EZEKELA 22:12 - Jinghpaw Common Language Bible 2009

¹² Amyu masha nkau mi gaw gumhpraw a jaw e masha sat ma ai. Nkau mi gaw shanhte a kahpu kanau Israela masha ni hpe gumhpraw amyat tam sha nna, sut su wa na matu shanhte hpe mawp sha nga ma ai. Shanhte gaw ngai hpe mung malap kau manu ai.” Dai Tsaw Htum ai Madu tsun nu ai.

Jinghpaw Hanson Version Bible

¹² Sai jahkaw kau na matu, na a masha ni sake manawn sha ma ai; amyat sha na hte lu su na matu, gumhpraw hkoi ya ma ai; htingbu wa arai hpe lawhpa ai myit hte kashun la ndai: ngai hpe mung malap kau ndai,” nga nna Madu Yehowa tsun ai.

EZEKELA 22:12 ပူးပေါင်းရင်းမြစ်များ

NEHEMIA 5:1

Ya aten ram ram na ai hpang, numsha lasha amyu masha law law hte gaw shanhte a Yuda hpu nau ni hpe aput hpang wa nga ma ai.

NEHEMIA 5:7

dai amu jum na matu myit jahkut da nngai. Ngai mung amyu masha ni a ningbaw ni hte du salang ni hpe, “Nanhte gaw nanhte a kahpu kanau ni hpe dip gamyet sha nga myit hka!,” ngu nna shanhte hpe daru kau nngai. Ngai gaw manghkang dai hpe hpyan ya na matu shawa hpawng hpe shaga la nna,

SHAKAWN KUNGDAWN 106:21

Egutu mung hta shi a mauhpa magam amu ni hte shanhte hpe hkye hkrang da ai Karai Kasang hpe shanhte malap kau mu ai.

SHAKAWN KUNGDAWN 15:5

Shi gaw amyat n la ai sha, hkoi ya ai hte mara n kap ai wa hpe masu ai sakse tai ya na matu mayun kumhpa hpe jaw tim hkap la na wa n rai. Ndai lam ni hpe galaw shadik ai ni kadai mung tut nawng e shim nga na mara ai.

GA SHAGAWP 1:19

Damya galaw ai wa a asak gaw damya galaw ai amu hta galoi mung sum mat chye nga ai. Dai gaw kashun kashe du daw sai hkaw ai amu hte hkrung nga ai ni hta, hkrum hkra ai lam rai nga ai.

ESAIA 1:23

Na a ningbaw ni gaw gumlau ni hte lagu lagut ni a jinghku ni rai nga ma ai; shanhte gaw kumhpa ni hte mayun kumhpa ni hpe galoi mung hkap la nga ma ai. Shanhte gaw tara rung hta jahkrai ma ni hpe galoi mung n makawp n maga ai hte gaida gaina ni shanhte a amu shawn ai shaloi galoi mung n madat ya nga ma ai.

ESAIA 17:10

Israela e, nang gaw nang hpe hkye mawai la ai hte ja ai lunghkrung zawn nang hpe makawp maga ai Karai Kasang hpe malap kau nga nit dai. Shing rai na malai, nang gaw maigan karai hpe nawku na nga, chyoi pra ai sun ni hpe hkai da nga ndai.

ESAIA 56:11

Shanhte gaw galoi mung kan n hkru ai lawhpa gwi ni zawn rai ma ai. Ndai ningbaw ni gaw chye na hkawn hkrang ai nyan hpa mung n rawng ma ai. Shanhte awng sharawng ai hte shanhte a akyu mu tam ai shaloi sha, shanhte langai hte langai galaw ma ai.

YEREMIA 2:32

Numsha mahkawn gaw shi a ja rai, num nnan gaw shi a hkungran hpun palawng hpe malap da mai nga a ni? Rai ti mung, nye a amyu masha ni chyawm gaw ngai hpe malap kau ai nhtoi ni n dang hti hkra law nga sai.

