EZEKELA 20:6 - Jinghpaw Common Language Bible 2009

⁶ Dai gaw ngai shanhte hpe Egutu mung kaw nna shapraw la nhtawm mungdan yawng hta grau kaja htum nna ngamu ngamai ai sut hte ningru ningja ai mung ngu ai shanhte a matu ngai san da ai mung de woi wa na lam, ga shaka tawn da ni ai.

Jinghpaw Hanson Version Bible

⁶ shanhte hpe Egutu mung na shapraw la nhtawm, mungdan ni mahkra hta grau kaja nna, shanhte a matu ngai san da ai, nga chyu hte lagat jahku lwi ai mung de woi jashawn na lam, ngai shanhte hpe dagam da nngai:

EZEKELA 20:6 ပူးပေါင်းရင်းမြစ်များ

NEHEMIA 9:12

Nang gaw shani aten hta sumwi hte shanhte hpe lam woi nna, shana e mung shanhte a hkrun lam hpe wan hte jahtoi ya ndai.

NEHEMIA 9:9

“Anhte a kaji kawa ni Egutu mung hta kaning rai nni nkri hkrum sha ai hpe nang mu ndai; Nawng Hkyeng makau e karum la na matu shanhte a hpyi jahtau ai nsen hpe nang na nit dai.

SHAKAWN KUNGDAWN 106:24

Shaloi, shanhte Karai Kasang a ga sadi hpe n kam mat ma ai majaw, pyaw ai mungdan de shang sha na, shanhte ningdang kau mu ai.

SHAKAWN KUNGDAWN 47:5

Karai Kasang gaw shi a tingnyang de lung nga ai. Dai Madu lung wa yang, kabu gara jahtau garu ai nsen hte pahtau dum ai nsen ni hpe na lu nga ai.

SHAKAWN KUNGDAWN 48:2

Karai Kasang a bum ngu ai Ziun gaw tsaw nga nna, tsawm htap nga ai; galu kaba ai hkawhkam wa a mare gaw mungkan amyu masha ni yawng hte hpe, kabu gara shangun nga ai.

PRU MAT 13:5

Dai Hkanan, Hiti, Amori, Hiwi hte Yebusi masha ni nga ai lamu ga, dai Madu gaw nanhte hpe jaw na matu nga, nanhte a kaji kawa ni hta dagam let ga sadi shagrin da nu ai dai sut su ngamu ngamai nna ga sau hte hpring ai mung de nanhte hpe woi shang wa ai shaloi, nanhte gaw shawng na shata shagu hta ndai poi hpe galaw na rai myit dai.

PRU MAT 3:17

Shanhte gaw mazut ai hku adip arip di hkrum nga ai Egutu mung kaw nna ngai woi shapraw la nhtawm, Hkanan, Heti, Amori, Hperizi, Hiwi hte Yebusi masha ni nga ai dai sut su ngamu ngamai ai hte ga sau kaja hpring ai mung de shanhte hpe woi wa na ngu nna, ngai myit daw dan da ni ai.

PRU MAT 3:8

shanhte hpe Egutu masha ni a lata kaw na hkye hkrang la na hte Egutu mung kaw nna shanhte hpe woi shapraw wa nhtawm ya aten, Hkanan, Heti, Amori, Hperizi, Hiwi hte Yebusi masha ni nga ai dai dam lada rai nna sut su ngamu ngamai ai hte ga sau kaja ni hte hpring ai mung de woi la na ngai du sa ring ngai.

PRU MAT 33:3

Nanhte gaw ngamu ngamai ai sut hte ningru ningja ai ga de sa wa na rai myit dai. Rai ti mung, ngai hkum nan chyawm gaw nanhte hte rau sa lawm na n rai; nanhte gaw du ja ai amyu masha ni rai myit dai majaw hkrun lam e ngai nanhte hpe jahten kau mai nga nngai,” ngu nna tsun wu ai.

PRU MAT 6:8

Ngai gaw Abraham, Isak hte Yaku ni hpe jaw na ngu nna dagam shaka da sai ga sadi mungdan de nanhte hpe woi wa nna nanhte a sut gan sali wunli zawn nanhte hpe jaw na made ai. Ngai gaw dai Madu rai nga nngai,’” ngu nna Israela amyu masha ni hpe tsun u.

