EZEKELA 20:12 - Jinghpaw Common Language Bible 2009

¹² Shanhte hpe shachyoi shapra nga ai dai Madu ngai nan rai nga nngai hpe shanhte dum hprang wa lu hkra, anhte a lapran e myit hkrum ai kumla tai nga u ga, Dai Bansa Nhtoi hpe shadik na, ngai hkang da ni ai.

Jinghpaw Hanson Version Bible

¹² Dai hta n-ga, shanhte hpe shachyoi shapra nga ai Yehowa, ngai rai nga nngai, shanhte chye na lu hkra, ngai hte shanhte a lapran e kumla tai na matu, nye a Laban nhtoi ni hpe mung, ngai shanhte hpe jaw da nngai.

EZEKELA 20:12 ပူးပေါင်းရင်းမြစ်များ

NINGPAWT NINGHPANG 2:3

Shi gaw sanit ya nhtoi hpe shaman ya nhtawm dai nhtoi hpe laksan shani hku masat da nga ai, hpa majaw nga yang, shi a hpan da ai amu hpe dai shani e shangut nna bungli galaw ai hpe jahkring da nga ai.

NEHEMIA 9:14

Nang gaw shanhte hpe na a Bansa Nhtoi ni chyoi pra nga na matu sharin ya nit dai, nang gaw na a shangun ma Mawshe hku nna shanhte hpe na a tara ni jaw ya nit dai.

PRU MAT 16:29

Ngai Madu nan nanhte hpe bansa ai shani jaw ya ni ai; dai re ai majaw kru ya shani hta lahkawng ya a matu malu masha law ram hkra, nanhte hpe ngai ajaw ya nga ai hpe adum nga mu. Kadai mung sanit ya shani e shi a nta kaw na n pru ai sha nga nga lu na rai myit dai,” ngu nna tsun wu ai.

PRU MAT 35:2

Nanhte gaw nanhte a magam bungli galaw la na nhtoi kru ya tup lu nga myit dai; rai ti mung dai sanit ya nhtoi chyawm gaw Ngai Madu hpe nawku daw jau na matu dagam shaka da ai bansa nhtoi rai nna, nye a matu ap nawng da sai hte chyoi pra nga lu na rai nga ai. Dai nhtoi hta amu bungli galaw ai wa kadai mung si ai hkrum na rai nga ai.

ESAIA 56:2

Ngai gaw Bansa Nhtoi hpe tut nawng hkan sa nna dai nhtoi hpe awu asin n di ai ni hpe shaman ya na nngai. Ngai gaw n hkru ai amu hpa mung n galaw ai ni hpe shaman ya na nngai,” ngu nna tsun ai.

YEREMIA 17:22

Bansa Nhtoi hta e shanhte nga ai dum nta kaw na arai hpa mung n hpai shapraw lu na lam rai nga ai. Shanhte gaw Bansa Nhtoi e amu galaw lu na ma ai n rai; shanhte a kaji kawa ni hpe ngai hkang da ni ai hte maren Bansa ai shani hpe chyoi pra ai shani zawn shanhte hkan sa lu na lam tsun u.

EZEKELA 20:20

Bansa Nhtoi hpe chyoi pra ai nhtoi hku nna shachyoi shapra nga mu, dai gaw anhte tawn da sai ga shaka a kumla tai na ra ai; ngai gaw dai Madu nanhte a Karai Kasang rai nga nngai gaw nanhte hpe dum shangun na ra ai.

EZEKELA 20:26

Shanhte a hkungga nawng jau ai hta mung, shanhte a kasha alat ni hpe wan nat hkungga nawng jau ai hta mung ngai shanhte hpe awu asin di kau nngai. Ngai nan dai Madu rai nga ai lam shanhte hpe madun dan lu na matu, shanhte hpe ndai zawn ari jaw ai lam rai nga ai.

EZEKELA 37:28

Ngai gaw nye a Nawku Htingnu hpe shanhte a ka-ang e htani htana tawn da ai shaloi, dai Madu ngai nan lata la sai Israela ni gaw nye a amyu masha majing ni nan rai nga ai hpe masha amyu baw ni chye lu na mara ai,” ngu nna tsun wu ai.

