EZEKELA 20:26 - Jinghpaw Common Language Bible 2009

²⁶ Shanhte a hkungga nawng jau ai hta mung, shanhte a kasha alat ni hpe wan nat hkungga nawng jau ai hta mung ngai shanhte hpe awu asin di kau nngai. Ngai nan dai Madu rai nga ai lam shanhte hpe madun dan lu na matu, shanhte hpe ndai zawn ari jaw ai lam rai nga ai.

Jinghpaw Hanson Version Bible

²⁶ ngai Yehowa rai nga ai hpe shanhte chye lu hkra, shanhte hpe shamyit kau na matu, kasha alat ni hpe wan nat hkungga shatai ai hta, shanhte a kumhpa ni hte nawng, ngai shanhte hpe awu asin di kau nngai.”

EZEKELA 20:26 ပူးပေါင်းရင်းမြစ်များ

2 HKAWHKAM 16:3

dai Madu shi a Karai Kasang n ra sharawng ai amu hpe galaw nhtawm Israela hkawhkam ni a kasi hkan dagraw nang nga wu ai. Shi gaw hpara sumla ni hpe wan nat hkungga nawng jau na matu shi a kasha hpe pyi nawng jau ya wu ai; Israela masha ni rawt lung wa yang, dai Madu gawt shapraw kau ai masha amyu ni a matsat shabat re ai lam hta hkan dagraw nang nga ma ai.

2 HKAWHKAM 17:17

Shanhte gaw tara maigan karai ni a matu shanhte a shayi shadang sha ni hpe wan nat hkungga shatai nna nawng ya ma ai; shanhte gaw nat num ni hte gumhpan hpan ai ni hpe san yu nhtawm dai Madu hpe pawt sindawng shangun na nga, shi a man e shut hpyit ai amu htum hkra galaw shapraw na matu shanhte hkum nan myit jung nga ma ai.

2 HKAWHKAM 21:6

Shi gaw shi a kasha hpe wan nat hkungga jaw jau nna shaba wawt ai hte mandan lakle amu galaw nhtawm gumhpan hpan ai ni hte nat num ni hpe ga san san let bawng yu nga ai. Shi gaw dai Madu hpe shut hpyit mara kaba galaw nna masin pawt shangun nga ai.

2 HKAWHKAM LABAU 28:3

Israela masha ni rawt lung wa yang, mungdan kata kaw nna dai Madu gawt shapraw kau ai masha ni a matsat shabat re ai arawn alai hta hkan dagraw nang nna Hinom Kadit e manam pyaw ai baw nat nawng nhtawm shi a shadang sha ni hpe pyi hpara sumla ni a matu wan nat hkungga shatai wu ai.

2 HKAWHKAM LABAU 33:6

Shi gaw shi a shadang sha ni hpe Hinom Kadit e wan nat hkungga shatai let nawng ya wu ai. Shi gaw shaba wawt ai, mandan lakle amu galaw nna gumhpan hpan ai ni hte san jahkrup ai amu, nat shung ai ni hte kanawn ai amu galaw nga ai. Shi gaw dai Madu hpe yubak kaba galaw shut ai hte pawt sindawng shangun wu ai.

PRU MAT 13:12

Shi gaw dai mung hpe jaw ya ai shaloi, shawng shangai ai lasha alat hte shawng hkrat ai yam nga alat shagu gaw dai Madu a matu nanhte nawng jau ya lu na rai myit dai; nanhte kaw na shawng hkrat ai yam nga ala shagu gaw dai Madu a matu rai nga ai,

ESAIA 63:17

Anhte hpe na a lam ni kaw na hpa majaw shayit kau nga n ta? Anhte nang kaw na kayin mat wa hkra, anhte hpe hpa majaw du shaja ya nga n ta? Nang hpe daw jau nga ai ni a matu, na a matu tut nawng rai nga ai amyu masha ni a matu, bai wa rit.

YEREMIA 19:4

Ngai gaw ndai amu hpe galaw na nngai, hpa majaw nga yang, amyu masha ni gaw ngai hpe kau da manu ai; shanhte mung, shanhte a kaji kawa ni mung, Yuda hkawhkam ni mung n chye ai kaga karai ni hpe ndai shara ni hta shagu hkungga ni nawng jau ai hte matsat shabat di kau manu ai. Shanhte gaw ndai shara hta mara n kap ai amyu masha ni a asai ni hte jahpring manu ai,

YEREMIA 19:9

Gumlau hpyen ni gaw mare hpe wang tawn da nna dai mare masha ni hpe sat kau na matu shakut na mara ai. Hpyen ni mare hpe wang shing grup tawn ai gaw hkrit tsang shara rai nga ai majaw, mare kata e nga ai masha ni gaw langai hte langai sha n-ga, shanhte a kashu kasha ni hpe pyi, sha kau na mara ai,” ngu nna tsun ai.

