EZEKELA 20:5 - Jinghpaw Common Language Bible 20095 Ngai hpa tsun nga ai lam shanhte hpe htawn tsun u. Israela amyu masha ni hpe ngai lata la ai shaloi, shanhte hpe ga shaka tawn da ni ai. Ngai gaw Egutu mung hta shanhte hpe nye hkum nan shadan dan ai hte nanhte a Madu Karai Kasang rai nga ai lam, shanhte hpe tsun dan ni ai. အခန်းကိုကြည့်ပါ။Jinghpaw Hanson Version Bible5 Madu Yehowa ning nga ai, ngu nna shanhte hpe tsun u: Israela amyu hpe ngai lata la nna, Yaku dap na aru arat hpe ga shaka tawn da ai hte, Egutu mung hta nye hkum shanhte hpe shadan dan ai shani e, Ngai gaw nanhte a Karai Kasang Yehowa rai nga nngai, ngu nna shanhte hte dagam ai ga tawn da nngai: အခန်းကိုကြည့်ပါ။ |
EZEKELA 20:5
36 ပူးပေါင်းရင်းမြစ်များ
Sa nna Israela a ningbaw ni hpe jahpawng shinggyin da nna shanhte a kaji kawa ni a Karai Kasang, Abraham, Isak hte Yaku ni a Karai Kasang Ngai Madu nan nang kaw dan pru ni ai lam shanhte hpe tsun dan u. Shanhte hpang de ngai nan du ni ai rai nna, shanhte hpe Egutu masha ni kaning rai roi rip nga ai hpe mung ngai mu se ai lam shanhte hpe tsun dan u.
shanhte hpe Egutu masha ni a lata kaw na hkye hkrang la na hte Egutu mung kaw nna shanhte hpe woi shapraw wa nhtawm ya aten, Hkanan, Heti, Amori, Hperizi, Hiwi hte Yebusi masha ni nga ai dai dam lada rai nna sut su ngamu ngamai ai hte ga sau kaja ni hte hpring ai mung de woi la na ngai du sa ring ngai.
“Israela amyu masha ni e, nanhte gaw nye a sakse ni rai nga myit dai; Nye a shangun ma tai na matu nang hpe ngai lata la nngai, Shaloi ngai chyu sha Karai Kasang rai nga nngai hpe nang chye wa nna ngai hpe kam sham ai hte chye na wa na rai ndai. Ngai hta lai, kaga karai shaje n nga nga ai; dai gaw moi prat e mung, du na ra ai prat hta mung galoi mung nga na n rai.
“Dai lam hku ngai kalang bai lai hkawm yang, na a matu sumtsaw sumra chye myit ai aten du nga sai hpe ngai mu lu nngai. Ngai gaw na a singgu krin re ai hkum hpe nye a palawng galu hte magap da nna, nang hpe tsaw ra nga na, ga sadi tawn da ni ai. Rai sa, ngai gaw nang hte hkungran ga shaka tawn da ni ai hte nang gaw nye a matu tai wa nit dai.” Dai gaw Tsaw Htum ai dai Madu tsun ai mungga rai nga ai.
Dai rai nna, Tsaw Htum ai dai Madu ngai gaw teng teng ahkrung nga ai Karai Kasang rai nga nngai, dai majaw nye a amyu masha ni hpe nang madun dan ai masin kahtet ai, manawn masham ai hte n dawng n yawt ai myit ni a matai hpe ngai dawp na nngai. Shanhte hpe nang galaw nit dai hte maren nang hpe ngai ari jaw ai gaw shanhte chye lu na mara ai.
Dai lamu kasa gaw lamu de lata lahkawng sharawt nhtawm Htani Htana a Karai Kasang a mying ningsang hta dagam shaka let ga sadi tawn da wu ai. Shi gaw, “Dai aten gaw masum ning a chyen mi rai na ra ai. Karai Kasang a amyu masha ni hpe zingri zingrat ai aten htum jang, ndai lam yawng mayawng byin wa na ra ai,” ngu nna tsun ai ga hpe ngai na nngai.
Dai Madu nanhte a Karai Kasang gaw nanhte a matu Egutu mung hta e galaw dan manit dai zawn kaga amyu baw hta na amyu masha ni hpe woi la nhtawm shi a amyu masha shatai la gwi ai hpara shaje nga nga yu sani? Shi gaw nanhte a man e shi a daru magam n-gun hte atsam marai hpe lang nhtawm ana zinli hte hpyen majan, mauhpa lamik kumla hte hkrit hpa amu ni hpe shapraw dan nu ai.
ကြော်ငြာတွေ