EZEKELA 44:24

Ndang kalang re ai amu pru wa ai shaloi, dai amu ni hpe nye a tara ni hte maren, hkinjawng ni jeyang daw dan na ma ai. Nawku htung hte seng ai poi ni hpe mung, nye a tara masa hte maren, shanhte shatup nna Bansa Nhtoi ni hpe shanhte shachyoi shapra na ma ai.

JAW JAU 20:8

Nye a tara ni hpe hkan sa madat mara mu; ngai gaw nanhte hpe shachyoi shapra ai dai Madu rai nga nngai.

JAW JAU 21:15

Shing n rai yang, chyoi pra ging ai shi a kashu kasha ni n san n seng na rai ma ai. Ngai gaw dai Madu rai nga nngai hte maren shi hpe Hkinjawng Kaba hku jahka san da ni ai,” ngu nna tsun wu ai.

JAW JAU 21:23

Rai ti mung shi gaw hkum hkrang hta ra rawng nga sai majaw chyoi pra ai nba grang hte tawn hkungri de shani sa wa lu na n rai. Ngai gaw shanhte hpe shachyoi shapra ai dai Madu rai nga nngai majaw ndai chyoi pra ai arai ni hpe awu asin di lu na n rai.”

JAW JAU 21:8

Ngai hpe lusha hkungga sak jaw nga ai hkinjawng re majaw amyu masha ni mung shi hpe chyoi pra ai hku myit nawn na rai ma ai. Ngai gaw dai Madu rai nna chyoi pra nga nngai majaw nye a amyu masha ni hpe chyoi pra shangun na mawe ai.

JAW JAU 23:3

Nanhte gaw kru ya tup magam bungli galaw lu na nhtoi lu nga myit dai; rai ti mung sanit ya ngu na shani chyawm gaw Bansa Nhtoi rai nna ban sa ai shani rai nga ai hpe dum nga mu. Dai shani hta magam bungli hkum galaw myit; rai ti mung nawku na zup hpawng nga mu. Nanhte nga ai shara shagu hta dai gaw dai Madu a matu Bansa Nhtoi rai nga ai.

JAW JAU 23:32

Dai shata a jahku ya shana de kaw nna hpang shani shi ya shana de du hkra laksan bansa ai shani rai nga myit dai; dai laman e lusha sha mai na myit dai n rai.

JAW JAU 23:39

Nanhte a yi hkauna ni hta na nsi naisi shu la ai shaloi shata sanit a nhtoi shi manga ya kaw nna sanit ya tup ndai poi galaw na rai myit dai. Shawng shani gaw laksan bansa la na shani rai nga myit dai.

JAW JAU 25:4

Rai ti mung sanit ning ngu na shaning gaw mungdan hta tsep kawp ban sa la ai shaning, dai Madu a matu ap nawng ai shaning rai nga ai. Dai shaning hta yi hkauna mung, sabyi sun mung galaw lu na myit dai n rai.

KOLOSE 2:16

Dai re ai majaw, sha hpa, lu hpa hte, shata praw shani hte Bansa Nhtoi a lam kadai mung nanhte a matu tara jahkrat nna n jeyang mu ga.

1 HTESALONI 5:23

Anhte hpe ngwi pyaw sim sa ai lam jaw ya ai Karai Kasang gaw, nanhte hpe lam shagu hta shachyoi shapra nna, anhte a Madu Yesu Hkristu bai du sa ai shaloi e, nanhte a Wenyi, myit masin hte hkum hkrang ting gaw, mara n kap hkra bau maka nga u ga.

YUDA 1:1

Yesu Hkristu a shangun ma hte Yaku a kanau ngai Yuda gaw, Karai Kasang e shaga la nna Kawa Karai Kasang a tsaw ra ai hte Madu Yesu a makawp maga ai hta asak hkrung nga ai ni hpe ga shana dat nngai.