na a aten htum mat nit dai! Shing re ai lam ni a majaw ngai nang hpe masha amyu baw ni hta mani hpa shatai kau na nngai, mungdan yawng mung nang hpe asawng asang di kau na mara ai.

EZEKELA 22:6

Israela ningbaw ni yawng hte gaw shanhte a n-gun atsam hpe kam hpa ai hte masha sat amu hpe shut nga ma ai.

EZEKELA 23:37

Shan gaw numshaw lashaw ai amu, masha sat ai amu, hpara sumla ni a majaw numshaw lashaw ai amu hte nye a matu shaprat ya ai shadang sha ni hpe sat ai amu ni hpe shut hpyit tawt lai masai. Nye a shadang sha ni hpe mung shanhte a hpara sumla ni hpe wan nat hkungga nawng ya nga masai.

EZEKELA 23:45

Shan gaw lashaw ai amu galaw ai hte shan a lata ni mung sai kap nga ma ai majaw, ding hpring ai ni gaw shan a lashaw ai hte masha sat ai amu ni hpe daw dan na mara ai.”

EZEKELA 23:7

Shi gaw dai Asuri du salang ni yawng a matu shawa num tai ya nu ai; Asuri hpara sumla ni hpe nawku ai hku nna shi a ra gasit ai hpe shi hkum nan awu asin di kau wu ai.

EZEKELA 33:25

Tsaw Htum ai dai Madu ngai tsun nga ai ga shanhte hpe ning ngu htawn tsun u: Nanhte gaw sai hte hpawn ashan sha nga myit dai. Nanhte gaw hpara sumla ni hpe nawku nga myit dai. Nanhte gaw masha sat ai amu hpe mung shut hpyit nga myit dai. Nanhte gaw ndai mungdan hpe madu lu na re ngu myit nawn nga myit ni?

EZEKELA 9:9

Karai Kasang gaw, “Israela hte Yuda amyu masha ni gaw hkrit hpa yubak hte shut hpyit ai mara lu nga ma ai. Shanhte gaw mungdan ting hta sai kap amu shut hpyit kau manu ai hte Yerusalem mung ru hka amu ni hte hpring chyat nga sai. Dai Madu ngai nan shanhte a mungdan hpe kau da nna, shanhte hpe n mu lu sai, nga nna shanhte tsun shajang ma ai.

MIHKA 3:10

Nanhte gaw Karai Kasang a mare ngu ai Yerusalem hpe asai hte n teng n man ai amu a ningpawt ninghpang hta gaw gap da nga myit dai.

ZEHPANI 3:3

De a du salang ni gaw shabam hkawm ai hkanghkyi ni zawn, tara agyi ni gaw hpang jahpawt sha na matu pyi n ngam da lu hkra lawhpa marin ai hte kawsi ai chyahkyawn ni zawn rai ma ai.

ROMA 2:5

Rai ti mung nang gaw myit ja ai hte myit malai n lu ndai majaw, Karai Kasang a pawt bu nga ai hpe ding man ai hku tara dara ai lam dan pru ai nhtoi e nang gaw grau nna kaba ai ari hkrum lu na rin dai.

2 PETRU 2:3

Ndai masu ai sara ni gaw shanhte a nam mak law hpa ai myit hte gyin shalat la ai maumwi ni tsun dan let amyat tam na mara ai. Moi jau jau kaw nna pyi shanhte hpe ari jaw na tara agyi wa gaw shajin da nga sai hte shanhte hpe jahten shabyak kau na wa gaw yup shamwi yup pyaw nga ai n rai.