EZEKELA 22:14 - Jinghpaw Common Language Bible 2009

¹⁴ Ngai nang hte amu shangut ai shaloi, nang hta nsen marai mung, na a lata sharawt lu na n-gun atsam mung naw ngam na ra ai ngu, nang myit nawn da wu ni? Dai Madu ngai tsun ni ai hte maren, nye a mungga hpe ngai shatup na nngai.

Jinghpaw Hanson Version Bible

¹⁴ Ngai nang hpe jeyang ai shani e, na a myit sharang lu nna, na lata n-gun ja lu na lit ni? Ngai Yehowa nan tsun ai hte maren shabyin na nngai.

EZEKELA 22:14 ပူးပေါင်းရင်းမြစ်များ

YOBA 40:9

Nang gaw ngai zawn n-gun atsam rawng nga n ni? Na a nsen gaw mu ngoi ai nye a nsen zawn ja nga a ni?

ESAIA 28:22

Ngai nanhte hpe jaw ya nga ai shadum jahprang ga hpe hkum mani asawng kau myit! Nanhte dai hku galaw ai rai yang, dai gaw nanhte a matu hprawng lawt lu na pyi grau nna ayak ahkak tai wa na ra ai. Mungdan ting hpe jahten kau na matu Chyahtum Chyalai N-gun rawng ai dai Madu a daw dan lam hpe ngai na ni ai.

ESAIA 31:3

Egutu masha ni gaw karai ni n rai ma ai-shanhte gaw shinggyim masha sha rai ma ai. Shanhte a gumra ni gaw shingra tara hta grau ai wenyi n rai ma ai. Dai Madu amu galaw ai shaloi, n-gun ja ai masha amyu baw gaw hpyai rai mat na ra ai, karum la hkrum ai n-gun kya ai masha amyu baw mung di hkrat mat na ra ai. Shan gaw jahten kau ai hkrum na mara ai.

ESAIA 45:9

Ga di bu gaw di bu sama wa hte, ndai di bu gaw kaga yawng hte bung nga a ni, nga nna dangrang gwi nga a ni? Kagam ga gaw di bu sama wa hpe nang hpa galaw nga n ta, ngu nna san mai nga a ni? Di bu gaw galaw ai wa hpe kung kyang ai lam n nga ai, ngu nna tsun aput mai nga a ni?

YEREMIA 13:21

Na a jinghku jingyu ni nang hpe dang kau ai hte nang hpe up ai shaloi, nang kaning ngu tsun na nu ni? Nang gaw shinggyim machyi ai num zawn nchyi nmu hkrum na rin dai.

EZEKELA 17:24

Dai mung na hpun ni yawng gaw ngai nan dai Madu rai nga nngai hpe chye na mara ai. Ngai gaw hpun galu ni hpe kran kau nna hpun kaji ni hpe tu galu shangun na nngai. Ngai gaw tsit lali ai hpun ni hpe shanyip kau nna hkraw ai hpun ni hpe tsit lali shangun na nngai. Dai Madu ngai nan tsun ni ai. Ngai galaw na ngu tsun sai amu hpe ngai galaw na we ai.”

EZEKELA 21:7

Shanhte gaw nang hpa majaw madai nga n ta?, ngu nna nang hpe san ma ai shaloi, dai gaw du sa wa ra ai shiga a majaw rai nga ai ngu nna shanhte hpe tsun dan u. Dai shiga du ai shaloi, shanhte a myit masin ni hta hkrit ai myit hpring wa nna shanhte a lata ni kya gumba mat ai hte shanhte hta rawng nga ai nden marai yawm mat wa nna shanhte a lahput ni gari ashun mat na mara ai. Dai byin na aten gaw ndai shara e du nga sai,” ngu nna dai Tsaw Htum ai Madu nan tsun wu ai.

EZEKELA 23:34

Nang gaw dai hpe lu nna hkyet mat hkra chyup lu na rai ndai, de a gawm chyen ni hte na a sinda shaje kau na rin dai. Tsaw Htum ai dai Madu ngai nan tsun ni ai,” ngu nna tsun wu ai.

EZEKELA 24:14

Dai Madu ngai nan dai ga hpe tsun ni ai. Dai amu galaw shadik na matu, nye a aten gaw du nga sai. Ngai gaw na a yubak mara ni hpe malap kau ya na n rai, n-gaw n wai ai myit madun dan na n rai, matsan dum la na n rai. Nang galaw dan sai arawn alai hte maren ari jaw hkrum na rai ndai.” Tsaw Htum ai dai Madu nan tsun nu ai.

EZEKELA 28:9

Shanhte nang hpe sa sat kau na matu du sa ai shaloi, nang gaw karai langai rai nga nngai ngu naw tsun na n ni? Masha sat ai ni hte nang hkrum ai shaloi, nang gaw karai nan n rai, si chye ai masha rai na rai nga ndai.

EZEKELA 36:36

ai hpang, dai Madu ngai nan hten run mat sai mare ni hpe bai de da ai mung, jahkam da sai yi hkauna ni hta bai hkai lu na matu mung, naw ngam nga ai htingbu masha amyu baw ni chye lu na mara ai. Dai Madu ngai nan ga sadi tawn da sai hte maren, ngai myit ra ai hku galaw na nngai,” ngu nna tsun wu ai.

EZEKELA 5:13

Ngai myit dik ai aten du hkra, nye a sindawng kahtet ai hte n-yun bu ai n-gun hpe nang hkam sha na rai ndai. Ndai lam yawng byin wa ai shaloi, ngai gaw na a sadi n dung ai hta myit kahtet nga nngai majaw dai Madu ngai nan nang hpe tsun kau ai ga hpe nang chye wa lu na rai ndai.

EZEKELA 6:10

Shanhte gaw ngai nan dai Madu rai nga nngai hte nye a shadum jahprang ai ga ni kaman jahkrit sharim kau ai n rai nga ai hpe chye na lu na mara ai,” ngu nna shi nan tsun wu ai.

EZEKELA 7:17

Masha shagu hte a lata ni gaw kya mat nna, shanhte a lahput ni gari ashun mat na mara ai.

YOELA 2:11

Dai Madu gaw shi a hpyen hpung hpe nsen sharawt dat wu ai. shi a ga madat ai hpyen hpung ni law ai hte n-gun rawng nga ma ai. Dai Madu a nhtoi gaw kade sha hkrit hpa rai nga a hka! Kadai wa hkrung nga lu na rai ta?

MALAHKI 3:2

Rai ti mung, shi du ai nhtoi hpe kadai hkam sharang lu na rai ta? Shi dan pru yang kadai wa hkrung nga lu na rai ta? Shi gaw ja ai sabya zawn nhprang arai hpe shatsawm ai wan zawn rai na ra ai.

MARKU 13:31

Sumsing lamu hte ginding aga lai mat wa timung, nye a ga ni gaw n lai mat wa na li ai.

1 KORINHTU 10:22

Shing n rai anhte gaw dai Madu hpe manawn masham rai shangun mayu nga ga ni? Anhte gaw dai Madu hta grau n-gun ja ai ni rai nga ga ai ngu nna myit nga ga ni?

HEBRE 10:31

Hkrung nga ai Karai Kasang a lata de hkrat bang wa ai lam gaw nachying hkrithpa wa rai nga ai!

1 SAMUELA 15:29

Daru magam n-gun hpung shingkang hte hpring ai Israela a Karai Kasang gaw masu ai n rai; shi a myit chye galai nga ai n rai. Shi gaw shinggyim masha langai n rai, shi a myit galai shai chye ai n rai,” ngu nna tsun wu ai.