EZEKELA 20:16 - Jinghpaw Common Language Bible 2009

¹⁶ Shanhte gaw shanhte a hpara sumla ni hpe nawku na matu sharawng awng nga ma ai; nye a hkang da ai matsun maroi ga ni hpe kau da nhtawm nye a tara ni hpe jahten kau ai hte Bansa Nhtoi hpe awu asin di kau mu ai majaw ngai dagam kau ni ai.

Jinghpaw Hanson Version Bible

¹⁶ kaning rai nme law, shanhte a myit masin tinang a hpara ni hta manoi nga ai majaw, shanhte gaw nye a matsun maroi ga hpe kau da, nye a tara dara ai lam hpe n hkan ai hte, nye a laban nhtoi ni hpe awu asin di kau mu ai.

EZEKELA 20:16 ပူးပေါင်းရင်းမြစ်များ

EZEKELA 11:21

Rai ti mung, awu asin re ai hte matsat shabat re ai hpara sumla ni hpe nawku na myit manoi tsaw ra nga ai ni hpe chyawm gaw ngai ari jaw na nngai. Shanhte galaw lai wa sai amu hte maren, shanhte hpe ngai ari jaw na nngai,” ngu nna dai Tsaw Htum ai dai Madu nan tsun wu ai.

EZEKELA 20:38

Nanhte a lapran na gumlau ai ni hte yubak galaw ai ni hpe ngai tsan kau na nngai. Ngai gaw dai ni hpe shanhte shanu nga ai mungdan kaw nna shapraw kau na nngai, rai ti mung dai ni hpe Israela mungdan de ngai bai nhtang wa shangun na n rai. Shaloi nanhte gaw ngai nan dai Madu rai nga nngai ai hpe chye na mara ai.

EZEKELA 20:8

Rai ti mung, shanhte gaw ngai hpe ninghkap ma ai hte nye a ga hpe n madat mara nga ma ai. Shanhte gaw shanhte a matsat shabat re ai hpara ni hpe n kabai kau ma ai; Egutu hpara ni hpe mung n kau da lu ma ai. Nye a masin kahtet ai n-gun gaw dai Egutu mung hta hpring tup hkam sha shangun na, ngai shajin da ni ai.

EZEKELA 23:8

Shi gaw shi a hkawn jet ai hpe jahten kau nna Egutu mung e shawa num amu galaw hpang ai hte matut galaw nga wu ai. Shi a hkawn ram prat kaw nna lasha ni shi hte rau yup nna shi hpe shawa num zawn di ma ai.

BU HKAWM 15:39

Dai banbyau ni gaw myit hpe adum nga shangun nga ai rai nna, dai ni hpe aten shagu nanhte mu jang, nye a hkang da ai ga matsun ni yawng hpe dum wa nna madat mara na rai myit dai; dai rai nna ngai kaw na nanhte myi man n kayin mat wa ai hte nanhte myit ra ai hku hkan lu na myit dai n rai.

BU HKAWM 25:2

Dai num ni gaw shanhte hpe Moba hpara hpe nawng jau ai poi de sa nawku lawm na matu saw shaga da hkrum nga ma ai. Israela ni mung lusha hkungga sa sha nna Peora Bala hpara hpe nawku ma ai.