EZEKELA 21:16 - Jinghpaw Common Language Bible 2009

¹⁶ Dai ai nhtu e, hkra de, pai de kahtam azat u! Nang myi man yawng ai shara shagu de kahtam u.

Jinghpaw Hanson Version Bible

¹⁶ Hpyen ni lang na matu, dai hpe shatsawm na, ap da nu ai: gaja wa, sat na wa a lata hta ap ya na matu, dai nhtu hpe kabrim hkra karang shadai nu ai.

EZEKELA 21:16 ပူးပေါင်းရင်းမြစ်များ

NINGPAWT NINGHPANG 13:9

Dai rai nna an hka saga. Nang ra sharawng ai lamu ga kaning re ai shara hpe rai tim lata la u. Nang maga mi de rai yang, ngai mung kaga maga mi de rai mat wa na nngai,” ngu nna tsun wu ai.

EZEKELA 14:17

“Shing n rai, ngai gaw dai mungdan a ntsa e hpyen majan baw dat nna masha hpe mung, yam nga ni hpe mung magawn jahten kau lu ai laknak ni hpe shangun dat na nngai,

EZEKELA 16:46

“Na a kana hte shi a mare gaw dingdung maga de nga ai Samari rai nga ai. Na a kanau hte shi a mare gaw dingda maga de nga ai Sodom rai nga ai.

EZEKELA 21:15

Dai gaw nye a amyu masha ni a nden marai hpe shamak kau ya nna ahtu kataw shangun nga ai. Ngai gaw shanhte a mare hpe myihprap wan zawn gala ai nhtu hte jahkrit shama nna sat sharu kau na matu jin jin rai nga na nngai.

EZEKELA 21:17

Ngai mung lata lahpawk dum ai hte nye a sindawng kahtet ai gaw kawp mat na ra ai. Dai Madu ngai nan tsun ni ai.”

EZEKELA 21:20

Lam langai mi gaw hkawhkam wa hpe Amon masha ni shanu ai Raba mare de sa wa ai lam hpe madun na ra ai; kaga lam langai mi gaw Yuda mung na ngang kang ai mare bunghku ni hte kum gawan da ai Yerusalem de hkrang ai lam hpe madun dan na ra ai.

EZEKELA 21:4

Ngai gaw nye a nhtu lang nna dingdung maga kaw nna dingda maga du hkra shanu nga ai masha shagu hpe hkap daw na nngai.

EZEKELA 28:23

Ngai gaw nang hpang de ana zinli dat dat nna na a nmaw lam ni hkan sai hka lwi shangun na nngai. Nang gaw man maga shagu de na gasat gala ai hkrum nna na a masha ni mung sat kau hkrum na mara ai. Dai hpang, ngai nan dai Madu rai nga nngai hpe shanhte chye lu na mara ai.”