EZEKELA 2:1 - Jinghpaw Common Language Bible 2009

¹ Dai Madu gaw ngai hpe, “Si chye ai masha e, rawt tsap u. Ngai nang hpe ga shaga mayu nngai,” ngu nna tsun nga ai.

Jinghpaw Hanson Version Bible

¹ Ngai hpe shaga ai wa gaw, “Masha kasha e, jan rai tsap u; ngai nang hpe ga tsun na de ai,” nga ai.

EZEKELA 2:1 ပူးပေါင်းရင်းမြစ်များ

SHAKAWN KUNGDAWN 8:4

Mungkan masha ngu ai gaw kadai wa rai nna nang myit du ya nga n ni? Si chye ai wa sha hpe, nang hpa rai n-gaw nwai myit madun nga n ni?

EZEKELA 1:28

dai yawng a ntsa e htoi tu ai nsam gaw n-goi latum a nsam ni rai nga ai. Dai gaw dai Madu a hpung shingkang dan hkung ai nsam hpe shapraw dan ai shi a htoi kabrim ai shara rai nga ai. Dai lam hpe ngai mu ai shaloi, ngai gaw ga ntsa e myi man dagup da nngai. Dai hpang nsen langai hpe ngai na nngai. Dai lam hpe ngai mu ai shaloi, ngai gaw ga ntsa e myi man dagup da nngai. Dai hpang ngai gaw nsen langai na nngai.

EZEKELA 12:3

“Ya chyawm gaw, si chye ai masha wa e, hprawng shingbyi hkawm ai wa gaw shana nsin garai n sin yang htawt hkawm na matu arai shajin ai zawn arung arai majaw hkyen makai shajin da u, shaloi masha shagu gaw nang pru mat wa nna kaga shara de sa mat wa ai hpe mu la mu ga. Dai sha n-ga, shing re ai lam hpe ndai gumlau chye ai masha ni mung nang hpe yu matsing lu mai yang matsing lu mu ga.

EZEKELA 13:2

Shi gaw, “Si chye ai masha wa e, shanhte a myit ra hku htoi ai Israela a myihtoi ni hpe jahpoi kau u. Shanhte hpe dai Madu a ga madat mara na matu htawn tsun u,” ngu nna tsun wu ai.

EZEKELA 14:13

Shi gaw, “Si chye ai masha wa e, mungdan gaw shut hpyit yubak galaw nna, ngai hta sadi n dung ai rai yang, ngai gaw lata ladawn nna dai mungdan hpe jaw ai lusha hpe jahten sharun kau na nngai. Ngai gaw kawsi kyet ai hkuwa hpe shangun dat nna, masha hpe mung, yam nga ni hpe mung sat shagrawm kau na nngai.

EZEKELA 14:3

Shi gaw, “Si chye ai masha wa e, ndai masha ni gaw shanhte a myit masin ni hpe hpara sumla ni kaw ap ya ma ai; dai hpara sumla ni gaw shanhte hpe yubak kata de woi sa wa ma ai. Ngai gaw shanhte hpe mahtai langai jaw na re ngu, shanhte myit nawn da ma ni?

EZEKELA 15:2

Shi gaw, “Si chye ai masha wa e, Sabyi ru gaw hpun hte kaning rai shadawn mai nga a ta? Kaja ai sabyi lakung lakying ni gaw maling na hpun ni hte gara hku shadawn mai na rai nga a ta?

EZEKELA 16:2

Shi gaw, “Si chye ai masha wa e, Yerusalem galaw sai matsat shabat amu hpa rai nga ai hpe chye lu hkra, madun u.

EZEKELA 17:2

Shi gaw, “Si chye ai masha wa e, Israela amyu masha ni hpe

EZEKELA 2:3

“Si chye ai masha wa e, ngai gaw nang hpe Israela amyu masha ni hpang de shangun dat nga nngai. Shanhte gaw ngai hpe gumlau nna hpyen tai ma ai, shanhte a kaji kawa ni zawn ya du hkra naw gumlau ma ai.

EZEKELA 2:6

“Rai ti mung, si chye ai masha wa e, nang gaw shanhte hpe hkrit ra ai n rai, shanhte tsun ai ga hpa hpe mung hkum hkrit et. Shanhte gaw nang hpe ninghkap nna n kaw n law di na mara ai; dai gaw n-gaw gawk ni a lapran e nga nga ai zawn rai na ra ai. Shanhte gumlau ai hpe mung, shanhte tsun ai ga hpa hpe mung hkum hkrit nga et.

EZEKELA 2:8

“Si chye ai masha wa e, ngai nang hpe tsun ai ga hpe madat u. Shanhte zawn gumlau na myit hkum rawng nga et. Na a n-gup hpaw nna ngai nang hpe jaw na arai hpe sha u,” ngu tsun ai nsen hpe na nngai.

EZEKELA 20:3

Shi gaw, “Si chye ai masha wa e, Tsaw Htum ai dai Madu tsun nga ai mungga ndai masha ni hte shanhte hpe htawn tsun u: Nanhte gaw nye a myit ra sharawng ai lam hpe san yu na matu du sa ai ni n rai myit ni? Ngai gaw ahkrung nga ai Karai Kasang rai nga nngai, dai majaw nanhte ngai hpe hpa lam hte seng nna san ti mung, san na ahkang jaw na n rai. Tsaw Htum ai dai Madu ngai nan dai ga tsun ni ai.

