EZEKELA 21:14 - Jinghpaw Common Language Bible 2009

¹⁴ “Ya chyawm gaw, si chye ai masha wa e, myihtoi htoi u. Lata lahpawk dum u, nhtu gaw lang hte lang kayat adup na ra ai. Dai nhtu gaw sat na nhtu, jahkrit shama nhtu hte htau sat nhtu rai nga ai.

Jinghpaw Hanson Version Bible

¹⁴ Masha kasha e, Madu Yehowa ning nga ai, ngu nna myihtoi htoi u: Nhtu, nhtu du ra ai; dai gaw dai ai hte kabrim ai rai nga ai;

EZEKELA 21:14 ပူးပေါင်းရင်းမြစ်များ

1 HKAWHKAM 20:30

Ngam nga ai ni mung Ahpek mare kata de hprawng shang mat wa mu yang, mare bunghku daw agrawp bun ai majaw shanhte hta na mun lahkawng hkying sanit hpe gamyet sat kau mu ai. Benhadad mung mare kata hprawng mat wa nhtawm nta langai a shingdu gawk hta shang shingbyi nga wu ai.

1 HKAWHKAM 22:25

Mihkaia gaw, “Shingdu gawk shara ra hta sa makoi nga na matu nang shang wa ndai shaloi mu lu na rin dai,” ngu nna tsun htang wu ai.

2 HKAWHKAM 24:1

Yehoiakim hkawhkam tai nga yang, Babelon Hkawhkam Nebuhkadneza gaw Yuda mung hpe shang gasat wu ai rai nna shi a up hkang ai npu hta masum ning taw shangun wu ai; dai hpang shi bai gumlau rawt wu ai.

YEREMIA 47:7

Rai ti mung, dai amu hpe ngai galaw wa ai shaloi, dai gaw kaning rai sim lu na rai nga a ta? Ngai gaw Ashkelon hte hkin-gau ntsa hta nga ai masha ni hpe htim gasat na matu hkang da ni ai.”

EZEKELA 21:13

Ngai gaw nye a amyu masha ni hpe chyam dinglik yu nga nngai, shanhte gaw myit malai na matu ningdang kau ma ai rai yang, ndai amu yawng shanhte hta byin wa na ra ai.

EZEKELA 21:17

Ngai mung lata lahpawk dum ai hte nye a sindawng kahtet ai gaw kawp mat na ra ai. Dai Madu ngai nan tsun ni ai.”

EZEKELA 28:23

Ngai gaw nang hpang de ana zinli dat dat nna na a nmaw lam ni hkan sai hka lwi shangun na nngai. Nang gaw man maga shagu de na gasat gala ai hkrum nna na a masha ni mung sat kau hkrum na mara ai. Dai hpang, ngai nan dai Madu rai nga nngai hpe shanhte chye lu na mara ai.”

EZEKELA 6:11

Tsaw Htum ai dai Madu gaw, “Israela amyu masha ni galaw ai n hkru n shawp ai hte matsat shabat amu yawng a majaw, na a lata hpe manat jum da u! Na a lagaw hkindit u! Yawn hkyen ai hte marawn jahtau u. Shanhte gaw hpyen majan hta mung, kawsi kyet ai hte ana zinli ni hta si mat na mara ai.

EZEKELA 8:12

Karai Kasang gaw ngai hpe, “Si chye ai masha wa e, Israela ningbaw ni gaw machyi shim ai shara hta hpa galaw nga ma ai hpe nang mu n ni? Shanhte yawng hte gaw hpara sumla ni hte hpring nga ai gawk kata hta nawku nga ma ai. Shanhte a mara lawt ga gaw, ‘Dai Madu anhte hpe n mu ai! Shi gaw dai mungdan hpe kau da nu ai!,’” nga nna tsun ma ai.

Daniela 3:19

Dai hpang Nebuhkadneza gaw Shadrak, Meshak hte Abednego ni hpe pawt sindawng wu ai majaw shi a myi man hkyeng mat wu ai. Dai rai nna shi gaw shi a masha ni hpe wan htung hpe shawng na hta htam sanit kahtet shangun na matu hkang dat wu ai.

JAW JAU 26:21

“Nanhte matut nna ngai hpe ninghkap let nye a ga madat mara na naw ningdang kau myit yang gaw, yubak ari htam sanit ngai jat ya na made ai.

JAW JAU 26:24

ngai mung nanhte hte nhtan jashai nna shawng na hta grau laja ai ari htam sanit jaw na made ai.

AMO LAIKA (AMOS) 9:2

Shanhte gaw katsan ga de yu wa ai shanhte a lam htu tim pyi, ngai shanhte hpe rim la na nngai. Shanhte sumsing lamu de lung ai rai tim pyi, ngai shanhte hpe shayu la na nngai.

BU HKAWM 24:10

Balak gaw masin pawt ai hte shi a lata ja ja latup let Balam hpe, “Nye a hpyen ni hpe matsa ya na matu ngai nang hpe shaga da nngai; rai ti mung shing di na malai ya nang masum lang shanhte hpe shaman kau ya nit dai.