EZEKELA 20:23 - Jinghpaw Common Language Bible 2009

²³ Dai re ai majaw, ngai gaw nam mali e kaga ga sadi hpe tawn da ni ai. Shanhte hpe mungkan mungdan shara shagu de shaden shabra kau na ni ai ngu nna ngai dai ga sadi hpe dagam da ni ai.

Jinghpaw Hanson Version Bible

²³ dai hta kaga, masha amyu ni hta shanhte hpe shabra kau nna, mungdan ni hta ayai kau na matu, nam mali e ngai shanhte hpe dagam nngai:

EZEKELA 20:23 ပူးပေါင်းရင်းမြစ်များ

SHAKAWN KUNGDAWN 106:27

shanhte a aru arat ni hpe n kam n sham ai ni a mungdan hkan e, shabra kau na wu ai majaw mung, maigan mungdan hkan e, si mat shangun na lam ni a majaw mung, dagam dala ga hte shanhte hpe sadi jaw wu ai.

SHAKAWN KUNGDAWN 44:11

Sagu ni hpe zawn anhte hpe sat kau na matu, nang ahkang jaw kau nit dai; nang gaw anhte hpe maigan mungdan ni de shabra kau nit dai.

YEREMIA 15:4

Hezekia a kasha Manashe Yuda hkawhkam tai nga yang, Yerusalem hta shi galaw sai amu a majaw, ngai gaw mungkan ga na masha ni yawng hta shanhte hpe hkrit hpa kumla shatai kau na we ai.”

EZEKELA 11:16

Ya chyawm gaw, na a bawng dung kahpu kanau ni hpe ngai tsun shaga ai mungga tsun dan u. Ngai gaw shanhte hpe sumtsan mung na masha amyu baw ni kaw shanu nga na matu, shangun kau dat ai wa rai nna, shanhte hpe kaga mungdan ni de shabra ayai kau ni ai. Rai ti mung, shanhte sa nga ai mungdan ni hta ngai gaw shanhte hte tawng marang mi rau nga nga na nngai.

EZEKELA 20:15

Dai rai nna, shanhte a matu ngu nna ngai jaw da sai, dai yawng hta grau kaja htum nna ngamu ngamai ai hte sut hte ningru ningja ai mungdan de shanhte hpe n woi wa na ngu, dai nam mali kata e ngai ga sadi tawn da ni ai.

EZEKELA 22:15

Ngai gaw na a amyu masha ni hpe mungdan shagu hte masha amyu baw shagu hpang de shabra kau nna na a n hkru n shawp ai amu ni hpe jahtum kau ya na nngai.

EZEKELA 44:12

Rai ti mung, Israela amyu masha ni hpe hpara sumla woi nawku nna, dai lam hku nna yubak lam de shanhte woi sa nga ma ai majaw, shanhte ari hkrum lu na hpe Tsaw Htum ai dai Madu ngai nan dagam da se ai.

JAW JAU 26:33

Ngai gaw nanhte a ntsa e hpyen majan byin shangun nna maigan mung ni de shabra kau na made ai. Nanhte a mungdan gaw katsi katsang tai mat nna mare ni mung hten run taw mat na ra ai.

TARA JAHPRANG 32:40

Ngai gaw teng teng ahkrung nga ai Karai Kasang rai nga nngai hte maren; nye a lata hpe ngai sharawt nhtawm dagam let,

TARA JAHPRANG 4:27

Dai Madu mung nanhte hta kachyi mi sha ngam mat hkra, nanhte hpe kaga masha amyu baw ni a kata de shabra kau na marin dai.