EZEKELA 2:5 - Jinghpaw Common Language Bible 2009

⁵ Ndai zawn gumlau ai ni gaw na a ga hpe madat ti mung, n madat ti mung, shanhte a lapran e myihtoi langai mi nga nga sai hpe shanhte chye lu na mara ai.

Jinghpaw Hanson Version Bible

⁵ Shanhte gaw gumlau ai amyu rai nga nna, madat timung, n madat timung, tinang hta myihtoi nga nga ai hpe, shanhte chye lu na mara ai.

EZEKELA 2:5 ပူးပေါင်းရင်းမြစ်များ

2 HKAWHKAM 5:8

Shing rai byin ai lam hpe myihtoi Elisha na jang, hkawhkam wa hpang de ning nga nna ga htet dat wu ai: “Nang hpa majaw dai daram wa myit ru nga n ni? Dai wa hpe ngai hpang de shangun dat ru; Israela mung e myihtoi langai nga ai lam ngai shi hpe madun dan na we ai!”

YEREMIA 36:21

Dai hpang, hkawhkam wa gaw dai laika katsu hpe sa la na matu, Yehudi hpe shangun dat nna shi gaw dai hpe htingnu amu madu Elishama a gawk na shaw la nhtawm hkawhkam wa hte shi a makau e tsap nga ai du salang ni a man e hti dan wu ai.

YEREMIA 42:19

Dai hpang, ngai gaw, “Yuda mung hta naw ngam nga ai amyu masha ni hpe Egutu mung de n yu sa na matu, dai Madu nanhte hpe tsun nu ai. Ya mung ngai gaw

EZEKELA 12:9

Shi gaw, “Si chye ai masha wa e, ya chyawm gaw ndai gumlau ai Israela amyu masha ni nang hpa galaw nga ai lam nang hpe san yu nga ma ai,

EZEKELA 17:12

“Dai gumlau chye ai ni hpe shanhte dai ga shadawn a lachyum chye na ai rai yang, tsun dan na matu san yu u. Babelon hkawhkam gaw Yerusalem mare de du nna, hkawhkam wa hte shi a mung du salang ni hpe rim la nhtawm, shi hte rau Babelon mung de woi wa manu ai.

EZEKELA 2:7

Shanhte madat ai rai tim, n madat ai rai tim, shanhte hpe htawn tsun na matu ngai nang hpe tsun ai lam hpa hpe rai tim, nang shanhte hpe tsun na rai ndai. Shanhte gaw gumlau ai ni rai nga ma ai hpe adum nga u.

EZEKELA 24:3

Ngai hpe gumlau ai amyu masha ni hpe Tsaw Htum ai dai Madu ngai nan shanhte a matu ning nga ai ngu nna ndai ga shadawn hpe htawn tsun u: Wan mang ntsa e di dun u dai hpe hka hte jahpring u.

EZEKELA 3:19

Nang gaw dai n hkru ai masha wa hpe n shadum jahprang ai hte shi gaw yubak lam hpe n kau da ai rai yang, dai yubak naw kap nga ai wa gaw si na ra ai; rai ti mung, na a asak chyawm gaw lawt lu na ra ai.

EZEKELA 3:26

Ngai gaw na a shinglet hpe gumra hta kap mat shangun na nngai, shaloi nang gaw dai gumlau ai amyu masha ni hpe shadum jahprang lu na ra ai n rai.

EZEKELA 3:27

Dai hpang, ngai nang hpe ga tsun ai hte shaga lu na n-gun atsam bai jaw ai shaloi, Tsaw Htum ai Madu ngai hpa tsun nga ai lam, nang shanhte hpe tsun dan na rai ndai. Shanhte hta na nkau mi gaw madat ti mung nkau mi gaw hpa zawn n nawn ya na mara ai, hpa majaw nga yang, shanhte gaw gumlau ai amyu masha ni rai nga ma ai,” ngu nna tsun ni ai.

EZEKELA 33:33

Rai ti mung, nang tsun ai ga ni yawng teng tup wa ai shaloi, dai ni yawng teng teng byin wa na ra ai. Dai shaloi, myihtoi wa gaw shanhte hta e nga nga ai hpe shanhte chye lu na mara ai,” ngu nna tsun wu ai.

EZEKELA 33:9

Nang gaw n hkru ai wa hpe shadum jahprang ai lam galaw ti mung, yubak galaw ai lam hpe shi n jahkring ai rai yang, yubak kap ai wa naw rai nga ai majaw, shi si na rai wu ai, rai ti mung na a asak gaw lawt lu na ra ai.”

EZEKELA 44:6

“Gumlau chye ai Israela amyu masha ni hpe Tsaw Htum ai dai Madu ngai nan shanhte galaw lai mat wa sai matsat shabat amu ni hpe loi mi pyi hkam sharang sana n re ai lam htawn tsun u.

YAWHAN 15:22

Ngai shanhte hpe n hkaw n tsun ai sha nga ai rai taw gaw, shanhte hta mara n nga na re ai. Ya chyawm gaw shanhte mara galaw sai lam gara hku mung mara lawt hkra tsun ndang shara n nga manu ai.

KASA 13:46

Pawlu yan Barnaba mung grau nna nden ja ai myit hte, “Dai Karai Kasang a mungga nanhte hpe shawng tsun dan na ra nga ai, rai ti mung nanhte mahtang dai hpe n hkap la nna nhtum nwai asak hte n ging dan ai ni rai ga ai ngu nna tinang dai myit nawn daw dan la myit dai majaw anhte gaw, nanhte kaw na pru mat wa nna kaga maigan amyu ni hpang de sa wa na saga ai.

ROMA 3:3

Dai rai yang lama wa shanhte hta na nkau mi sadi n dung yang gaw, shanhte a sadi n dung ai lam a majaw Karai Kasang mung sadi n dung na re ngu nna tsun lu na kun?