EZEKELA 22:24 - Jinghpaw Common Language Bible 2009

²⁴ Shi gaw, “Si chye ai masha wa e, Israela mungdan gaw n san n seng nga ai majaw, dai mungdan hpe nye a sindawng kahtet ai hte ari jaw nga nngai ngu, shanhte hpe htawn tsun u.

Jinghpaw Hanson Version Bible

²⁴ “Masha kasha e, mungdan hpe htawn tsun u: Nang gaw ngai pawt bu ai nhtoi hta, jasan jaseng ai n hkrum nna, marang n hkam la ai mungdan rai nga ndai.

EZEKELA 22:24 ပူးပေါင်းရင်းမြစ်များ

2 HKAWHKAM LABAU 28:22

Ahaza a ru yak ni gaw grai sawng wa ti mung dai masha Ahaza gaw shawng de na hta grau sawng hkra dai Madu hpe shut kau nga ai.

ESAIA 1:5

Nanhte gaw hpa majaw gumlau shanang nga myit ta? Nanhte gaw ari jaw na hpe grau nna pyi ra nga myit ni? Israela e, na a baw gaw nma ni hte ka-up da chyalu rai nga ai, na a myit masin hte kraw lawang ni machyi nga lit dai.

ESAIA 9:13

Chyahtum Chyalai N-gun rawng ai dai Madu gaw shanhte hpe ari jaw tim pyi, Israela amyu masha ni myit malai ma ai n rai, shanhte shi kaw nhtang wa ma ai n rai.

YEREMIA 2:30

Ngai nang hpe ari jaw nngai, rai ti mung dai gaw mai kaja lam hpa mung n galaw ya nga ai; nang gaw ngai hpe shading sharai shangun nga ai n rai. N-yun bu ai hkanghkyi langai zawn na a myihtoi ni hpe nang sat kau nit dai.

YEREMIA 5:3

Dai Madu gaw kaja wa kangka ai hpe tam nga ai. Shi nang hpe kayat ti mung, nang hpa zawn n nawn nga ndai; shi nang hpe agrawp mani kau ti mung, sharin la na matu nang ningdang kau nga ndai. Nang gaw du ja nna na a yubak ni kaw na n kayin wa nga ndai.

YEREMIA 6:29

Wan htung gaw kang kahtet hkra hkru nga ti mung, nhprang hkyi ni gaw n byawng lu nga ai. N hkru ai masha ni hpe n tsan kau lu ai majaw nye a amyu masha ni hpe matut jen yu na matu akyu n rawng nga ai.

EZEKELA 22:23

Dai Madu gaw ngai hpe bai ga shaga wu ai.

EZEKELA 24:13

Yerusalem mare e, na a nse nsa ai arawn alai ni gaw nang hpe awu asin di kau nit dai. Nang hpe ngai jasan shapra na shakut ti mung, nang awu asin naw hkrum nga ndai. Nye a n-gun tup sindawng kahtet ai hpe nang n hkam sha dingsa, jasan jaseng hkrum na ndai n rai.

ZEHPANI 3:2

Dai mare gaw dai Madu a nsen n madat ai hte matsun maroi ga ni hpe mung n hkap la nga ma ai. Dai Madu hta kam hpa ai lam n nga ai sha n-ga, karum la na matu hpyi lajin ai lam mung n galaw ma ai.