YEREMIA 3:21

Kawng pungding ni a ntsa e garu ai nsen langai na ai: dai gaw Israela amyu masha ni jahtau hkrap ai hte hpyi nem ai nsen rai nga ai; hpa majaw nga yang, shanhte gaw yubak lam ni hta asak hkrung nna dai Madu shanhte a Karai Kasang hpe malap kau manu ai.

YEREMIA 6:13

Masha kaji kaba yawng hte gaw n ding n man ai hku gumhpraw tam shakut nga ma ai; myihtoi ni hte hkinjawng ni pyi amyu masha ni hpe masu hkalem nga ma ai.

YEREMIA 9:1

Nye a baw gaw hka htung hka, nye a myi ni gaw myi prwi hka hpawk tai mat na ngai ra sharawng nngai, shaloi ngai gaw sat kau hkrum sai nye a amyu masha ni a matu shani shana hkrap lu na rai nngai.

EZEKELA 18:13

amyat a matu gumhpraw hkoi sha nga ai. Shi hkrung nga na rai nga a ni? N rai law, shi hkrung nga lu na ra ai n rai. Shi gaw ndai matsat shabat amu ni yawng hpe galaw nu ai majaw, shi si na rai wu ai. Shi gaw shi a si hkrung si htan a matu shi nan mara shagun hkrum na ra ai.

EZEKELA 18:8

Shi gaw amyat lu na matu gumhpraw n hkoi sha nga ai. Shi gaw n hkru ai amu galaw na matu ningdang kau nna, ndang kalang ai amu hta teng man ai daw dan lam jaw ya nga ai.

EZEKELA 23:35

Yu u, ndai gaw Tsaw Htum ai dai Madu tsun nga ai mungga rai nga ai: “Nang gaw ngai hpe malap kau nit dai, ngai hpe shingdu dat kau nit dai majaw na a ngang gayut ai amu hte shawa num amu galaw ai nni nkri hpe hkam sha na rai ndai.”

EZEKELA 36:12

Nye a amyu masha ni e, ngai gaw nanhte hpe bai woi wa nna ndai mung hta bai shanu nga shangun na nngai. Dai shara gaw nanhte a mungdan majing tai wa nna dai mungdan gaw nanhte a kashu kasha ni hpe galoi mung kyet si shangun na n rai.

JAW JAU 19:13

“Kadai hpe mung zai hte roi rip nna shi a arai kashun la lu na n rai. Nchyang ma a shabrai lana mi sha pyi hkum shadang da lu na myit dai n rai.

JAW JAU 25:37

Nang hkoi ya ai gumhpraw hta rai ti mung, dut ya ai lusha hta rai ti mung, shi hpe atu amyat jaw shangun lu na n rai.

AMO LAIKA (AMOS) 8:4

Ra kadawn ai ni hpe kabye dip ai hte mungdan na matsan mayan masha ni hpe jahten sharun shakut nga ai nanhte gaw ndai ga madat mu.

AMO LAIKA (AMOS) 8:6

Anhte gaw hkaulan mam nmyem ni hpe tsaw ai manu hte dut la lu na rai nga ga ai. Anhte gaw tinang a hka ni hpe n wa lu ai matsan mayan masha ni hpe mu tam na rai ga ai, kyepdin man mi a manu daram pyi manu n rawng ai shanhte hpe mayam ni hpe zawn mari lu na ga ai,” nga nna tsun myit dai.

MAHTE 23:13

“Hpyi hpun ai tara sara ni hte Hparishe ni e, nanhte dingnye lu myit dai! Nanhte gaw masha ni a man e sumsing lamu a chyinghka hpe pat da mu ai. Nanhte nan mung n shang myit dai hte, shang na matu shakut ai ni hpe mung shang na ahkang n jaw myit dai.