EZEKELA 3:1

Karai Kasang gaw, “Si chye ai wa e, ndai laika katsu hpe sha u; dai hpang Israela amyu masha ni hpang de sa tsun su,” ngu nna tsun wu ai.

EZEKELA 3:10

Karai Kasang gaw, “Si chye ai masha wa e, ngai nang hpe tsun dan ai lam yawng mayawng hpe myit maju jung ai hte dum nga u.

EZEKELA 3:17

Shi gaw, “Si chye ai masha wa e, ngai nang hpe Israela amyu masha ni a matu sin langa shatai nngai. Dai re ai majaw, ngai nang hpe tsun dan ai shadum jahprang ga ni hpe shanhte hpang de htawn shalai ya lu na rai ndai.

EZEKELA 3:4

Dai hpang Karai Kasang gaw, “Si chye ai masha wa e, Israela amyu masha ni hpang de sa nna ngai nang hpe tsun ai ga hpa hpe rai tim, shanhte hpe tsun dan u.

EZEKELA 37:3

Shi gaw ngai hpe, “Si chye ai masha wa e, ndai nrut nra ni gaw bai hkrung lu na rai nga a ni?,” ngu nna san we ai. Ngai gaw, “Tsaw Htum ai Madu e, dai lam hpe nang chyu sha htai ya lu nga ndai!,” ngu nna htan we ai.

EZEKELA 4:1

Karai Kasang gaw, “Si chye ai masha wa e, wut tawng langai la nna dai hpe na a man e tawn u, de a ntsa e Yerusalem mare hkrang shapraw ai sumla hpe mahkret soi u.

EZEKELA 40:4

Shi gaw ngai hpe, “Si chye ai wa e, yu yu u. Nang hpe ndai shara de woi wa ni ai majaw, ngai nang hpe madun dan na lam shagu hpe atsawm sha na la nna matsing da u. Israela amyu masha ni hpe nang mu ai lam shagu tsun dan ra na rai ndai,” ngu nna tsun wu ai.

EZEKELA 43:18

Tsaw Htum ai dai Madu gaw ngai hpe, “Si chye ai masha wa e, ngai nang hpe tsun ai ga madat u. Tawn hkungri gaw da ngut ai shaloi, de a ntsa e wan nat hkungga nawng jau nna yam nga hkungga asai hpe de a ntsa e lapri bun nna ap nawng ra nga ndai.

EZEKELA 5:1

Dai Madu gaw, “Si chye ai masha wa e, dai ai nhkyi la nhtawm na a nhka mun hte baw kara ni hpe shangun kau u. Dai hpang joi hte shen yu nna dai ni hpe majaw masum garan tawn u.

EZEKELA 7:2

Shi gaw, “Si chye ai masha wa e, ndai gaw Israela mung hpe lakap nna Tsaw Htum ai Madu ngai nan tsun ai ga rai nga ai: Ndai gaw mungdan ting a matu jahtum rai nga ai!

Daniela 10:11

Dai lamu kasa gaw ngai hpe, “Daniela e, Karai Kasang nang hpe tsaw ra nga ai majaw rawt tsap let ngai tsun dan na ga hpe sadi sahka hte madat la u. Ngai hpe nang hpang de shangun dat ai,” ngu nna tsun wu ai. Dai lam hpe shi tsun nga yang, ngai rawt tsap nga tim pyi naw gari ashun nga nngai.

Daniela 10:19

Shi gaw, “Karai Kasang nang hpe tsaw ra nga ai majaw nang hpe hpa mung myit ru shangun na n rai; nang hpe jahkrit shama na n rai,” ngu nna tsun wu ai. Shi dai zawn nga nna tsun jang, ngai hta n-gun ja wa ai zawn hkam sha nna, “Madu e, nang hpa tsun ra ai lam ngai hpe tsun dan e. Nang gaw ngai hpe grau kaja hkra hkam, sha shangun nit dai,” ngu nna tsun nngai.

Daniela 8:17

Gabriela gaw nye a makau e sa tsap nga ai rai nna, ngai grai hkrit gari mat ai hte ga de kadawng taw mat nngai. Shi gaw ngai hpe, “Si chye ai masha wa e, lachyum chye na u. Dai shingran gaw mungkan ga a jahtum aten hta byin wa na lam rai nga ai,” ngu nna tsun wu ai.

MAHTE 17:7

Shaloi Yesu wa nna shanhte hpe ahtawk let, “Rawt mu, hkum hkrit nga myit,” ngu wu ai.

YAWHAN 3:13

Sumsing lamu de na yu hkrat wa ai Masha Kasha hta kaga kadai mung sumsing lamu de lung wa yu ai n rai.”

YAWHAN 3:16

Kaning rai nme law, Karai Kasang a Kasha hpe kam sham ai ni nlang hte gaw, hten bya n hkrum ai sha htani htana asak lu la mu ga nga, Karai Kasang gaw shi a kasha shingtai hpe jaw kau ai kaw du hkra mungkan ga hpe grai tsaw ra wu ai.

KASA 26:16

Rai ti mung ya rawt nna jan rai tsap u, Nang hpe nye a shangun ma tai u ga san da na matu nang kaw ngai dan pru ring ngai, nang gaw, dai ni nang ngai hpe mu mada lu sai lam hte, hpang de ngai nang hpe naw madun dan na ra de ai lam ni hpe masha kaga ni e sakse hkam dan na rai ndai.

KASA 9:6

Rai ti mung, nang rawt u, mare de shang wa u. Nang galaw na lam dai kaw nang hpe tsun dan shangun na we ai,” nga nna tsun ai.