EZEKELA 22:27 - Jinghpaw Common Language Bible 2009

²⁷ Asuya mung du ni mung ashan ni gyam sat nna ashep ashin di gang amya sha ai chyahkyawn ni hte bung nga ma ai. Shanhte gaw sut su wa na matu masha sat ai amu hte shut hpyit nga ma ai.

Jinghpaw Hanson Version Bible

²⁷ Shi a du ni mung, n tara ai sutgan lu la hkra, shan gyam nna, sai jahkaw kau ai hte, masha hpe kawa sat kau ai chyahkyawn hte bung ma ai.

EZEKELA 22:27 ပူးပေါင်းရင်းမြစ်များ

2 HKAWHKAM LABAU 36:14

Dai hta kaga, Yuda ningbaw ni, hkinjawng ni hte amyu masha ni gaw shanhte a grup yin hkan nga nna hpara sumla ni hpe nawku ai masha amyu baw ni a yubak kasi hta hkan let, dai Madu shi nan shachyoi shapra da sai Nawku Htingnu hpe mung awu asin di kau ma ai.

GA SHAGAWP 17:23

Gumhpraw marin ai tara agyi ni gaw mayun kumhpa hpe la sha ai majaw; tara malang ai amu hpe n galaw ya nga ma ai.

ESAIA 1:23

Na a ningbaw ni gaw gumlau ni hte lagu lagut ni a jinghku ni rai nga ma ai; shanhte gaw kumhpa ni hte mayun kumhpa ni hpe galoi mung hkap la nga ma ai. Shanhte gaw tara rung hta jahkrai ma ni hpe galoi mung n makawp n maga ai hte gaida gaina ni shanhte a amu shawn ai shaloi galoi mung n madat ya nga ma ai.

YEREMIA 41:7

Shanhte gaw mare ka-ang de du shang wa ai hte rau, Ishmaela hte shi a masha ni gaw shanhte hpe sat kau ma ai, shanhte a moi mang ni hpe mung hka htung kata de kabai bang kau ma ai.

YEREMIA 5:6

Dai re ai majaw, maling na hkanghkyi ni gaw shanhte hpe sat kau na mara ai; zaibru jang na chyahkyawn ni gaw shanhte hpe gang amya je kau na mara ai, rawngteng ni gaw shanhte a kahtawng ni hkan lagyim hkawm na mara ai. Ndai amyu masha ni pru hkawm yang, shanhte gaw ashep ashin rai gang je kau hkrum na mara ai, hpa majaw nga yang, shanhte a yubak mara ni law nga ai hte lang hte lang, Karai Kasang kaw na htak mat mat rai ma ai.

SHARUNG SHAYAWT 4:13

Rai ti mung, dai gaw mara n kap ai amyu masha ni a si hkrung si htan lam shabyin ai myihtoi ni a shut hpyit ai yubak ni hte hkinjawng ni a shut hpyit ai mara ni a majaw byin wa sai.

EZEKELA 13:19

Nanhte gaw nye a amyu masha ni a man e muk-yaw mam latup nkau mi hte muk hkyep loi mi lu la na matu ngai hpe n kaw n law di myit dai. Nanhte gaw n si ging ai amyu masha ni hpe sat kau myit dai; n jahkrung da ging ai amyu masha ni hpe jahkrung da nga myit dai. Nanhte gaw nye a amyu masha ni hpe masu magaw ga tsun nhtawm shanhte gaw nanhte tsun ai ga hpe kam nga ma ai,” ngu nna tsun wu ai.

EZEKELA 22:13

“Ngai gaw na a damya amu ni hte masha sat ai amu ni hta nye a lata du na ra ai.

EZEKELA 22:25

Dai ningbaw ni gaw shabam nna ashan ni hpe amya sat kau ai hkanghkyi ni zawn rai ma ai. Shanhte gaw amyu masha ni hpe sat shamyit kau nhtawm gumhpraw hte sut gan mahkra hpe dang lu ai daram hta la ma ai, shanhte galaw ai masha sat amu ni a majaw, gaida law law shabyin shangun ma ai.

EZEKELA 22:3

Tsaw Htum ai dai Madu ngai tsun ai mungga, dai mare hpe tsun u: Nang gaw na a amyu masha ni law law hpe sai jahkaw kau nit dai, hpara sumla ni hpe nawku ai hku nna na hkum hpe awu asin di kau nit dai majaw na a aten du wa ra ai.

EZEKELA 22:6

Israela ningbaw ni yawng hte gaw shanhte a n-gun atsam hpe kam hpa ai hte masha sat amu hpe shut nga ma ai.

