EZEKELA 20:1 - Jinghpaw Common Language Bible 2009

¹ Ndai lam gaw anhte bawng dung ai sanit ning na shata manga a nhtoi shi ya shani byin ai rai nga ai. Dai shani e, Israela shawa hpawng na ningbaw nkau mi gaw dai Madu a myit ra sharawng ai hte seng nna ngai hte bawng ban jahkrup na matu du sa ma ai, shanhte gaw nye a man e dung nga ma ai.

Jinghpaw Hanson Version Bible

¹ Ya sanit ning na, shata manga a shi ya shani e, Israela agyi salang ni nkau mi, Yehowa hpe san yu na matu, sa du nna, nye a man e dung nga ma ai.

EZEKELA 20:1 ပူးပေါင်းရင်းမြစ်များ

2 HKAWHKAM 3:13

Elisha gaw Israela hkawhkam wa hpe, “Nanhte hpe ngai hpa lam a majaw karum ang na rai nga a ta? Nanhte a kanu kawa ni san san re ai myihtoi ni kaw mahtang sa san la masu,” ngu nna tsun wu ai. Yoram gaw, “N rai law, hkawhkam masum ngu ai anhte hpe Moba hkawhkam a daru magam n-gun lata de ap kaw nga ai gaw dai Madu rai nga ai,” ngu nna tsun htang wu ai.

2 HKAWHKAM 6:32

Shing rai Elisha hpe sa woi wa na matu, kasa langai mi hpe shangun dat wu ai. Dai aten hta Elisha gaw shi kaw sa chyai ai myit su salang nkau mi hte rau shi a nta e nga nga wu ai. Hkawhkam wa a kasa garai n du shang wa ai aten hta Elisha gaw myit su salang ni hpe, “Dai masha sat ai wa gaw ngai hpe sat kau na matu marai langai ngai hpe shangun dat nga ai! Ya chyawm gaw nang e shi du nga sai rai nna shi hpe n shang shangun lu hkra chyinghka la kau mu. Hkawhkam wa nan shi a shingdu e hkan nang nga ai,” ngu nna tsun wu ai.

ESAIA 29:13

Dai Madu gaw, “Ndai amyu masha ni gaw ngai hpe nawku daw jau na matu tsun ma ai, rai ti mung shanhte a n-gup aga ni gaw lachyum n pru nga ma ai, shanhte a myit masin mung shara langai ngai hta myit jung ma ai. Shanhte nawku htung gaw shanhte majoi mi matsing chyai ai masha a tara ni hte htung lai masa ni hta jan nna kaman lila sha rai nga mu ai.

ESAIA 58:2

Shanhte gaw ngai hpe shani shagu nawku ma ai, shanhte gaw nye a lam ni hpe chye na matu hte nye a tara ni madat mara na matu grai sharawng ma ai lam tsun ma ai. Shanhte gaw shanhte hpe teng man ai tara ni jaw ya na matu hte ngai hpe nawku ai hta shanhte awng sharawng nga ai lam tsun ma ai,” ngu nna tsun ai.

YEREMIA 21:2

“Babelon Hkawhkam Nebuhkadneza hte shi a hpyen luksuk ni gaw mare hpe wang da nga ma ai majaw, anhte a matu dai Madu hpe chyeju hte naw tsun ya mi. Dai Madu gaw anhte a matu shi a lamik kumla lama mi shabyin dat nna Nebuhkadneza hpe htingnut mat wa shangun na ra ai.”

YEREMIA 37:17

Dai hpang, kade n na yang, Hkawhkam Zedekia gaw ngai hpe shaw la na matu masha shangun dat wu ai; dai hkaw htingnu kata hta, “Dai Madu kaw nna mungga naw nga a ni?,” ngu nna ngai hpe alak mi san wu ai. Shing rai, ngai mung, “Nga ai,” dai gaw, “Nang Babelon hkawhkam wa a lata de ap kau ai hkrum na rai ndai,” ngu nna htan ai hte kahtap tsun ni ai.

EZEKELA 1:2

(Dai gaw Hkawhkam Yehoiahkin bawng rim hkrum mat wa ai manga ning na ai hpang byin wa ai lam rai nga ai.)

