EZEKELA 2:8 - Jinghpaw Common Language Bible 2009

⁸ “Si chye ai masha wa e, ngai nang hpe tsun ai ga hpe madat u. Shanhte zawn gumlau na myit hkum rawng nga et. Na a n-gup hpaw nna ngai nang hpe jaw na arai hpe sha u,” ngu tsun ai nsen hpe na nngai.

Jinghpaw Hanson Version Bible

⁸ Nang mahtang, masha kasha e, ngai tsun ai ga madat u; dai gumlau ai amyu zawn, gumlau myit hkum rawng et; na a n-gup mahka nna, ngai jaw ai hpe sha u,” nga ai.

EZEKELA 2:8 ပူးပေါင်းရင်းမြစ်များ

SHAKAWN KUNGDAWN 105:28

Karai Kasang gaw dai mungdan a ntsa e, nsin jasin dat nu ai; rai ti mung, Egutu amyu masha ni shi a hkang da ai ga hpe n madat ya mu ai.

ESAIA 50:5

Dai Madu gaw ngai hpe chye na hkawn hkrang ai nyan jaw ya ni ai majaw, ngai shi hpe gumlau ai n rai, shi kaw na kayin mat wa nngai n rai.

ESAIA 8:11

Dai Madu gaw shi a daru magam n-gun kaba hte amyu masha ni hkan nga ai lam hta n hkan na matu ngai hpe sadi jaw wu ai. Shi gaw

YEREMIA 13:2

Dai rai nna, ngai gaw dai ni hpe mari la nna kyit nngai.

YEREMIA 15:16

Nang ngai hpe tsun shaga ai ga hkum shagu hte hpe ngai madat se ai. Chyahtum Chyalai N-gun Rawng ai Madu Karai Kasang e, nang ngai hpe madu da nga ndai majaw na a mungga ni nye a myit kraw lawang hta kabu gara ai hte awng sharawng ai hte jahpring ya nit dai.

EZEKELA 12:2

Shi gaw, “Si chye ai masha wa e, nang gaw gumlau ai masha ni a lapran e nga nga ndai. Shanhte gaw na tu ti mung hpa tsun ai hpe n na ma ai, hpa majaw nga yang, shanhte gaw gumlau chye ai masha ni rai ma ai.

EZEKELA 12:7

Ngai gaw dai Madu tsun matsun ai hte maren, galaw ni ai. Ngai gaw hprawng shingbyi hkawm ai wa zawn, dai shani e arung arai majaw hpe makai nna dai shana nsin htat wa ai aten e, ngai gaw nye a lata hte bunghku hpe htu waw nna pru mat wa ni ai. Masha shagu ngai hpe azi yu nga ma yang, ngai gaw nye a arung arai majaw hpe nye a lahpa ntsa e hpai mara nhtawm pru mat wa ni ai.

EZEKELA 3:10

Karai Kasang gaw, “Si chye ai masha wa e, ngai nang hpe tsun dan ai lam yawng mayawng hpe myit maju jung ai hte dum nga u.

EZEKELA 33:7

“Ya chyawm gaw, si chye ai masha wa e, Israela amyu baw a matu ngai nang hpe sin langa san da na nngai. Ngai nang hpe tsun dan ai shadum jahprang ga ni hpe shanhte hpang de du hkra len shalai ya ra nga ndai.

EZEKELA 40:4

Shi gaw ngai hpe, “Si chye ai wa e, yu yu u. Nang hpe ndai shara de woi wa ni ai majaw, ngai nang hpe madun dan na lam shagu hpe atsawm sha na la nna matsing da u. Israela amyu masha ni hpe nang mu ai lam shagu tsun dan ra na rai ndai,” ngu nna tsun wu ai.

JAW JAU 10:3

Dai hpang Mawshe gaw Arun hpe, “Da ndai gaw, ‘Ngai hpe daw jau ai ni yawng nye a chyoi pra ai ban hpe hkungga lu na rai nna, nye a amyu masha ni hpe nye a hpung shingkang madun dan na we ai,’ nga nna dai Madu tsun ai gaw ndai zawn re ai lam hpe shi tsun ai re,’” ngu nna tsun wu ai. Rai ti mung Arun mahtang atsin sha nga nga wu ai.

YONA 1:3

Yona gaw gara hku mi rai tim, dai Madu a man kaw na hprawng mat wa lu na matu kaga shara de sa mat wa wu ai. Shi gaw Yopa de sa wa nna dai shara e Spain mung de sa wa hkyen ai sanghpaw li langai sa mu wu ai. Shi gaw Karai Kasang a man kaw na hprawng mat wa na nga li jahpu jaw nna Spain mung de sa mat wa na matu sanghpaw masha ni hte rau sanghpaw li ntsa de shang mat wa wu ai.

BU HKAWM 20:24

“Israela ni hpe jaw na ngu nna ngai ga sadi tawn da ai mungdan de Arun shang lu na n rai; nan lahkawng mahtang Meriba shara e nye a hkang da ai ga hte nhtan shai nna gumlau manit dai majaw si na rai ndai.

1 PETRU 5:3

Nanhte bau maka na matu nanhte a lata hta ap da sai dai hpung hpe up Madu mayu ai myit hte n re ai sha dai sagu hpung a matu kasi ningli kaja ni tai nga mu.

SHINGRAN 10:9

Shaloi dai lamu kasa kaw ngai sa nna, “Dai laika shabawn kaji ngai hpe jaw rit,” ngu we ai. Shi gaw, “La nna sha kau u, dai gaw na a kan hta hka na ra ai, rai ti mung n-gup e gaw lagat ntsin zawn dwi na ra ai,” nga nna ngai hpe tsun ai.