EZEKELA 33:31

Dai rai nna, nye a amyu masha ni gaw nang tsun na lam hpe madat la na matu sa hpawng nga ma ti mung, nang tsun ai ga hte maren shanhte n hkan galaw nga ma ai. Shanhte nten ni hta ga ngwi ga pyaw ni hte hpring nga ti mung, lawhpa myit marin ai lam ni hta hkan dingyang rai ma ai.

EZEKELA 34:3

Nanhte gaw sagu chyu lu nna, sagu mun hte da ai hpun palawng ni hpun nhtawm hpum sau htum ai sagu ni sat sha nga myit dai. Rai ti mung, nanhte gaw sagu ni hpe galoi mung bau rem nga myit dai n rai.

EZEKELA 36:12

Nye a amyu masha ni e, ngai gaw nanhte hpe bai woi wa nna ndai mung hta bai shanu nga shangun na nngai. Dai shara gaw nanhte a mungdan majing tai wa nna dai mungdan gaw nanhte a kashu kasha ni hpe galoi mung kyet si shangun na n rai.

EZEKELA 45:8

Israela mungdan na dai shara gaw mungdan up hkang du wa a sali tai na ra ai, shi gaw amyu masha ni hpe loi mi mung zingri zingrat na n rai, dai hta n-ga, naw ngam ai lamu ga hpe mung Israela amyu bawsang ni hpe madu la shangun na ra ai.

EZEKELA 45:9

Tsaw Htum ai dai Madu gaw, “Israela a up hkang du ni e, nanhte yubak mara galaw shut ai gaw nau wa na la manit dai! Nanhte galaw ai kashun kashe du daw sai hkaw amu hte dip gamyet sha ai amu ni hpe kau da manu. Ding hpring ai hte teng man ai amu hpe galaw nga mu. Nye a amyu masha ni hpe shanhte a mungdan kaw nna galoi mung bai hkum gau shapraw myit. Tsaw Htum ai dai Madu ngai nan nanhte hpe dai lam hkang da nga nngai.

EZEKELA 46:18

Dai mungdan hpe up hkang ai du wa gaw amyu masha ni a lamu ga sali hpe la kau ya lu na n rai. Shi a shadang sha ni hpe jaw tawn da ai lamu ga chyawm gaw shi hpe jaw ai kaw na rai nga ai; shi gaw lamu ga sali hpe kashun la kau ya ai hku nna nye a amyu masha kadai hpe mung adip arip di lu na n rai.”

MIHKA 7:8

Anhte a gumlau hpyen ni gaw anhte a ntsa e lachyum kata, yu kabu nga ma ai. Anhte kataw mat ai rai ti mung bai rawt wa lu na ga ai. Ya, anhte nsin kata hta rawng nga ga ti mung, dai Madu gaw anhte hpe nhtoi jaw ya na ra ai.

HABAKU 2:9

Nanhte gaw dingnye hkrum nga myit dai! Nanhte gaw tinang a dinghku hpe kashun kashe du daw sai hkaw amu shabyin nna la wa ai sut gan hte mung, nanhte a dinghku hpe machyi hkra shangun ai hte hkrit tsang shara kaw na shim hkra nga pyaw shangun ai hte mung sut su shangun nga myit hka!

ZEHPANI 3:3

De a du salang ni gaw shabam hkawm ai hkanghkyi ni zawn, tara agyi ni gaw hpang jahpawt sha na matu pyi n ngam da lu hkra lawhpa marin ai hte kawsi ai chyahkyawn ni zawn rai ma ai.

MAHTE 21:13

“Nye a nta hpe akyu hpyi ai nta ngu na mu ai, nga nna Karai Kasang tsun ai hpe Chyum Laika ni hta ka da nga ai. Rai ti mung nanhte gaw, dai hpe damya lungpu shatai nga myit dai,” ngu nna shanhte hpe tsun mu ai.

MAHTE 7:15

“Nanhte kaw sa du ai ntsa de sagu hpyi hpun tawn nna kata de amya sha na myit rawng ai chyahkyawn matse hte bung ai myihtoi masu ni hpe sadi let koi kau nga mu.

KASA 20:29

Ngai pru mat wa ai hpang masha nkau mi nanhte kaw shang nna matse n hkru ai chyahkyawn zawn sagu hpung hpe matsan n dum, hkyamsa n jaw na mara ai hpe ngai chye nga nngai.

KASA 24:9

Yuda masha ni mung, dai ga ni gaw teng nga ai, nga nna jawm mara shagun lawm ma ai.