EZEKELA 20:31 - Jinghpaw Common Language Bible 2009

³¹ Nanhte gaw dai ni du hkra pyi, dai zawn re ai kumhpa ni hte nawng jau nhtawm, dai zawn re ai hpara sumla ni a man e nanhte a kashu kasha ni hpe wan nat hkungga nawng jau ai hte nanhte hkum nanhte awu asin di myit dai. Israela amyu masha nanhte gaw ya du hkra nye a myit ra sharawng ai lam hpa rai nga a ni?, nga nna sa san nga myit dai! Ngai gaw Tsaw Htum ai dai Madu, ahkrung nga ai Karai Kasang rai nga nngai, dai majaw hpa lam hte seng nna mung, nanhte ngai hpe san yu lu na myit dai n rai.

Jinghpaw Hanson Version Bible

³¹ Nanhte kumhpa jaw nna, nanhte a shadang sha ni hpe wan nat hkungga shatai let, dai ni du hkra nanhte a hpara ni hte tinang dai awu asin rai nga yang, ngai gaw nanhte a san yu ai hkam na rai ni? Ngai hkrung nga ai hte maren, nanhte san yu ai, ngai hkam na n rai, nga nna Madu Yehowa tsun ai:

EZEKELA 20:31 ပူးပေါင်းရင်းမြစ်များ

YOBA 27:10

Shanhte jaw ya ai kabu pyaw lam hpe shanhte hkam la ang ma ai; shanhte gaw shi hta dinggrin akyu hpyi ang ma ai.

YOBA 27:8

Karai Kasang gaw karai kata masha ni a asak hpe hpyi la ai ahkying hta shanhte a matu hpa baw myit mada shara naw nga nga a ta?

SHAKAWN KUNGDAWN 66:18

Nye a yubak ni hpe ngai hpa zawn n nawn kau ai rai yang; dai Madu ngai hpe madat ya na wu ai n rai.

GA SHAGAWP 28:9

Tara hpe nang n hkan ai rai yang na a akyu hpyi ga ni gaw Karai Kasang a na hta n dawng n yawt ai ga hte hpring na ra ai.

ESAIA 1:15

Nanhte gaw lata sharawt nna akyu hpyi myit yang, ngai nanhte hpe yu na nngai n rai. Nanhte kade wa mi akyu hpyi myit dai rai tim, ngai madat ya na made ai n rai, hpa majaw nga yang, nanhte a lata sai kap nga myit dai.

ESAIA 57:5

Nanhte gaw chyoi pra ai hpun npu hkan num la kanawn mazum ai amu galaw let mayat maya ai karai ni hpe nawku nga myit dai. Nanhte gaw hka shi hkaraw kadit hkan na lunghkrung lungpu ni hta tinang a kashu kasha ni hpe shagu hkungga nawng jau nga myit dai.

YEREMIA 14:12

Shanhte lusha gam tim pyi, ngai gaw karum la na matu shanhte a hpyi jahtau ai nsen hpe madat ya na n rai; shanhte gaw ngai hpe wan nat hkungga hte lusha hkungga ni hpe nawng jau yang pyi gaw, dai ni hta ngai awng sharawng nga na nngai n rai. Shing rai na malai, ngai gaw shanhte hpe majan, kawsi hpang gara ai hte ana zinli ni hte sat kau na we ai,” ngu nna tsun ai.

YEREMIA 19:5

shanhte a kashu kasha ni hpe shagu hkungga shatai nna wan nat nawng na nga, Bala hpara a matu tawn hkungri ni hpe gaw da manu ai. Shing re ai amu galaw na matu shanhte hpe ngai galoi mung n hkang da nngai; dai lam nye a myit hta galoi mung rawng nga li ai n rai.

YEREMIA 7:31

Shanhte gaw Hinom Kadit e Tohpet ngu shamying ai tawn hkungri langai mi hpe gaw ma ai, shanhte gaw shanhte a shadang sha ni hte shayi sha ni hpe wan hta nat nawng lu ma ai. Dai amu galaw na matu, shanhte hpe ngai hkang da ni ai n rai; Dai amu gaw nye a myit masin hta pyi myit ai n rai.

EZEKELA 16:20

“Dai hpang, nang gaw grau sawng ai amu hpe galaw nit dai-nang gaw na a kasha ni hpe nan dai hpara sumla ni hpe nawng ya nit hka!

EZEKELA 16:36

Ndai gaw Tsaw Htum ai dai Madu tsun ai mungga rai nga ai: “Nang gaw shawa num langai zawn na a hpun palawng ni hpe raw sharun kau nhtawm, na a hkum hpe na a sumtsaw sumra ni hte na a matsat shabat re ai hpara sumla ni yawng hpe nawng ya ndai, nang gaw hpara sumla ni hpe nat nawng na matu na a kashu kasha ni hpe sat kau nga ndai.

EZEKELA 20:26

Shanhte a hkungga nawng jau ai hta mung, shanhte a kasha alat ni hpe wan nat hkungga nawng jau ai hta mung ngai shanhte hpe awu asin di kau nngai. Ngai nan dai Madu rai nga ai lam shanhte hpe madun dan lu na matu, shanhte hpe ndai zawn ari jaw ai lam rai nga ai.

EZEKELA 20:3

Shi gaw, “Si chye ai masha wa e, Tsaw Htum ai dai Madu tsun nga ai mungga ndai masha ni hte shanhte hpe htawn tsun u: Nanhte gaw nye a myit ra sharawng ai lam hpe san yu na matu du sa ai ni n rai myit ni? Ngai gaw ahkrung nga ai Karai Kasang rai nga nngai, dai majaw nanhte ngai hpe hpa lam hte seng nna san ti mung, san na ahkang jaw na n rai. Tsaw Htum ai dai Madu ngai nan dai ga tsun ni ai.

EZEKELA 23:37

Shan gaw numshaw lashaw ai amu, masha sat ai amu, hpara sumla ni a majaw numshaw lashaw ai amu hte nye a matu shaprat ya ai shadang sha ni hpe sat ai amu ni hpe shut hpyit tawt lai masai. Nye a shadang sha ni hpe mung shanhte a hpara sumla ni hpe wan nat hkungga nawng ya nga masai.

EZEKELA 33:30

Dai Madu gaw, “Si chye ai masha wa e, na a amyu masha ni gaw mare bunghku makau hkan mung, nta chyinghka lam hkan e mung hkrum zup ma ai shaloi, na a lam tsun hkat shajang nga ma ai. Shanhte gaw, ‘Ya jang, dai Madu kaw na pru ai mungga hpe anhte sa madat la saga,’ nga nna shada da tsun shajang nga ma ai.

AMO LAIKA (AMOS) 8:12

Amyu masha ni gaw Jum Nawng kaw nna Ka-ang Panglai du hkra, dingdung kaw nna sinpraw du hkra ningwan hkawm na mara ai. Shanhte gaw dai Madu kaw na mungga hpe shara shagu hkan tam na mara ai, rai ti mung shanhte dai hpe mu tam na ma ai n rai.

ZEHKARIA 7:13

Ngai ga tsun yang, shanhte n madat nga ma ai majaw shanhte hpyi nem yang ngai n htan ya na we ai.