EZEKELA 22:21 - Jinghpaw Common Language Bible 2009

²¹ Rai sa, ngai gaw shanhte hpe Yerusalem hta shinggyin da nna shanhte a npu e wan shagrung nhtawm nye a masin kahtet ai hte shanhte hpe shabyawng na we ai.

Jinghpaw Hanson Version Bible

²¹ Gaja wa shinggyin tawn nhtawm, nye n-yun bu ngu ai wan hte, ngai nanhte hpe kawut nna, nanhte gaw mare ka-ang e bawng mat ai hkrum na myit dai.

EZEKELA 22:21 ပူးပေါင်းရင်းမြစ်များ

2 HKAWHKAM 25:9

Shi gaw Yerusalem mare na Nawku Htingnu, hkawhkam htingnu ni hte Yerusalem mare hta nga ai ahkyak ai masha ni a dum nta ni yawng hpe nat kau wu ai.

SHAKAWN KUNGDAWN 112:10

Tara n lang ai ni dai lam hpe mu nna, masin pawt nga ma ai; shanhte gaw wa utik ai hte myit daw hten mat nna; shanhte a myit mada ai lam ni mung htani htana hten mat na mara ai.

SHAKAWN KUNGDAWN 21:9

Shi dan pru wa ai shaloi, kang kahtet ai wan gaw arai ni hpe hkru kau ai zawn, shi gaw shanhte hpe shamyit kau na ra ai. Madu gaw shi a masin kahtet ai hte shanhte hpe mayu kau nna; wan mung shanhte hpe hkru kau na ra ai.

SHAKAWN KUNGDAWN 50:3

Anhte a Karai Kasang sa wa nga ai rai tim, atsin sha du sa nga ai n rai; shi a man e wan shinglet ni hkru nga nna shi a makau mayang hkan e, laru kaba ru nga ai.

SHAKAWN KUNGDAWN 68:2

Wan hkut mawng mat wa ai zawn, shi shanhte hpe gawt kau mu ai; gitbaw gaw wan a man e byawng mat ai zawn, tara n lang ai ni Karai Kasang a man e hten byak mat nga ai.

ESAIA 30:33

Moi chyaloi nhkoi kaw nna Asuri hkawseng hpe nat na matu wan htung kaba shara mi hkyen da nga ai. Dai gaw sung ai hte dam lada rai nna hpun ni hte sumpum shatsaw da nga ai. Dai Madu gaw dai shara hta wan shachyi na matu wan shinglet gawut bang dat na ra ai.

ESAIA 64:2

Kahtet ai wan ntsa e hka prut nga ai zawn shanhte gari ashun mai nga ai. Na a gumlau hpyen ni a man e na a daru magam n-gun sa madun dan u, masha amyu baw ni hpe na a man e hkrit gari shangun u!

ESAIA 64:7

Akyu hpyi let nang kaw kayin wa ai masha kadai n nga nga ai; karum la na matu nang kaw kadai n sa nga ai. Nang gaw na hkum hpe anhte kaw na makoi kau nhtawm anhte galaw ai yubak mara ni a majaw anhte hpe kau da nga nit dai.

YEREMIA 8:13

“Masha gaw nsi naisi shu la ai zawn, ngai mung nye a amyu masha ni hpe shinggyin la na matu ra sharawng nga nngai; rai ti mung, shanhte gaw sabyi si n si ai sabyi ru, lakum si n si ai lakum hpun, de a alap ni pyi nyip mat ai hpun ni zawn rai ma ai. Dai majaw, ngai gaw dai mungdan hpe madu la kau ya na matu, tsasam ni hpe ahkang jaw kau ni ai.”

YEREMIA 9:7

Ndai lam a majaw Chyahtum Chyalai N-gun Rawng ai dai Madu gaw, “Ngai gaw nye a amyu masha ni hpe nhprang arai hpe zawn jen yu na nngai, shanhte hpe ngai chyam dinglik yu na nngai. Nye a amyu masha ni gaw n hkru ai amu galaw masai- Shanhte hpe ngai kaning di lu na rai ta?

EZEKELA 21:31

Grung nga ai wan zawn na a ntsa e ngai ahpawt dat ai shaloi, nang gaw nye a sindawng kahtet ai hpe hkam sha na rai myit dai. Ngai gaw nang hpe gumshem nna jahten shabyak kung ai ni a lata hta ap kau na we ai.

NAHUM 1:6

Shi pawt sindawng ai shaloi, kadai hkrung nga lu a ta? Shi a hkrithpa masin kahtet ai a majaw, kadai hkrung lu nga a ta? Shi gaw agrung nga ai shi masin kahtet ai hpe ru bun nga ai; shi a man e, lunghkrung ni ga nhpu zawn agrawp mani mat nga ai.

ZEHPANI 1:18

Shi a sindawng kahtet ai hpe madun ai shani hta, shanhte a ja gumhpraw mahkra hte pyi shanhte hpe hkye la lu na n rai. Shi a masin kahtet ai wan hte mungkan ga ting hpe jahten kau na ra ai. Mungkan ga ntsa e nga ai masha hkum shagu a matu, akajawng sha re ai jahtum nhtoi shabyin dat na ra ai.

TARA JAHPRANG 29:20

Dai Madu gaw dai zawn re ai wa hpe mara dat ya na wu ai n rai; shing rai na malai, dai Madu a hkru nga ai pawt sindawng ai gaw shi a ntsa e grung nga nhtawm dai Madu shi hpe tsep kawp shamyit kau ai aten du hkra, ndai laika hta ka matsing da ai tsin-yam tsindam yawng mayawng shi a ntsa e ru bun na wu ai.

TARA JAHPRANG 32:22

Nye a masin kahtet ai gaw wan zawn grung wa nna, ginding aga ntsa na arai shagu hpe hkru kau na ra ai. Dai gaw mungkan ga a lawu tsang de du hkra dep nna, bum ni a npawt nhpang ni hpe hkru kau na ra ai.

TARA JAHPRANG 4:24

hpa majaw nga yang, dai Madu nanhte a Karai Kasang gaw grung nga ai wan shinglet zawn rai nna shingjawng kashun ai ni hpe yu matsan dum nga ai n rai.