EZEKELA 20:2

Dai hpang, dai Madu gaw ngai hpe ga shaga wu ai.

EZEKELA 24:1

Dai Madu gaw ngai hpe anhte bawng dung ai jahku ning e shata shi, nhtoi shi ya shani e, ga shaga wu ai.

EZEKELA 26:1

Anhte bawng dung ai shi langai ning, shata langai ya shani hta, dai Madu ngai hpe ga shaga wu ai.

EZEKELA 29:1

Anhte a bawng dung ai shi ning na shata shi a shi lahkawng ya shani e, dai Madu gaw ngai hpe ga shaga wu ai.

EZEKELA 29:17

Anhte a bawng dung hkrum ai hkun sanit ning a shawng na shata langai ya shani e, dai Madu gaw ngai hpe ga shaga wu ai.

EZEKELA 30:20

Anhte bawng dung hkrum mat wa ai shi langai ning a shawng shata a sanit ya shani e, dai Madu gaw ngai hpe ga shaga wu ai.

EZEKELA 31:1

Anhte bawng dung hkrum ai shi langai ning a shata masum a langai ya shani e, dai Madu ngai hpe ga shaga nga ai.

EZEKELA 32:1

Anhte bawng dung hkrum ai shi lahkawng ning a shata shi lahkawng a langai ya shani e, dai Madu ngai hpe ga shaga wu ai.

EZEKELA 40:1

Yerusalem hten run mat ai shi mali ning na mat ai hte anhte bawng dung hkrum ai hkun manga ning a shaning nnan shata a shi ya shani hta, dai Madu a hpung shingkang nye a ntsa e du nna ngai hpe woi wa ai.

EZEKELA 8:1

Anhte a bawng dung ai kru ning na shata kru a manga ya shani e, Yuda mung na bawng dung masha ningbaw ni gaw ngai hte rau nye a nta hta dung nga ma ai. Tsaw Htum ai dai Madu a daru magam n-gun gaw akajawng sha nye a ntsa e du nga ai.

EZEKELA 8:11

Dai shara hta Israela ningbaw marai sanit shi hte hpawn Shahpan a kasha Yazania ni nga nga ma ai. Shanhte langai hte langai gaw manam pyaw ai baw nat nawng ya ai ban ni lang da nna dai ban kaw na wan hkut ni mawng lung wa nga ai.

MAHTE 22:16

Dai hpang shanhte a sape ni nkau mi hte Herod a hpung kaw na masha nkau mi hpe Yesu hpang de shangun dat mu ai. Shanhte gaw, “Sara e, nang gaw teng man ai lam hpe sha tsun nga ndai hpe anhte chye ga ai. Nang gaw masha a myi man n tau ai sha, masha a matu Karai Kasang a myit ra ai lam hpe teng man ai hku sharin shaga ndai.

LUKA 10:39

Dai numsha gaw, Mari ngu ai kanau langai mi lu ai, shi gaw dai Madu a lagaw nhpang e dung nga let, Madu a sharin shaga ai ga madat la nga ai.

LUKA 2:46

Ya masum ya na wa sayang she, dai Nawku Htingnu kata, Yuda sara ni a ka-ang e, shanhte a ga madat la nna, shanhte hpe ga san ni san let dung nga ai hpe shan sa mu ma ai.

LUKA 8:35

Masha ni mung dai byin ai lam hpe yu na pru sa wa ma ai. Shanhte Yesu kaw du ma yang, nat ni pru mat wa kau da ai wa gaw, hpun palawng bu hpun nna, shawoi na myit kaja hte Yesu a lagaw nhpang e dung nga la ai hpe mu ma ai shaloi hkrit kahpra mat ma ai.

KASA 22:3

“Ngai gaw Kiliki mung na Tarshu mare e shangai ai Yuda masha rai nga nngai. Rai ti mung ndai Yerusalem hta Gamale a jawngma langai mi hku nna kaba wa nna, anhte a ji wa ni a ja la ai jep ai Tara htung hking hte maren azin ayang sharin achyin la nna dai ni nang e nga nga ai nanhte ni zawn Karai Kasang a magam bungli gun hpai na matu myit rawt ai hte ap nawng da nngai.