MAHTE 23:25

“Hpyi hpun ai Tara sara ni hte Hparishe ni e, nanhte dingnye lu myit dai! Nanhte gaw nanhte a gawm hte shat wan re ai ni a shinggan maga hpe jasan jaseng mu ti mung, nanhte a myit kata de gaw kashun kashe hte tinang a akyu tam ai n tara ai hte hpring chyat rai nga malit dai.

LUKA 18:11

“Hparishe wa gaw shi hkrai kaga hkran rai tsap nna, ‘Karai Kasang e, ngai gaw hpya lu hpya sha ai, nammak lawhpa ai, n ding n man ai, num shut num shaw re ai masha gale ni hte n bung nngai majaw, ngai nang hpe chyeju dum nngai. Wora kang hta ai wa zawn mung n rai nngai majaw nang hpe chyeju dum nngai.

LUKA 19:8

Zake rawt tsap nna, “Madu e, nye a sut rai ka-ang hkup matsan mayan ni hpe ngai garan jaw na we ai; bai langai ngai hpe ngai mawp sha kau ai rai yang gaw, htam mali ngai bai wa na we ai,” ngu nna Madu hpe tsun wu ai.

LUKA 3:13

Shi gaw, “Nanhte hta la na shadang tawn ai hta jan nna hkum hta la myit,” ngu nna shanhte hpe tsun mu ai.

1 KORINHTU 5:11

Ya ngai ngu mayu ai gaw, tinang hkum hpe Hkristan hpu nau wa rai nga nngai nga nhtawm me, hpye ai lam hkan ai, nammak lawhpa ai, gawkngu sumla naw ai, shatan nhkan ai; chyaru ya tai ai hte lagu lagut re ai ni hte n kanawn lu na hta n ga, shing re ai wa hte rau dung nna pyi n jawm lu n jawm sha lu na, ngu ai lam rai nga ai.

1 KORINHTU 6:10

lagu lagut galaw ai ni, nammak lawhpa ai ni, chyaru ya shang ai ni, shatan nhkan ai ni, kashun kashe rai jahkrit shagyeng sha ai ni, Karai Kasang a mungdan a sali wunli hpe hkam la lu na ma ai n rai.

TARA JAHPRANG 16:19

Tara jeyang ai lam hta n teng n man ai hku myi man tau ya ai lam madun lu na myit dai n rai; mayun kumhpa ni la sha lu na ma ai n rai; dai gaw hpaji rawng ai ni hte ding man ai ni a myi hpe shamak kau ya nhtawm shanhte a tara daw dan ai lam hpe shut kau shangun nga ai.

TARA JAHPRANG 23:19

“Israela hpu nau wa hpe gumhpraw shing n rai shahpa, shing n rai kaga arai hpa rai tim, nang hkoi ya ai rai yang shi kaw na amyat hkum hpyi la nga et.

TARA JAHPRANG 27:25

“ ‘Mara n lu ai wa hpe sat na matu gumhpraw la sha da ai wa kadai mung Karai Kasang jaw ai dagam dala hkrum u ga.’ “Amyu masha ni yawng gaw, ‘Amen!,’ ngu nna htan na mara ai.

TARA JAHPRANG 32:18

Shanhte hpe asak jaw ai wa, chyalai n-gun hte hpring ai hkye la Madu, shanhte a Karai Kasang hpe nan malap kau manu ai.

1 TIMOHTI 3:3

Chyaru n len ai wa, adup ajin n re ai wa, rai nna sumnung shingdi ai wa, sim sa ai lam hpe ra ai wa rai ra ai. Shi gaw gumhpraw n marin ai wa rai nna;

YUDA 1:11

Shanhte gaw Ka-in hkan sa ai lam masa hpe hkan sa ma ai majaw shanhte a matu kade hkrithpa rai nga ma hka! ja gumhpraw a majaw Balam galaw shut ai baw mara a lata de shanhte hkum ni hpe ap nawng kau mu ai. Kora gumlau ai zawn shanhte gumlau ma ai majaw, shanhte hpe jahten shaza kau mu ai.