EZEKELA 21:7 - Jinghpaw Common Language Bible 2009

⁷ Shanhte gaw nang hpa majaw madai nga n ta?, ngu nna nang hpe san ma ai shaloi, dai gaw du sa wa ra ai shiga a majaw rai nga ai ngu nna shanhte hpe tsun dan u. Dai shiga du ai shaloi, shanhte a myit masin ni hta hkrit ai myit hpring wa nna shanhte a lata ni kya gumba mat ai hte shanhte hta rawng nga ai nden marai yawm mat wa nna shanhte a lahput ni gari ashun mat na mara ai. Dai byin na aten gaw ndai shara e du nga sai,” ngu nna dai Tsaw Htum ai Madu nan tsun wu ai.

Jinghpaw Hanson Version Bible

⁷ Masha kasha e, Yerusalem mare de myi man yawng let, chyoi pra ai shara ni de ang ang tsun nna, Israela mungdan hpe hkap daw let, myihtoi htoi u:

EZEKELA 21:7 ပူးပေါင်းရင်းမြစ်များ

2 SAMUELA 17:10

Na nwa gaw hpyen majan hta share shagan ai hpyenla kaba rai nga ai, shi a hpyenla ni mung ja ja htim gasat ai ni rai nga ma ai hpe Israela amyu masha shagu chye da nga ma ai majaw hkanghkyi ni zawn hkrit myit n rawng ai share shagan htum ai masha ni pyi hkrit nga ma ai.

2 HKAWHKAM 21:12

Dai re ai majaw, dai Madu Israela a Karai Kasang ngai gaw Yerusalem mare hte Yuda mung hta dai zawn re ai ru yak tsin-yam tsindam hpe shapraw dat na we ai, shing re ai lam hpe na wa ai ni kadai mung sai kajawng mau mat na mara ai.

SHAKAWN KUNGDAWN 58:7

Shanhte gaw hkyet mat wa ai hka zawn hkoi mat wa mu ga; lam ntsa e tu ai tsing ni hpe zawn shanhte kabye anut kau ai hkrum nga mu ga.

PRU MAT 15:15

Edom ningbaw ni hkrit tsang nga ma ai; Moba a chyalai n-gun rawng ai masha ni mung hkrit gari nga ma ai; Hkanan masha ni nden n ja mat manu ai.

ESAIA 13:7

Masha shagu a lata ni kya gumba mat na mara ai, masha shagu a nden marai n rawng mat na ra ai.

ESAIA 28:19

Dai gaw lang mi hte lang mi, lahpawt mi hte lahpawt mi nanhte hpe adup kayat kau na ra ai. Nanhte gaw dai hpe shani shana hkam sharang ra na myit dai. Karai Kasang kaw na lu la ai mungga nnan shagu gaw hkrit kajawng shara tai nga ai!

ESAIA 35:3

Atsu atsa nga ai lata ni hte n-gun kya nna gari gawa rai nga ai lahput ni hpe n-gun jaw mu.

ESAIA 7:2

Suri hpyen luksuk ni gaw Israela a lamu ga hta nga nga masai shiga Yuda hkawhkam kaw du ai shaloi, shi hte shi a amyu masha ni yawng grai hkrit kajawng nga ma ai, shanhte gaw nbung ahpawt hkrum nna ashun nga ai hpun ni zawn hkrit gari nga ma ai.

YEREMIA 26:12

Dai hpang, ngai gaw, “Nanhte na ai ndai Nawku Htingnu hte ndai mare hpe ninghtan shai ai hku lam shagu htawn tsun na, dai Madu gaw ngai hpe shangun dat nga sai.

YEREMIA 49:23

Ndai gaw Damasku hte seng nna dai Madu tsun da ai mungga rai nga ai: “Hamat hte Arpad mare ni hta shanu nga ai masha ni gaw n kaja ai shiga na ma ai majaw, myit ru myit yak ai hte ru yak jamjau hkrum nga ma ai. Shanhte a myit tsang lam gaw shanhte a ntsa e panglai hka zawn ka-up da nga ai majaw shanhte asim sha n nga lu ma ai.

YEREMIA 50:43

Babelon hkawhkam gaw shiga na nga ai, shi a lata ni kya noi mat nu ai. Shi gaw makyin madut hte wang da hkrum nna, shinggyim machyi ai num zawn nchyi nmu ngu nga wu ai.

YEREMIA 8:18

Nye a yawn hkyen ai gaw shamai shatsai lu na n rai; Ngai gaw myit masin hta machyi nga nngai.

SHARUNG SHAYAWT 5:17

Anhte gaw gawng run gawng tsang hkrum nga ga ai; myi prwi si ni a majaw asan awan mu mada lu na yak nga ai.

EZEKELA 20:49

Rai ti mung, ngai gaw, “Tsaw Htum ai Madu e, ngai hpe dai amu hkum galaw shangun et! Ngai gaw tut nawng e gumwai ga ni hpe tsun nngai nga nna, masha shagu tsun aput shatsang na jin jin rai nga ma ai,” ngu nna ninghkap htan kau we ai.

