EZEKELA 2:9 - Jinghpaw Common Language Bible 2009

⁹ Ngai hpang de lata ladawn nga ai hpe ngai mu nngai, dai lata gaw laika katsu hpe lang da nga ai.

Jinghpaw Hanson Version Bible

⁹ Ya ngai mada yu yang, yu u, laika katsu lang ai lata ngai hpang de ladawn nga ai:

EZEKELA 2:9 ပူးပေါင်းရင်းမြစ်များ

YEREMIA 1:9

Dai hpang dai Madu gaw lata ladawn let nye a nten hpe ahtawk nna ngai hpe, “Madat u, ngai nang hpe jaw ya nga ai mungga hpe nang tsun lu na rai ndai.

YEREMIA 36:2

“Laika katsu langai la nhtawm ngai nang hpe tsun dan sai Israela, Yuda hte amyu baw ni yawng hpe lakap ai magup sumhpa lam ni hpe dai hta e ka tawn u. Dai sha n-ga, Yoshia hkawhkam tai nga ai shaloi, ngai nang hpe shawng shaga ai shani kaw nna dai ni du hkra ngai nang hpe tsun sai ga mahkra ka tawn u.

YEREMIA 36:4

Dai rai nna, ngai gaw Neria a kasha Baruk hpe shaga la nna dai Madu ngai hpe tsun dan sai lam mahkra hpe ka shangun we ai. Baruk mung dai lam yawng mayawng hte hpe laika katsu hta e ka da wu ai.

EZEKELA 3:1

Karai Kasang gaw, “Si chye ai wa e, ndai laika katsu hpe sha u; dai hpang Israela amyu masha ni hpang de sa tsun su,” ngu nna tsun wu ai.

EZEKELA 8:3

Shi gaw lata hkrang zawn re ai hpe ladawn dat ai hte nye a kara hpe magra jum da wu ai. Shaloi ndai shingran hta, Karai Kasang a wenyi gaw ngai hpe ntsa de pawn shalun la nhtawm Yerusalem de woi sa nga ai. Shi gaw ngai hpe Nawku Htingnu a dingdung chyinghka a kata shang wa lam de woi sa nga ai; dai shara gaw Karai Kasang hpe nchyi nmu byin shangun ai nsu nnawn hpara sumla langai mi hpe shadun da ai shara mung rai nga ai.

Daniela 10:10

Dai hpang marai langai mi a lata hte ngai hpe jum da nna nye a lata hte lahput magra da let ngai hpe sharawt la nga ai. Ngai gaw dai aten du hkra hkrit gari nga nngai.

Daniela 5:5

Masha langai mi a lata akajawng sha dan pru wa nhtawm pyengdin ni hta grau htoi kabrim nga ai hkawhkam htingnu na engade chya da ai shakum hta ka hpang wa nga ai. Hkawhkam wa gaw laika ka nga ai lata hpe mu dat wu ai.

ZEHKARIA 5:1

Ngai bai yu yang, ndai lang hta nbung hku laika katsu langai pyen nga ai hpe ngai mu nngai.

ZEHKARIA 5:3

Dai hpang, shi gaw ngai hpe, “Dai ntsa hta mungdan ting de bra nga ai dagam dala lam ka da nga ai. Dai laika katsu a man maga mi hta lagut shagu hte gaw dai mungdan kaw nna seng kau ai hkrum na rai nga ai ngu nna tsun da nga ai. Bai kaga maga de gaw dagam da sai rai tim masu magaw ga naw tsun ai ni langai hte langai la kau ai hkrum na rai nga ai nga nna tsun da nga ai.

HEBRE 10:7

Shaloi ngai gaw, ‘Karai Kasang e tara laika hta nye a lam ka da nga ai hte maren, nang myit ra ai hku galaw na, ya ngai nang e du sa ring ngai,’ ngu we ai,’” nga nna tsun ai.