EZEKELA 22:26 - Jinghpaw Common Language Bible 2009

²⁶ Hkinjawng ni mung nye a tara hpe run kau nna, chyoi pra ai arai hpe n gawn n sawn di ma ai. Shanhte gaw chyoi pra ai hte n chyoi n pra ai hpe n ginhka ma ai. Shanhte gaw san seng ai hte n san n seng ai baw ni a shai nga ai lam hpe n sharin ya nga ma ai; Bansa Nhtoi hpe mung hpa zawn n nawn nga ma ai. Dai lam ni a majaw, Israela amyu masha ni gaw ngai hpe hkrit hkungga nga ma ai n rai.

Jinghpaw Hanson Version Bible

²⁶ Shi a hkinjawng ni gaw, nye a tara hpe run kau nna, nye a chyoi pra ai arai ni hpe awu asin di kau ma ai; chyoi pra ai hte n chyoi n pra ai hpe gin hka ma ai: san seng ai hte n san n seng ai baw, mung masha ni hpe n chye shangun nna, nye a laban nhtoi ni hpe, koi kau ma ai: shanhte a ka-ang e ngai kaya kahpa hkrum nga nngai.

EZEKELA 22:26 ပူးပေါင်းရင်းမြစ်များ

2 HKAWHKAM LABAU 36:14

Dai hta kaga, Yuda ningbaw ni, hkinjawng ni hte amyu masha ni gaw shanhte a grup yin hkan nga nna hpara sumla ni hpe nawku ai masha amyu baw ni a yubak kasi hta hkan let, dai Madu shi nan shachyoi shapra da sai Nawku Htingnu hpe mung awu asin di kau ma ai.

YEREMIA 15:19

Dai lam a majaw dai Madu gaw, “Nang nhtang wa ai rai yang, ngai nang hpe woi nhtang wa na nngai, nang gaw nye a shangun ma bai tai lu na rai ndai. Lachyum n pru ai ga laban shaga na malai, manu dan ai mungga hpe nang hkaw tsun ai rai yang, nang gaw nye a myihtoi bai tai lu na rai ndai. Amyu masha ni mung nang kaw nhtang wa na mara ai, nang gaw shanhte kaw sa ra na ndai n rai.

YEREMIA 2:8

Hkinjawng ni gaw, ‘Dai Madu gaw kanang rai nga a ta?,’ nga nna san ma ai n rai. Nye a hkinjawng majing ni ngai hpe n chye ma ai. Mung du ni ngai hpe gumlau ma ai; myihtoi ni gaw Bala a mying hta ga shaga ai hte akyu n jaw ai hpara sumla ni hpe nawku ma ai.

SHARUNG SHAYAWT 4:13

Rai ti mung, dai gaw mara n kap ai amyu masha ni a si hkrung si htan lam shabyin ai myihtoi ni a shut hpyit ai yubak ni hte hkinjawng ni a shut hpyit ai mara ni a majaw byin wa sai.

EZEKELA 22:8

Nang gaw dai chyoi pra ai shara ni hpe n hkungga nga ndai; Bansa Nhtoi hpe awu asin di nga ndai.

EZEKELA 23:38

Shanhte galaw sai amu gaw dai yawng rai nga sai n rai. Shan gaw nye a Nawku Htingnu hpe awu asin di kau ma ai hte ngai shagrin da ni ai dai Bansa Nhtoi hpe mung n gawn n sawn di nga ma ai.

EZEKELA 36:20

Shanhte shara shagu de du hkawm mat wa yang, ‘Ndai ni gaw dai Madu a amyu masha ni rai nga ma ai, rai ti mung shanhte gaw shi a mungdan kaw nna pru wa nga masai,’ ngu nna masha amyu ni tsun ma ai majaw, shanhte gaw nye a chyoi pra ai mying ningsang hpe jahten kau ya nga ma ai.

EZEKELA 42:20

Dai rai nna, bunghku du hkra lawm yang, man mali grup grup pe 840 rai nga ai. Dai bunghku gaw chyoi pra ai hte n chyoi n pra ai shara ni hpe garan ginhka na matu kum da nga ai.

EZEKELA 44:10

Dai Madu gaw ngai hpe, “Ngai gaw naw ngam nga ai Israela amyu masha ni hte rau ngai hpe kau da nna hpara sumla nawku nga sai Lewi masha ni hpe ari jaw nga nngai.

