EZEKELA 20:32 - Jinghpaw Common Language Bible 2009

³² Nanhte gaw kaga masha amyu baw ni zawn byin mayu myit dai; maigan mungdan hkan shanu nga ai amyu masha ni zawn hpun, nlung hpara ni hpe nawku na matu nanhte myit makun da nga myit dai. Rai ti mung, dai zawn re ai maw mawn ai lam galoi mung byin wa na ra ai n rai.

Jinghpaw Hanson Version Bible

³² anhte gaw maigan amyu ni hte, kaga mung na masha ni zawn, hpun nlung hpara ni hpe daw jau na ga ai, nga nna, nanhte myit maw ai hku byin lu na n rai.”

EZEKELA 20:32 ပူးပေါင်းရင်းမြစ်များ

SHAKAWN KUNGDAWN 139:2

Ngai galaw ai lam yawng mayawng hte hpe mung, nang chye nga ndai; nye a myit mang ai lam yawng mayawng hpe mung, tsan tsan kaw nna, nang chye nga ndai.

SHAKAWN KUNGDAWN 33:10

Dai Madu gaw masha amyu baw ni a shatawng shada ai lam ni hpe shanut kau ya nga ai; shanhte a maw mawn ai lam ni n awng dang u ga, shi shanhte hpe hkum shingdang da nga ai.

GA SHAGAWP 19:21

Masha gaw lam magup hpe maw mawn mai nga ai; Madu a myit ra ai hte maren sha byin wa na ra ai.

ESAIA 37:19

karai ni n rai nga ai shanhte a karai ni hpe nat kau ma ai; dai ni gaw masha a lata hte galaw ai hpun nlung hpara sumla ni sha rai nga ai hpe anhte yawng chye ga ai.

YEREMIA 2:25

Israela e, kaga karai ni a hpang hkan let na a lagaw hpe hkum tsu shangun et, na a yuhkraw hkraw hkra hkum rai nga et. Rai ti mung nang gaw, ‘N rai law! Ngai n kayin wa lu na nngai. Ngai gaw maigan karai ni hpe tsaw ra ni ai, dai ni a hpang de hkan na nngai,’” ngu nna nang tsun ai.

YEREMIA 44:17

Anhte tsun sai hte maren shadik na ga ai majaw, lam shagu hpe anhte hkan galaw na ga ai. Anhte a karai num ngu ai Sumsing lamu hkawhkam jan hpe shagu hkungga nawng jau na ga ai; anhte hte anhte a ji wa ni, anhte a hkawhkam wa hte anhte a du salang ni gaw Yuda mare ni hte Yerusalem mare lam hkan galaw yu sai hte maren, shi hpe sabyi hkungga ru jaw na ga ai. Shaloi, anhte hta lusha n taw n tsang lu wa ai hte ngamu ngamai wa nna, tsin-yam tsindam hpa mung hkrum hkra na ga ai n rai.

YEREMIA 44:29

Ndai shara hta nanhte hpe ngai ari jaw na hte nanhte a ntsa e teng teng jahten sharun ai amu shabyin na matu nye a ga sadi ni dik tup wa ai hpe dai Madu ngai nan nanhte hpe sakse madun na mawe ai.

SHARUNG SHAYAWT 3:37

Dai Madu a myit chyu sha hpa lam hpe rai tim tut nawng shabyin ya lu nga ai.

EZEKELA 11:5

Dai Madu a wenyi gaw ngai hpe up hkang ai hte amyu masha ni hpe ndai mungga htawn tsun na matu ngai hpe hkang da ni ai: “Israela amyu masha ni e, nanhte hpa tsun nga myit dai hte kaning re ai amu maw mawn nga myit dai gaw ngai chye nngai.

EZEKELA 38:10

Ndai gaw Tsaw Htum ai dai Madu Goga hpe tsun ai mungga rai nga ai: “Dai aten du ai shaloi, nang gaw n hkru ai maw mawn lam hpe myit shapraw na rin dai.

Daniela 5:4

aja, gumhpraw, magri mang, hpri, hpun hte nlung ni hte galaw ai karai ni hpe shakawn kungdawn nga ma ai.

HOSEA 4:12

Shanhte gaw hpun tawng langai mi kaw na shingran ni hpe hpyi nga ma hka! Shingna langai gaw shanhte chye mayu ai hpe tsun dan nga a hka! Shanhte ngai kaw na pru mat wa masai. Shawa num tai ai numsha langai zawn, shanhte a hkum ni hpe karai shaje hpang de nawng ya kau nga masai.

ROMA 12:2

Nanhte gaw ndai dinghta mungkan a lai madang ni hpe n hkan dagraw ai sha, nanhte gaw Karai Kasang hku nna nanhte a kata lam myit masin hpe tsep kawp galai shai kau shangun mu. Dai shaloi nanhte gaw Karai Kasang a myit ra ai lam, mai kaja ai lam, shi hpe sharawng awng shangun ai lam, hkum tsup re ai lam gaw, hpa rai nga ai ngu ai hpe chye ginhka lu na marin dai.

TARA JAHPRANG 28:36

“Nanhte mung, nanhte a nji nwa ni mung shawng de garai n sa nga yu ai maigan mung de nanhte hte nanhte a hkawhkam wa hpe dai Madu woi mat wa na ra ai; shing rai dai mung e, hpun hte mung, nlung hte mung galaw ai hpara ni hpe nanhte nawku daw jau na marin dai.

TARA JAHPRANG 28:64

Dai Madu gaw ginding aga htum maga mi kaw nna, ginding aga a maga mi de du hkra masha amyu ni yawng hpang de nanhte hpe shabra kau na ra ai. Shing rai nang hte nanhte a nji nwa ni pyi shawng de galoi mung n nawku yu ai dai hpun nlung hte galaw ai hpara ni hpe nawku daw jau na marin dai.

TARA JAHPRANG 29:17

Hpun, nlung, aja gumhpraw ni hte galaw tawn ai shanhte a matsat shabat re ai hpara sumla ni hpe nanhte mu manit dai.

TARA JAHPRANG 4:28

Dai shara hkan e, myi n mu, na n na, n lu n sha chye ai hte manam n chye ai hpara ni ngu ai shinggyim masha a lata hte tawk da ai hpun hpara, nlung hpara ni hpe nanhte daw jau na marin dai.

SHINGRAN 9:20

Ndai tsin-yam tsindam hta na lawt lu nna naw ngam nga ai shinggyim masha ni gaw, shanhte galaw ai amu kaw na myit malai n lu ma ai. Shanhte gaw jinat ni hpe mung, myi n mu, na n na lu ai hte n chye hkawm ai, ja, gumhpraw, magri, nlung hte hpun sumla ni hpe nawku ai lam hpe mung n jahkring kau ma ai.

1 SAMUELA 8:5

shi hpe, “Yu u, nang dingla wa nga ndai; na a kasha yan mung na a kasi n hkan nga ma ai. Dai rai nna, kaga mungdan ni lu ai zawn anhte hpe up hkang na hkawhkam langai mi ra ga ai majaw hkawhkam san da ya mi,” ngu nna tsun ma ai.