EZEKELA 20:44 - Jinghpaw Common Language Bible 2009

⁴⁴ Nye a arawng sadang hpe makawp maga na matu, ngai galaw ai shaloi, ngai nan dai Madu rai nga nngai hpe nanhte Israela amyu masha ni chye lu na marin dai, hpa majaw nga yang nanhte galaw ai n hkru n shawp lam hte n hkru ai amu ni a majaw hkam la ging ai hte maren ngai nanhte hpe di ai n rai. Dai Tsaw Htum ai Madu nan tsun nu ai.

Jinghpaw Hanson Version Bible

⁴⁴ Israela dap e, nanhte a n hkru ai arawn alai hte, nanhte a n seng ai amu hte maren, ngai nanhte hpe n dawdan ninglen, nye a amying ningsan tau let, nanhte hpe dawdan yang, ngai Yehowa rai nga ai hpe, nanhte chye lu na marin dai,” nga nna Madu Yehowa tsun ai.

EZEKELA 20:44 ပူးပေါင်းရင်းမြစ်များ

SHAKAWN KUNGDAWN 115:1

O Madu e, na a dinggrin tsaw ra myit hte sadi sahka lam a majaw, na a hpung shingkang gaw nang hta chyu sha, rai sa, nang hta chyu sha, anga nga u ga, anhte hta dai hpung shingkang nga ai n rai.

SHAKAWN KUNGDAWN 79:9

Karai Kasang e, anhte hpe karum la mi, anhte hpe hkye hkrang la mi; na a mying nsang a gawp e, anhte hpe mawai la mi.

EZEKELA 16:62

Ngai gaw nang hte tawn da ai ga shaka hpe ningnan bai galaw da na nngai. Ngai gaw dai Madu rai nga nngai hpe nang chye wa lu na rai ndai.

EZEKELA 20:14

Rai ti mung, dai hku ngai n galaw nngai, hpa majaw nga yang, Egutu mung kaw na Israela amyu masha ni hpe ngai woi wa sai lam mu ai masha amyu baw ni a man e nye a amying jahpoi kau ai lam n tai shangun nngai.

EZEKELA 20:22

Rai ti mung, ngai dai hku n galaw nngai, hpa majaw nga yang, Israela amyu masha ni hpe Egutu mung kaw nna woi shaw wa ai ngai hpe mu ai masha amyu baw ni a ka-ang e nye a amying nsang jahpoi kau shangun ai tai nga ai.

EZEKELA 20:38

Nanhte a lapran na gumlau ai ni hte yubak galaw ai ni hpe ngai tsan kau na nngai. Ngai gaw dai ni hpe shanhte shanu nga ai mungdan kaw nna shapraw kau na nngai, rai ti mung dai ni hpe Israela mungdan de ngai bai nhtang wa shangun na n rai. Shaloi nanhte gaw ngai nan dai Madu rai nga nngai ai hpe chye na mara ai.

EZEKELA 20:45

Dai Madu gaw ngai hpe ga shaga wu ai.

EZEKELA 20:9

Rai ti mung, shanhte shanu nga ai masha amyu ni a man e, nye a amying jahpoi kau n hkrum mat hkra, shanhte hpe Egutu mung kaw nna woi shapraw la na, Israela amyu masha ni hpe ngai tsun ndau ni ai.

EZEKELA 24:24

Dai hpang, ngai gaw nanhte a matu kumla tai na nngai; ngai galaw sai amu magup hpe nanhte galaw lu na marin dai. Ndai amu byin wa ai shaloi, shi gaw Tsaw Htum ai dai Madu rai nga ai hpe nanhte chye lu na marin dai, ngu nna dai Madu tsun ai.”

EHPESU 1:6

Shi a tsaw ra ai kasha a marang e manu jahpu n hpyi ai sha anhte hpe jaw ai hpung shingkang rawng ai shi a chyeju a majaw Karai Kasang hpe shakawn kungdawn ga law!

1 TIMOHTI 1:16

Rai ti mung Karai Kasang ngai hpe matsan dum la ai lam gaw, htawm hpang de Madu hpe kam sham nna htani htana asak lu la na rai nga ai ni yawng a matu mara kasi ningli langai mi tai nga u ga, Hkristu Yesu gaw ngai zawn re ai yubak lu ai ni hta sawng dik ai wa a ntsa e shi a myit galu hkam sharang ai hpe madun dan ai lam rai nga ai.