YEREMIA 11:5

Shanhte ya shanu nga sai dai ngamu ngamai nna ningru ningja ai mungdan ngu ai shanhte hpe ngai jaw na ngu nna shanhte a kaji kawa ni hpe ngai dagam da ai ga sadi hpe ngai shagrin na we ai,” ngu nna tsun ni ai. Ngai gaw, “Rai sa, Madu e,” ngu nna tsun nngai.

YEREMIA 3:19

Dai Madu gaw, “Israela e, ngai gaw nang hpe nye a kasha zawn hkap la mayu nngai ngai gaw nang hpe mungkan ting hta awng sharawng mai ai hte grau nna tsawm htum ai mungdan hpe jaw nngai. Ngai gaw nang hpe ngai hpe wa ngu shaga shangun mayu ai hte ngai kaw na galoi mung bai n kayin mat wa shangun mayu nngai.

YEREMIA 32:22

Shanhte a kaji kawa ni hte nang ga sadi tawn da ai hte maren, nang gaw ndai ngamu ngamai ai sut hte ningru ningja ai lamu ga hpe mung shanhte hpe jaw nit dai.

EZEKELA 20:15

Dai rai nna, shanhte a matu ngu nna ngai jaw da sai, dai yawng hta grau kaja htum nna ngamu ngamai ai hte sut hte ningru ningja ai mungdan de shanhte hpe n woi wa na ngu, dai nam mali kata e ngai ga sadi tawn da ni ai.

EZEKELA 20:23

Dai re ai majaw, ngai gaw nam mali e kaga ga sadi hpe tawn da ni ai. Shanhte hpe mungkan mungdan shara shagu de shaden shabra kau na ni ai ngu nna ngai dai ga sadi hpe dagam da ni ai.

EZEKELA 20:42

Nanhte a nji nwa ni hpe jaw na ngu, ngai ga sadi tawn da ai Israela mung de nanhte hpe ngai bai woi nhtang wa ai shaloi, ngai nan dai Madu rai nga nngai hpe nanhte chye lu na marin dai.

EZEKELA 20:5

Ngai hpa tsun nga ai lam shanhte hpe htawn tsun u. Israela amyu masha ni hpe ngai lata la ai shaloi, shanhte hpe ga shaka tawn da ni ai. Ngai gaw Egutu mung hta shanhte hpe nye hkum nan shadan dan ai hte nanhte a Madu Karai Kasang rai nga ai lam, shanhte hpe tsun dan ni ai.

EZEKELA 47:14

Ngai gaw nanhte a nji nwa ni hpe ga sadi dagam da sai hte maren, ndai mungdan shanhte hpe ngai jaw we ai; ya chyawm gaw ndai mungdan hpe nanhte a lapran e maren mara garan la manu.

Daniela 11:16

Dai gasat shang wa ai Suri masha wa gaw shi myit ra ai hte maren, hkap daw ai lam n hkrum ai sha htim bang wa na ra ai. Shi gaw Ga Sadi Mungdan hta tsap lu nna shi a daru magam n-gun hta dai hpe tsep kawp up lu na ra ai.

Daniela 11:41

Shi gaw Ga Sadi Mungdan hpe pyi shang gasat nna masha sen mi sat kau na ra ai, rai ti mung Edom, Moba hte naw ngam nga ai Amon mung ni chyawm gaw shi a lata kaw na lawt lu na mara ai.

Daniela 8:9

Ndai nrung mali hta na langai mi hta nrung kaji langai tu wa ai rai nna de a n-gun atsam gaw dingda maga de mung, sinpraw maga hte Ga Sadi Mung maga de mung maden jat mat wa nga ai.

JAW JAU 20:24

Rai ti mung dai ngamu ngamai ai sut hte ga sau hpring nna ningru ningja ai mung hpe nanhte madu la na matu ngai nanhte hpe jaw na ngu nna ga sadi tawn da ni ai. Ngai gaw dai Madu nanhte a Karai Kasang rai nga nngai majaw kaga amyu ni kaw na nanhte hpe jahka jasan la ni ai.

