EZEKELA 22:20 - Jinghpaw Common Language Bible 2009

²⁰ Dai hte maren, gumhpraw, magri hkyeng, hpri, machyu hte ajang ni hpe shabyawng na matu jen ya ai wan htung hta bang da nga ai. Wan gaw nhprang arai hpe shabyawng kau ai zawn nye a masin kahtet ai hte n-yun bu ai gaw shanhte hpe shabyawng kau na nngai.

Jinghpaw Hanson Version Bible

²⁰ Gumhpraw, magri, ahpri, achyu hte ajang hpe shabyawng na matu, bunghkrawng hta bang da nna, wan wut ai zawn, ngai gaw nye a sindawng kahtet ai hte nanhte hpe dai mare hta shinggyin tawn nna, shabyawng na made ai.

EZEKELA 22:20 ပူးပေါင်းရင်းမြစ်များ

ESAIA 1:25

Ngai gaw nanhte hpe jeyang na nngai. Ngai gaw nanhte hpe nhprang arai jen kau ai zawn jasan shapra na made ai, nanhte a n san n seng ai lam yawng hpe seng kau ya na we ai.

ESAIA 54:16

“Ngai gaw wan htung galaw nna hpyen laknak dup ai ndup wa hpe hpan da nngai. Ngai gaw masha sat na laknak hpai ai hpyenla wa hpe mung hpan da nngai.

YEREMIA 4:20

Tsin yam tsindam gaw langai hpang langai hkan nga ai; mungdan ting hten run taw nga sai. Anhte a sum ni akajawng sha hten mat sai; de a sumpan grang ni adaw atang je mat sai.

YEREMIA 8:13

“Masha gaw nsi naisi shu la ai zawn, ngai mung nye a amyu masha ni hpe shinggyin la na matu ra sharawng nga nngai; rai ti mung, shanhte gaw sabyi si n si ai sabyi ru, lakum si n si ai lakum hpun, de a alap ni pyi nyip mat ai hpun ni zawn rai ma ai. Dai majaw, ngai gaw dai mungdan hpe madu la kau ya na matu, tsasam ni hpe ahkang jaw kau ni ai.”

EZEKELA 22:19

Dai re ai majaw, shanhte gaw dai ni zawn akyu n rawng nga ma ai nga nna ya, tsaw Htum ai Madu ngai nan shanhte hpe tsun nga nngai. Ngai gaw shanhte yawng hpe Yerusalem hta zup hpawng da na nngai.

EZEKELA 22:21

Rai sa, ngai gaw shanhte hpe Yerusalem hta shinggyin da nna shanhte a npu e wan shagrung nhtawm nye a masin kahtet ai hte shanhte hpe shabyawng na we ai.

EZEKELA 22:31

Dai re ai majaw, ngai gaw nye a masin kahtet ai hpe shanhte a ntsa e ru bun dat nna, shanhte galaw dan sai arawn alai hte maren, shanhte hpe wan zawn shamyit kau na we ai.” Tsaw Htum ai dai Madu tsun nu ai.

EZEKELA 24:13

Yerusalem mare e, na a nse nsa ai arawn alai ni gaw nang hpe awu asin di kau nit dai. Nang hpe ngai jasan shapra na shakut ti mung, nang awu asin naw hkrum nga ndai. Nye a n-gun tup sindawng kahtet ai hpe nang n hkam sha dingsa, jasan jaseng hkrum na ndai n rai.

EZEKELA 36:18

Shanhte gaw dai mung hta masha sat ai amu ni shut hpyit kau ma ai majaw mung, hpara sumla ni hte dai hpe awu asin di kau mu ai majaw mung, ngai gaw nye a sindawng kahtet ai n-gun shanhte hpe chyim shangun ni ai.

HOSEA 8:10

Rai ti mung, ya chyawm gaw shanhte hpe ngai rau sha shinggyin la nna ari jaw na we ai. Suri hkawseng shanhte hpe dip gamyet sha yang, kade n na yang, shanhte machyi gumba mat na mara ai.