EZEKELA 21:22 - Jinghpaw Common Language Bible 2009

²² Ya chyawm gaw! Shi a hkra lata hte ‘Yerusalem’ hpe sha-ang ai pala hpe jum da nu ai! Dai gaw bunghku sharun ai gawng hpe tawn da na matu mung, hpyen gasat ai shaloi jahtau garu na matu mung, mare chyinghka ni hpe jahten na gawng tawn da na matu mung, kawng e dap jung na hte kaduk ni htu na matu mung, shi hpe tsun dan nga ma ai.

Jinghpaw Hanson Version Bible

²² Ngai mung lata kahpret nna, nye a myit kahtet ai hpe jasim kau na nngai: ngai Yehowa nan dai ga tsun ni ai,” nga ai.

EZEKELA 21:22 ပူးပေါင်းရင်းမြစ်များ

2 HKAWHKAM 25:1

Zedekia gaw Babelon Hkawhkam Nebuhkadneza hpe gumlau wu ai; Nebuhkadneza hte shi a hpyen luksuk ni gaw Zedekia hkaw dung ai jahku ning na shata shi a nhtoi shi ya shani e, Yerusalem mare hpe htim gasat ma ai. Shanhte gaw mare shinggan e dap jung da nna mare grup grup na mare bunghku hpe wang da mu ai;

YOBA 39:25

Pahtau dum dat shagu shanhte a nsen sharat nga ma ai; shanhte garai n kahtep sa wa yang, hpyen majan sama rai nga ai hpe chye lu ma ai; shing rai du salang ni jahtau garu hkang dat ai ga ni hpe shanhte na ma ai.

YEREMIA 32:24

“Babelon masha ni gaw mare hpe gasat la na matu mare grup grup hkan kaduk ni htu da nna shanhte htim gasat ma ai. Hpyen majan, kawsi hpang gara ai hte ana zinli ni gaw dai mare hpe shanhte a hpyen ni a lata de hkrat sum shangun nga ai. Nang tsun ai hte maren, yawng mayawng byin mat wa nga ai hpe nang mu lu nga ndai.

YEREMIA 33:4

Yerusalem a nta ni hte Yuda hkawhkam htingnu ni gaw wang shinggrup ai hte htim gasat hkrum ai a majaw hten run mat na ra ai nga nna dai Madu Israela a Karai Kasang ngai nan tsun ni ai.

YEREMIA 4:16

Shanhte gaw masha amyu baw ni hpe sadi jaw na matu mung, grai tsan ai mungdan kaw nna du sa nga ai gumlau hpyen ni a lam Yerusalem hpe tsun dan na matu mung du sa ma ai. Dai gumlau hpyen ni gaw Yuda mung na mare ni a hpang maga e marawn jahtau na mara ai.

YEREMIA 51:14

Chyahtum Chyalai N-gun rawng ai dai Madu gaw dinggam-yaw kamawng ai zawn Babelon hpe gasat na matu, masha law law woi sa wa nna awng padang a matu garu jahtau na mara ai, nga nna shi nan dagam da nu ai.

YEREMIA 52:4

dai rai nna, Nebuhkadneza hte shi a hpyen luksuk ni gaw Zedekia hkaw dung ai jahku ning na shata shi a nhtoi shi ya shani e Yerusalem hpe gasat ma ai. Shanhte gaw mare shinggan e dap jung nna mare grup grup kaduk ni htu nhtawm mare bunghku hpe wang da ma ai,

EZEKELA 26:8

Lamu ga madung na mare ni hta shanu nga ai ni mung hpyen majan hta sat kau hkrum na mara ai. Hpyen ni gaw kaduk htu nhtawm dap jung ai hte nang hpe ninghkap lu na matu ngang ai ninggang shakum ni jung da na mara ai.

EZEKELA 26:9

Shanhte gaw na a mare bunghku ni hpe run ai gawng ni hte adawt sharun kau ya ai hte na a langchyi ni hpe mung hpri htinggrang ni hte mala sharun kau ya na mara ai.

EZEKELA 4:2

Dai hpang, dai mare hpe wang da ai kumla shapraw na matu, kaduk ni hpe tawn u, ga kaduk ni galaw u, dap ni jung u, dai mare a grup grup yawng hta bunghku sharun ai gawng ni hpe tawn u.

EZEKELA 5:12

Na a amyu masha ni htam masum kaw na htam mi gaw ndai mare kata hta machyi makaw hte kawsi kyet ai hta si htum mat na mara ai. Htam mi gaw mare shinggan de kahtam sat kau hkrum na mara ai; jahtum na htam mi gaw nbung bung ai de shapoi kau dat nna shanhte hpe nhtu hte hkan shachyut na nngai.

EZEKELA 5:13

Ngai myit dik ai aten du hkra, nye a sindawng kahtet ai hte n-yun bu ai n-gun hpe nang hkam sha na rai ndai. Ndai lam yawng byin wa ai shaloi, ngai gaw na a sadi n dung ai hta myit kahtet nga nngai majaw dai Madu ngai nan nang hpe tsun kau ai ga hpe nang chye wa lu na rai ndai.

AMO LAIKA (AMOS) 1:14

Dai rai nna, ngai gaw Raba a mare bunghku ni a ntsa de wan jahkrat dat nhtawm de a hpyen dap ni hpe jahkru kau na we ai. Dai hpang dai yang e hpyen majan shani jahtau garu ai lam nga nna dai gasat gala ai gaw nbung laru zawn n-yun bu na ra ai.

YAWSHU 6:10

Rai ti mung Yawshu gaw shi a masha ni hpe, shi bai hkang dat ai aten du hkra n jahtau garu na matu mung, ga hkaw mi mung n shaga shapraw lu na lam hkang dat wu ai.

YAWSHU 6:20

Shing rai hkinjawng ni pahtau dum dat mu ai hpe shawa masha ni na ma yang, shanhte ja ja jahtau garu dat mu ai hte mare bunghku ni daw ru mat wa nga ai; dai hpang hpyen luksuk ni yawng mung dai mare de da nga ai kawng ang ang de lung wa nhtawm dai hpe madu la ma ai.

1 SAMUELA 17:20

Dawi gaw hpang jahpawt jau jau rawt nna, sagu ni hpe rem ai wa langai ngai a lata hta ap kau da nhtawm, Yese shi hpe tsun matsun ai hte maren, lusha la gun nna pru mat wa wu ai. Israela amyu masha ni shanhte tsap dingren ai majan pa de pru sa wa let hpyen garu nga ma yang, Dawi gaw dap de shang wa wu ai.