EZEKELA 21:12 - Jinghpaw Common Language Bible 2009

¹² Si chye ai masha wa e, yawn hkyen ai hte hkrap shabam u; ndai nhtu gaw nye a amyu masha ni hte Israela ningbaw ni yawng a matu rai nga ai hpe lachyum shadan nga ai. Shanhte gaw naw ngam nga ai nye a amyu masha ni yawng hte rau sat kau ai hkrum na mara ai. Myit htum ai hte na a sinda lahtum u!

Jinghpaw Hanson Version Bible

¹² Shing rai shanhte gaw, ‘Nang hpa majaw madai n ta?’ nga nna nang hpe san yang, nang gaw, ‘Ngai shiga na ai majaw madai nngai; dai du ra ai; minla yawng byaw mat nna, lata yawng kya mat na ra ai; yawng gawng kya nna, lahput yawng, ntsin zawn n-gun n rawng na ra ai: yu u, dai gaw du nna byin na ra ai,” nga nna Madu Yehowa tsun ai.

EZEKELA 21:12 ပူးပေါင်းရင်းမြစ်များ

ESAIA 13:7

Masha shagu a lata ni kya gumba mat na mara ai, masha shagu a nden marai n rawng mat na ra ai.

YEREMIA 25:34

Ningbaw ni e hkrap nga mu, nye a amyu masha ni hpe bau rem ai ni e, ja ja marawn hkrap nga mu! Yawn hkyen sharung shayawt ai hte ga nhpu e galwi nga mu. Nang hpe sat kau na aten du ra ai rai nna, sagu la ni hpe zawn nang sat kau ai hkrum na rai ndai.

YEREMIA 31:12

Shanhte gaw Ziun bum ntsa de du wa nna, kabu gara mahkawn mangoi na mara ai, shanhte gaw nye a kumhpa ngu ai nai mam nsi naisi, sabyi ntsin hte tsanlun sau, sagu kasha hte dumsu kasha ni hpe ra sharawng na mara ai. Shanhte gaw hka atsawm sha jaw ai sun zawn tai nna; shanhte hta ra kadawn nga ai lam shagu hkam la lu na mara ai.

YEREMIA 31:19

Anhte gaw nang kaw na kayin mat wa ga ai, rai ti mung, kade n na yang, bai nhtang wa na matu ra sharawng nga ga ai. Nang anhte hpe ari jaw ngut ai hpang, anhte a baw ni gaw yawn hkyen ai hta dukrung taru nga saga ai. Anhte gaw prat naw ram nga yang, anhte galaw shut kau ai yubak mara ni a majaw, kaya kahpa hte jahpoi jahpyak ai hkrum nga saga ai,’ nga tsun ma ai.

EZEKELA 21:11

Nhtu gaw kabrim nga ai, dai hpe lang na jin jin rai nga sai. Masha sat ai wa a lata hta ap ya na matu dai nhtu hpe kabrim hkra garang shadai da nga sai.

EZEKELA 21:13

Ngai gaw nye a amyu masha ni hpe chyam dinglik yu nga nngai, shanhte gaw myit malai na matu ningdang kau ma ai rai yang, ndai amu yawng shanhte hta byin wa na ra ai.

EZEKELA 21:14

“Ya chyawm gaw, si chye ai masha wa e, myihtoi htoi u. Lata lahpawk dum u, nhtu gaw lang hte lang kayat adup na ra ai. Dai nhtu gaw sat na nhtu, jahkrit shama nhtu hte htau sat nhtu rai nga ai.

EZEKELA 21:25

“Tara n lang ai hte matsat shabat re ai Israela mung du wa e, nanhte a nhtoi ngu ai jahtum ari jaw ai nanhte a aten mung du wa ra ai.

EZEKELA 21:6

“Si chye ai masha wa e, na a myit masin gaw myit daw myit hten nga ai zawn madai nga u. Masha shagu nang hpe mu mada ai shara ni hta yawn hkyen ai hte madai nga u.

EZEKELA 22:6

Israela ningbaw ni yawng hte gaw shanhte a n-gun atsam hpe kam hpa ai hte masha sat amu hpe shut nga ma ai.

EZEKELA 30:2

Shi gaw, “Si chye ai masha wa e, Tsaw Htum ai dai Madu ngai tsun nga ai mungga hpe myihtoi htoi nna tsun dan u. Nang gaw ndai mungga ni hpe jahtau tsun na rai ndai: Hkrit hpa nhtoi gaw du wa ra ai!

EZEKELA 6:11

Tsaw Htum ai dai Madu gaw, “Israela amyu masha ni galaw ai n hkru n shawp ai hte matsat shabat amu yawng a majaw, na a lata hpe manat jum da u! Na a lagaw hkindit u! Yawn hkyen ai hte marawn jahtau u. Shanhte gaw hpyen majan hta mung, kawsi kyet ai hte ana zinli ni hta si mat na mara ai.

EZEKELA 7:17

Masha shagu hte a lata ni gaw kya mat nna, shanhte a lahput ni gari ashun mat na mara ai.

EZEKELA 9:8

Shanhte sat shamyit mat wa nga yang, dai shara hta ngai chyu sha hti ngam nga ai hte ngai gaw ga de gum dagup nhtawm, “Tsaw Htum ai Madu e, nang gaw Yerusalem hpe grai wa pawt sindawng nna Israela mung hta naw ngam nga ai masha hkum shagu hpe sat kau na ngu wu ni?,” ngu nna jahtau tsun wu ai.

YOELA 1:13

Tawn hkungri hta daw jau amu galaw ai hkinjawng ni e, lachyit nba hpun let hkrap nga mu! Nawku Htingnu kata shang nna shana tup sharung shayawt mu! Nanhte a Karai Kasang a matu nawng ya na nsi naisi hte sabyi ntsin n nga sai.

YOELA 2:1

Karai Kasang a chyoi pra ai kawng, Ziun hta e, pahtau dum mu; shadum ai nsen shapraw mu. Yuda amyu masha ni e, hkrit gari nga mu! Dai Madu a nhtoi gaw kade n na yang du wa na ra ai.

MIHKA 1:8

Dai hpang, Mihka gaw, “Ndai lam a majaw, ngai gaw sharung shayawt ai hte yawn madai nga nngai. Nye a yawn hkyen ai hpe madun dan na matu, lagaw kaman hte singgu krin hkawm kayin na nngai. Ngai gaw ga gwi zawn hkrap shabam nna u gawla-uk zawn ngoi na nngai.