EZEKELA 44:23

“Dai hkinjawng ni gaw nye a amyu masha ni hpe chyoi pra ai hte n chyoi n pra ai hpe chye ginhka lu na matu mung, nawku htung hte seng ai san seng ai hte n san n seng ai lam ni hpe mung sharin achyin ya ra nga ma ai.

EZEKELA 44:24

Ndang kalang re ai amu pru wa ai shaloi, dai amu ni hpe nye a tara ni hte maren, hkinjawng ni jeyang daw dan na ma ai. Nawku htung hte seng ai poi ni hpe mung, nye a tara masa hte maren, shanhte shatup nna Bansa Nhtoi ni hpe shanhte shachyoi shapra na ma ai.

EZEKELA 7:26

Tsin-yam tsindam gaw langai a hpang langai hkan nang nhtawm angwi ngwi sha yan pru wa ai n kaja ai shiga ni mung paw pru wa na ra ai. Myihtoi ni shanhte tau mu chye tawn ai lam ni hpe hpaw shaleng dan na matu nang hpyi lajin na ndai. Hkinjawng ni mung amyu masha ni hpe sharin achyin na lam hpa mung mu na mara ai n rai, salang ni mung hpaji n chye jaw na mara ai.

JAW JAU 10:10

Karai Kasang hte seng ai hte shawa lang ai arai hpe mung, san seng ai hte n san n seng ai hpe mung nanhte chye ginhka lu na rai myit dai.

JAW JAU 11:47

Nanhte gaw htung hte maren san seng ai, n san n seng ai dusat amyu ni hta na sha mai n mai hpe sadi sahka hte chye ginhka lu na rai myit dai.

JAW JAU 13:43

Hkinjawng wa gaw shi hpe jep yu nna dai hta e hkyeng hpraw ningma nga ai rai yang,

JAW JAU 20:25

Dai re ai majaw san seng ai hte n san n seng ai ashu ashan, san seng ai ntsa malen u ni hte n san n seng ai ni hpe chye ginhka lu na rai myit dai. N san n seng ai ashu ashan hte ntsa malen u ni hpe sha lu na myit dai n rai. Dai ni hpe n san n seng ai ngu nna ngai tsun da ni ai majaw dai ni hpe sha ai rai yang, nanhte hpe n san n seng shangun na rai nga ai.

MALAHKI 2:7

Karai Kasang a teng man ai machye machyang hpe sharin ya na gaw hkinjawng ni a lit rai nga ai. Nye a myit ra ai lam hpe sharin la na matu, masha gaw shanhte hpang de sa ang nga ma ai, hpa majaw nga yang, shanhte gaw Chyahtum Chyalai N-gun rawng ai dai Madu a kasa ni rai ma ai.

MALAHKI 2:8

“Rai ti mung ya chyawm gaw nanhte hkinjawng ni jaw ai lam kaw na yit mat wa manit dai. Nanhte a sharin shaga ai ga gaw masha law law hpe woi shut manit dai. Nanhte hte ngai tawn da ai ga shaka hpe mung run kau manit dai.

ROMA 2:24

Dai Chyum Laika hta, “Karai Kasang a mying nsang gaw nanhte Yuda ni a majaw maigan amyu ni hta jahpoi asawng ai hkrum nga ai,” nga nna tsun nga ai.

1 SAMUELA 2:22

Ya, Eli asak grai kaba ai hte ugut gu sayang she, shi a kasha yan Israela masha ni hpe galaw ai lam magup hte a lam hpe mung, dai Madu a hpung shingkang shanu nga ai Sum de shang wa ai chyinghka lam e amu galaw ai numsha ni hte pyi rau yup nga ma ai lam hpe mung na wu ai.

1 SAMUELA 2:29

Nye a amyu masha ni kaw ngai hpyi ai shagu hkungga hte hkungga ni hpe hpa majaw sha marim mayu ai myit hte yu myit ni? Eli e, Nye a amyu masha ni ngai hpe nawng ya ai shagu hkungga ni yawng hta na kaja htum ai arai ni hpe hkru hkru kat kat sha shangun let na a kasha ni hpe ngai hta grau hkra hpa majaw shagrau da n ni?