EZEKELA 21:15

Dai gaw nye a amyu masha ni a nden marai hpe shamak kau ya nna ahtu kataw shangun nga ai. Ngai gaw shanhte a mare hpe myihprap wan zawn gala ai nhtu hte jahkrit shama nna sat sharu kau na matu jin jin rai nga na nngai.

EZEKELA 21:6

“Si chye ai masha wa e, na a myit masin gaw myit daw myit hten nga ai zawn madai nga u. Masha shagu nang hpe mu mada ai shara ni hta yawn hkyen ai hte madai nga u.

EZEKELA 21:8

Dai Madu gaw ngai hpe,

EZEKELA 22:14

Ngai nang hte amu shangut ai shaloi, nang hta nsen marai mung, na a lata sharawt lu na n-gun atsam mung naw ngam na ra ai ngu, nang myit nawn da wu ni? Dai Madu ngai tsun ni ai hte maren, nye a mungga hpe ngai shatup na nngai.

EZEKELA 24:19

Dai amyu masha ni gaw ngai hpe, “Nang hpa majaw ndai zawn galaw nga n ni?,” ngu nna san ma ai.

EZEKELA 6:2

Shi gaw, “Si chye ai masha wa e, Israela a bum ni de myi man yawng nna shanhte hpe nye a mungga jaw u.

EZEKELA 7:17

Masha shagu hte a lata ni gaw kya mat nna, shanhte a lahput ni gari ashun mat na mara ai.

EZEKELA 7:26

Tsin-yam tsindam gaw langai a hpang langai hkan nang nhtawm angwi ngwi sha yan pru wa ai n kaja ai shiga ni mung paw pru wa na ra ai. Myihtoi ni shanhte tau mu chye tawn ai lam ni hpe hpaw shaleng dan na matu nang hpyi lajin na ndai. Hkinjawng ni mung amyu masha ni hpe sharin achyin na lam hpa mung mu na mara ai n rai, salang ni mung hpaji n chye jaw na mara ai.

Daniela 5:6

Shi gaw myi man hten mat nhtawm grai hkrit kajawng mat ai hte lahput mung gari ashun nga wu ai.

JAW JAU 26:36

“Ngai gaw nanhte hta na kaga mung de gau kau hkrum ai ni hpe ja ja hkrit shangun na nngai; lahpraw lahpra shara ai nsen hte sha pyi nanhte hpe hprawng shangun na nngai. Nanhte gaw majan hta shachyut hkrum ai ni zawn hprawng mat wa nna nanhte hpang de kadai gumlau hpyen ni mi n shani sa ti mung kataw na marin dai.

NAHUM 2:10

Ninewe gaw jahten hkrum, kabai da hkrum, akrin akraw shara tai mat sai! Myit masin ni hkrit myit hte byawng mat sai; lahput ni gari ashun, n-gun lagaw htum sai; myi man ni chyang mat sai.

LUKA 21:26

Masha ni gaw mungkan ting hta byin wa na ra ai amu ni hpe tau myit yu nna hkrit wa ai majaw htan mat na mara ai, hpa majaw nga yang, sumsing lamu ganghkau a atsam ni gaw shanhte a shara kaw na shamu shamawt gari ashun wa na mara ai.

TARA JAHPRANG 20:8

Dai du salang ni mung masha ni hpe, ‘Hkrit ai myit rawng nna myit htum mat ai masha ndai yang e kadai nga nga a ta?, nga ai rai yang, shi gaw nta de naw wa na rai wu ai. Shing n rai yang, kaga masha ni a myit masa hpe jahten kau ya na rai wu ai,’ ngu nna tsun mu ai.

HEBRE 12:12

Dai re ai majaw nanhte a tsu ba nna kya mat ai lata ni hpe sharawt malan nna, nanhte a lapyin n rawng nna gari nga ai lahput ni hpe n-gun shaja dating nga mu.

YAWSHU 5:1

Israela amyu masha ni Yawdan hka rap kawt mat wa ai aten du hkra, dai Madu Yawdan hka jahkyet kau ai lam, Yawdan hka a sinna hkran de nga ai Amori hkawhkam ni yawng hte Ka-ang Panglai mayan hku nga ai Hkanani hkawhkam ni yawng mung na ma ai. Dai Israela amyu masha ni a majaw shanhte hkrit gari mat ai hte myit daw myit htum mat ma ai.

YAWSHU 7:5

Ai masha ni chyawm gaw shanhte hpe hkan shachyut let mare chyinghka kaw nna yu wa ai kadawng lam dingyang amyu masha marai sumshi kru hpe sat kau ma ai. Dai hpang Israela masha ni myit htum mat ai hte hkrit gari mat ma ai.

1 PETRU 4:7

Arai yawng mayawng a hpang jahtum ai aten gaw ni wa magang ra ai, Dai re ai majaw nanhte gaw akyu hpyi lu na matu tinang hkum hpe hkang da nna su hprang let majen maja nga mu.