ZEHKARIA 7:14

Shanhte hpe nbung laru e shapoi mat wa ai zawn maigan mungdan ni de ye kau nngai. Ndai ningru ningja ai mungdan gaw katsi katsang shara tai mat nna, kadai mung dai mung e nga nga na ma ai n rai.

BU HKAWM 13:27

Shanhte gaw Mawshe hpe, “Anhte dai mungdan hpe hkan yu maram yu saga ai; dai mungdan gaw kaja wa ngamu ngamai ai sut hte ningru ningja ai ga rai nga ai hpe mu da saga ai. Yu mu, ndai namsi nkau mi gaw dai mung na rai nga ai.

BU HKAWM 14:8

Dai Madu anhte hpe awng sharawng mi ai rai yang gaw anhte hpe dai mungdan de woi wa nhtawm dai ngamu ngamai ai sut hte ningru ningja ai mungdan anhte hpe jaw na rai mi ai.

TARA JAHPRANG 11:9

Dai Madu gaw nanhte a nji nwa ni hte shanhte a matu mara ni hpe jaw na ngu nna ga sadi jaw da sai, dai sut su ngamu ngamai nna ga sau hte hpring nhtawm ningru ningja ai mungdan hta aten na na nanhte shanu nga lu na rai myit dai.

TARA JAHPRANG 26:15

Sumsing lamu, na a chyoi pra ai shara kaw na gum yu nhtawm na a amyu masha Israela hpe shaman ya mi law. anhte a kaji kawa ni hpe nang ga sadi jaw da sai dai sut su nna ningru ningja ai lamu ga hpe shaman ya mi law,’ ngu na rai ndai.

TARA JAHPRANG 26:9

Shi gaw anhte hpe ndai mung de woi wa nna ndai ngamu ngamai ai hte ningru ningja ai ga jaw ya mi ai.

TARA JAHPRANG 27:3

dai hta e ndai tara hte sharin achyin ga ni yawng ka da na rai ndai. Dai Madu nanhte a nji nwa ni a Karai Kasang, nanhte hpe ga sadi jaw da nu ai hte maren, dai sut su nna ningru ningja ai mungdan de nanhte shang sha nna,

TARA JAHPRANG 3:25

Madu e, Yawdan hka wora hkran de nga ai dai namhpun rawng nna kaja tsawm ai bum ga hte Lebanon Bum ni hpe mu lu n-ga, ngai hpe Yawdan hka rap shangun e law,’ ngu nna akroi anoi hpyi nem wu ai.

TARA JAHPRANG 31:20

Ngai gaw shanhte a kaji kawa ni hpe ga sadi jaw da sai hte maren, dai ngamu ngamai ai sut hte hpring nna ningru ningja ai mungdan de shanhte hpe woi wa ai shaloi, dai mung e shanhte sha mayu, lu mayu ai lusha hkum dingnum sha lu nna, ngwi pyaw sim sa ai hte nga lu na mara ai. Rai ti mung, shanhte mahtang lam dam mat nhtawm hpara shaje ni hpe nawku daw jau mat na mara ai; ngai hpe ningdang kau ma ai majaw nye a ga shaka hpe jahten kau na mara ai;

TARA JAHPRANG 32:40

Ngai gaw teng teng ahkrung nga ai Karai Kasang rai nga nngai hte maren; nye a lata hpe ngai sharawt nhtawm dagam let,

TARA JAHPRANG 32:8

Tsaw Htum ai Wa gaw amyu baw ni hpe shanhte a lamu ga ni hpe jaw ya nna, amyu masha ni hpe karan ya ai shaloi; shi gaw Israela a kasha ni a numbat hte maren, amyu masha ni a lamu ga jarit ni hpe masat ya nga ai;

TARA JAHPRANG 6:3

Israela amyu masha ni e, dai hkang da ai ga ni hpe madat mara nna hkan galaw nga mu! Dai Madu anhte a kaji kawa ni a Karai Kasang a ga sadi nga ai hte maren, nanhte yawng ngamu ngamai wa nna n-gun rawng ai amyu kaba tai wa nhtawm ga sau hte hpring nna ningru ningja sut su ngamai ai mungdan hta nga lu na rai myit dai.