EZEKELA 19:7 - Jinghpaw Common Language Bible 2009

⁷ Shi gaw hpyen dap ni hpe agrawp jahten kau nna mare ni hpe jahten sharun kau nu ai. Shi shabam ai aten shagu, mungdan masha ni hkrit gari nga ma ai.

Jinghpaw Hanson Version Bible

⁷ Shanhte a htingnu ni hpe shi chye nna, shanhte a mare ni hpe shaza kau wu ai: shi shabam ai nsen majaw, mungdan hte dai hta rawng marawng, katsi katsang tai mat sai.

EZEKELA 19:7 ပူးပေါင်းရင်းမြစ်များ

2 HKAWHKAM 23:33

Shi a hkaw dung ai hpe jahtum kau na nga, Egutu Hkawhkam Niko gaw shi hpe Hamat mung Ribla mare e bawng dung shangun let gumhpraw pawng 7, 500 hte aja pawng 75 hpe hkanse hku Yuda masha ni hpe bang shangun wu ai.

GA SHAGAWP 19:12

Hkawhkam wa a masin kahtet ai gaw hkanghkyi shabam ai zawn rai nga ai; shi a chyeju myit gaw marang nhpaw hte bung nga ai.

GA SHAGAWP 28:3

Ahkaw ahkang lu nna, matsan mayan masha ni hpe dip gamyet sha ai wa gaw hkai nmai ni hpe agre jahten kau ya ai marang hte bung nga ai.

YEREMIA 22:17

Rai ti mung, nang gaw na a tinggyeng amyat ni hpe sha yu nna mara n kap ai masha ni hpe sat kau let na a amyu masha ni hpe laja lana dip gamyet nga ndai. Dai Madu tsun nu ai.

EZEKELA 12:19

Ndai gaw Tsaw Htum ai dai Madu shi nan Yerusalem mare masha ni hpe lakap nna shanhte a mungdan hta naw shanu nga ai ni hpe tsun ai mungga rai nga ai; dai hpe amyu baw ting hpe htawn tsun dan u; shanhte lusha sha ai shaloi gari na mara ai, shanhte ntsin lu ai shaloi hkrit gari ai hte ashun na mara ai. Shanhte a mungdan hta shanu nga ai masha shagu hte gaw hkang da ai tara hpe n hkan ma ai majaw shanhte a mungdan gaw katsi katsang akrin akraw shara tai mat na ra ai.

EZEKELA 19:6

Shi a hkum hkrang hpring kaba wa ai shaloi, shi gaw kaga hkanghkyi ni hte rau lanyan hkawm nga ai. Shi mung shan chye tam na hpaji sharin la ai hte masha shan sha nga ai.

EZEKELA 19:8

Masha amyu baw ni shi hpe gasat na matu shinggyin nga ma ai; shara shagu hkan na masha ni du sa ma ai. Shanhte gaw shanhte a mahkam sumgawn ni hpe jahkrat tawn nna shanhte a mahkam hta shi hpe rim la nga ma ai.

EZEKELA 22:25

Dai ningbaw ni gaw shabam nna ashan ni hpe amya sat kau ai hkanghkyi ni zawn rai ma ai. Shanhte gaw amyu masha ni hpe sat shamyit kau nhtawm gumhpraw hte sut gan mahkra hpe dang lu ai daram hta la ma ai, shanhte galaw ai masha sat amu ni a majaw, gaida law law shabyin shangun ma ai.

EZEKELA 30:12

Ngai gaw Nila hka hpe jahkyet kau nna Egutu mung hpe n hkru ai masha ni a lata de ap kau na nngai. Maigan masha ni gaw mungdan ting hpe agrawp jahten kau na mara ai. Dai Madu ngai nan tsun ni ai,” ngu nna tsun wu ai.

EZEKELA 34:4

Gawng kya ai sagu ni hpe pyi nanhte lanu lahku nga myit dai n rai; machyi hkrum ai wa hpe mung tsi shamai ya nga ai n rai, ningma kap ai sagu hpe ahkyen kayawp ai n rai, dam mat wa ai sagu hpe mung bai woi la ai n rai, mat mat sai sagu hpe mung tam la nga myit dai n rai. Shing rai hkan galaw na malai, nanhte gaw shanhte hpe myit ja ai hte adip arip di reng nga myit dai.

EZEKELA 45:8

Israela mungdan na dai shara gaw mungdan up hkang du wa a sali tai na ra ai, shi gaw amyu masha ni hpe loi mi mung zingri zingrat na n rai, dai hta n-ga, naw ngam ai lamu ga hpe mung Israela amyu bawsang ni hpe madu la shangun na ra ai.

AMO LAIKA (AMOS) 6:8

Chyahtum Chyalai N-gun rawng ai Tsaw Htum ai dai Madu gaw ndai dagam sadi jaw ai lam jaw ya nu ai: “Ngai gaw Israela amyu masha ni a gumrawng gumtawng ai hpe n dawng nngai; ngai gaw shanhte a zing hkam ai nta htingnu ni hpe matsat nngai. Ngai gaw shanhte a mare daju hte dai hta nga manga shagu hpe gumlau hpyen a lata de jaw kau na we ai.”

MIHKA 1:2

Masha amyu baw ni yawng hte e, ndai lam na la mu; Ginding aga ntsa e nga ai ni yawng hte e, ndai lam madat la mu! Tsaw Htum ai dai Madu gaw nanhte hpe sakse madun na ra ai. Madat mu! Shi gaw shi a sumsing htingnu kaw nna mungga tsun nga ai.