EZEKELA 21:20 - Jinghpaw Common Language Bible 2009

²⁰ Lam langai mi gaw hkawhkam wa hpe Amon masha ni shanu ai Raba mare de sa wa ai lam hpe madun na ra ai; kaga lam langai mi gaw Yuda mung na ngang kang ai mare bunghku ni hte kum gawan da ai Yerusalem de hkrang ai lam hpe madun dan na ra ai.

Jinghpaw Hanson Version Bible

²⁰ Shanhte a minla byaw mat nna, shanhte a ahtu kataw shara law wa hkra, shanhte a chyinghka lam shagu makau e kabrim ai nhtu hpe, ngai tawn da ni ai: ala, dai gaw myihprap zawn gala nna, galun na matu masen nga ai.

EZEKELA 21:20 ပူးပေါင်းရင်းမြစ်များ

2 SAMUELA 12:26

Yoab gaw Amon mare daju Raba mare hpe matut gasat wu yang, dai mare hpe gasat dang la na sha rai nga nu ai.

2 SAMUELA 5:9

Dai hpyen dap hpe gasat dang kau ngut ai hpang, dai shara e Dawi dung nna dai hpe, “Dawi a Mare,” ngu nna shamying wu ai. Shi gaw dai mare grup grup hte kawng a sinpraw maga de na lamu ga shara ni hta gaw gap galaw lajang da wu ai.

2 HKAWHKAM LABAU 26:9

Uzia gaw Jut Chyinghka e mung, Kadit Chyinghka e mung, bunghku galau kau ai shara hta langchyi galaw nna Yerusalem hpe bunghku kum let shangang shakang da nga ai.

2 HKAWHKAM LABAU 32:5

Hkawhkam wa gaw bungli gram lajang nna de a ntsa e langchyi ni gap ai hte shinggan bunghku ni galaw let mare a dahpran shara ni hpe shangang shakang da wu ai. Dai sha n-ga, shi gaw Yerusalem mare dingsa daw a sinpraw maga ga jahpring bang da ai ntsa e galaw da ai dahpran shara ni hpe mung gram lajang da wu ai. Shi hta galaw tawn da sai nri ni hte ninggang ni law law nga nga ai.

2 HKAWHKAM LABAU 33:14

Dai hpang, Manashe gaw Gihon Hka Hpawk makau na kadit nchyun kaw nna dingdung maga Nga Chyinghka du hkra, Dawi a Mare a sinpraw maga na shinggan bunghku hte Ohpela mying ai mare shara lawm hkra, jat shatsaw da wu ai. Shi gaw Yuda mung na bunghku kum ai mare shagu hta hpyen hpung ni hpe up hkang na luksuk hpyen du langai ngai san tawn da wu ai.

YEREMIA 49:2

Rai ti mung, dai Raba mare daju na mare masha ni hpe majan gasat ai nsen ngai na shangun ai aten du wa na ra ai; dai mare gaw hten run taw mat nhtawm de a kahtawng ningchyawng ni hkru sumpum taw nga na mara ai. Dai shaloi Israela masha ni gaw shanhte a lata kaw na tat kau dat ai dai mungdan hpe bai madu la lu na mara ai.

SHARUNG SHAYAWT 4:12

Kadai wa rai ti mung gara shara kaw nna kade e mung, maigan masha amyu baw ni a mungdu ni pyi Yerusalem mare chyinghka lam hku shang gasat lu na re ngu, n kam ma ai.

EZEKELA 25:5

Ngai gaw Raba mare hpe gawla-uk ulawng, Amon mungdan ting hpe sagu hpung ni a hpum shara ni shatai kau na nngai, shaloi ngai nan dai Madu rai nga nngai hpe nang chye lu na rin dai.

AMO LAIKA (AMOS) 1:14

Dai rai nna, ngai gaw Raba a mare bunghku ni a ntsa de wan jahkrat dat nhtawm de a hpyen dap ni hpe jahkru kau na we ai. Dai hpang dai yang e hpyen majan shani jahtau garu ai lam nga nna dai gasat gala ai gaw nbung laru zawn n-yun bu na ra ai.

TARA JAHPRANG 3:11

(Hkawhkam Oga gaw Rehpim amyu a jahtum ngam nga ai hkawhkam rai nga ai. Shi a da-u gaw nlung hte galaw da wu ai rai nna shadawn shadang hte maren nga yang, galu de pe 14 daram, nda de pe 6 daram rai nga ai. Dai hpe Amon masha ni a mare Raba e dai ni du hkra naw mu lu nga ai.)