YEREMIA 32:35

Shanhte gaw shanhte a shayi shadang sha ni hpe Molek hpara a matu shagu hkungga nawng jau na nga, Hinom Kadit hta Bala hpara tawn hkungri ni hpe gap da nga ma ai. Dai amu galaw na matu, ngai shanhte hpe hkang da ni ai n rai; shanhte gaw dai zawn re ai amu galaw na hte Yuda amyu masha ni yubak hkrum na matu ngai n myit nngai,” ngu nna tsun nngai.

YEREMIA 7:31

Shanhte gaw Hinom Kadit e Tohpet ngu shamying ai tawn hkungri langai mi hpe gaw ma ai, shanhte gaw shanhte a shadang sha ni hte shayi sha ni hpe wan hta nat nawng lu ma ai. Dai amu galaw na matu, shanhte hpe ngai hkang da ni ai n rai; Dai amu gaw nye a myit masin hta pyi myit ai n rai.

EZEKELA 20:12

Shanhte hpe shachyoi shapra nga ai dai Madu ngai nan rai nga nngai hpe shanhte dum hprang wa lu hkra, anhte a lapran e myit hkrum ai kumla tai nga u ga, Dai Bansa Nhtoi hpe shadik na, ngai hkang da ni ai.

EZEKELA 20:20

Bansa Nhtoi hpe chyoi pra ai nhtoi hku nna shachyoi shapra nga mu, dai gaw anhte tawn da sai ga shaka a kumla tai na ra ai; ngai gaw dai Madu nanhte a Karai Kasang rai nga nngai gaw nanhte hpe dum shangun na ra ai.

EZEKELA 20:30

Nanhte gaw nanhte a kaji kawa ni galaw shut hpyit ai yubak hte maren shanhte a hpara sumla hpang de hpa majaw hkan nang mayu nga myit ni?, ngu nna ngai san nga ai ga, dai Israela amyu masha ni hpe ya jang tsun dan u.

EZEKELA 20:31

Nanhte gaw dai ni du hkra pyi, dai zawn re ai kumhpa ni hte nawng jau nhtawm, dai zawn re ai hpara sumla ni a man e nanhte a kashu kasha ni hpe wan nat hkungga nawng jau ai hte nanhte hkum nanhte awu asin di myit dai. Israela amyu masha nanhte gaw ya du hkra nye a myit ra sharawng ai lam hpa rai nga a ni?, nga nna sa san nga myit dai! Ngai gaw Tsaw Htum ai dai Madu, ahkrung nga ai Karai Kasang rai nga nngai, dai majaw hpa lam hte seng nna mung, nanhte ngai hpe san yu lu na myit dai n rai.

EZEKELA 23:37

Shan gaw numshaw lashaw ai amu, masha sat ai amu, hpara sumla ni a majaw numshaw lashaw ai amu hte nye a matu shaprat ya ai shadang sha ni hpe sat ai amu ni hpe shut hpyit tawt lai masai. Nye a shadang sha ni hpe mung shanhte a hpara sumla ni hpe wan nat hkungga nawng ya nga masai.

EZEKELA 6:7

Amyu masha ni gaw shara shagu hkan sat kau hkrum na mara ai, ngai nan dai Madu rai nga nngai hpe naw ngam nga ai ni yin la na mara ai.

JAW JAU 18:21

Molek karai nawku ai hta na a kashu kasha ni kadai hpe mung ap ya lu na n rai; hpa majaw nga yang, dai gaw Madu Karai Kasang a mying ningsang hpe sari jahpoi ya na rai wu ai.

JAW JAU 20:2

Israela amyu masha ni hpe ning ngu tsun na matu hkang da wu ai: “Nanhte hta na kadai rai ti mung, nanhte hta hkan nang nga ai maigan masha kadai rai ti mung Molek hpara hpe nawng jau ai hta tinang a kashu kasha ni hpe jaw ya ai wa kadai hpe mung shawa masha ni a man e nlung hte kabai sat kau ai hkrum na ra ai.

LUKA 2:23

Madu a tara hta ka da nga ai hte maren, dai ma hpe Madu kaw sa ap ya na matu mung,