EZEKELA 21:9 - Jinghpaw Common Language Bible 2009

⁹ “Si chye ai masha wa e, myihtoi htoi u; dai Madu ngai nan tsun nga ai mungga, dai amyu masha ni hpe ning ngu htawn tsun u: Nhtu, nhtu langai mi dai ai hte kabrim nga ai.

Jinghpaw Hanson Version Bible

⁹ Nang hta na dinghpring ai wa hpe mung, tara n lang ai wa hpe mung, tsan kau shara nga ai majaw, nye a nhtu n-ga na pru nna, dingda maga kaw nna, dingdung maga du hkra, hkrung mahkrung hpe shaza kau na ra ai:

EZEKELA 21:9 ပူးပေါင်းရင်းမြစ်များ

YOBA 20:25

Shanhte a hkum hkrang hta pala ni jung nna; de a tu kabrim ai matu masen gaw shanhte a asai hte hkra nga ai, hkrit kajawng ai gaw shanhte a myit masin hpe ka-up da nga ai.

ESAIA 27:1

Dai shani e, dai Madu gaw hkram shingkun ai hte magyi magaw re ai baren numraw Lewihtan hpe ari jaw na matu mung, panglai kata rawng ai numraw hpe sat na matu mung shi a daru magam n-gun hte si shangun lu ai nhtu hpe lang na ra ai.

ESAIA 66:16

Shi mara tam mu ai mungkan ga na masha yawng mayawng hpe wan hte mung nhtu hte mung ari jaw na ra ai-law law wa sat kau ai hkrum na mara ai.

YEREMIA 12:12

Nam mali hkan na tsaw ai kawng ni yawng hpe kashun kashe du daw sai hkaw amu galaw na matu masha ni du nga masai. Ngai gaw mungdan ting hpe jahten shabyak kau na matu majan baw dat ni ai; kadai mung ngwi pyaw sim sa ai hte nga lu na ra ai n rai.

YEREMIA 15:2

Shanhte kade sa wa na rai ma ta?, nga nna nang hpe shanhte san ma ai shaloi, ngai tsun ni ai ga shanhte hpe tsun u: Nkau mi gaw ana ahkya hte si na matu dingnye hkrum nga ma ai- dai gaw shanhte sa wa na lam rai nga ai! Nkau mi gaw majan hta si na matu dingnye hkrum nga ai- dai gaw shanhte sa wa na lam rai nga ai! Nkau mi gaw kawsi hpang gara ai hte si na matu dingnye hkrum nga ai- dai gaw shanhte sa wa na lam rai nga ai! Kaga ni gaw bawng masha ni zawn woi la na dingnye hkrum nga ai- dai gaw shanhte sa wa na lam rai nga ai!

YEREMIA 46:4

Nanhte a hpyen gumra hking byau nhtawm dai ni hta lung jawn mu! Hpyen gumra ni hpe dingren shatsap da nna nanhte a hpri gupchyawp ni chyawp da mu! Nanhte a hpyen nri ni hpe masen da mu! Nanhte a hpyen hking ni hpe sumraw da mu!,’ nga nna jahtau tsun ma ai.

YEREMIA 47:7

Rai ti mung, dai amu hpe ngai galaw wa ai shaloi, dai gaw kaning rai sim lu na rai nga a ta? Ngai gaw Ashkelon hte hkin-gau ntsa hta nga ai masha ni hpe htim gasat na matu hkang da ni ai.”

EZEKELA 21:15

Dai gaw nye a amyu masha ni a nden marai hpe shamak kau ya nna ahtu kataw shangun nga ai. Ngai gaw shanhte a mare hpe myihprap wan zawn gala ai nhtu hte jahkrit shama nna sat sharu kau na matu jin jin rai nga na nngai.

EZEKELA 21:28

“Si chye ai masha wa e, myihtoi htoi u. Israela amyu masha ni hpe n kaw n law di nga ai Amon masha ni hte seng nna Tsaw Htum ai dai Madu ngai nan tsun nga ai ga ni hpe tsun ndau u. Shanhte hpe ning ngu tsun u: ‘Nhtu gaw jahten shaza na matu jin nga sai; Dai gaw sat na matu kabrim nna, myihprap zawn tu gala nga ai.

EZEKELA 21:3

Dai Madu ngai nan tsun nga ai Israela mung hpe sadi jaw u: Ngai gaw na a hpyen rai nga nngai. Ngai gaw nye a nhtu shaw nna kaja ai hte n hkru ai masha nanhte yawng hpe sat kau na nngai.

EZEKELA 21:4

Ngai gaw nye a nhtu lang nna dingdung maga kaw nna dingda maga du hkra shanu nga ai masha shagu hpe hkap daw na nngai.

EZEKELA 21:8

Dai Madu gaw ngai hpe,

AMO LAIKA (AMOS) 9:4

Shanhte gaw shanhte a gumlau hpyen ni a lata hta rim hkrum mat wa ai rai yang, sat kau na matu ngai shanhte hpe aming jaw na nngai. Ngai gaw shanhte hpe karum na matu n rai, shanhte hpe shamyit kau na matu daw dan da nga nngai.