EZEKELA 19:4 - Jinghpaw Common Language Bible 2009

⁴ Masha amyu baw ni shi a lam na nna nhkun langai hta shi hpe hkam da ma ai. Shanhte gaw hpri chyinghkyi hte Egutu mung de dun sa mat wa ma ai.

Jinghpaw Hanson Version Bible

⁴ Maigan amyu ni shi a lam na masai; shanhte a nhkun hta shi rim la ai hkrum nna, shanhte gaw hpri chyinghkyi hte, Egutu mung de, shi hpe dun wa mu ai.”

EZEKELA 19:4 ပူးပေါင်းရင်းမြစ်များ

2 HKAWHKAM 23:31

Yoahaza gaw Yuda hkawhkam tai wa yang, asak hkun masum ning rai nna Yerusalem mare hta shata masum up nga ai. Shi a kanu gaw Libna mare na Yeremia a shayi sha Hamutala rai nga ai.

2 HKAWHKAM LABAU 36:4

Niko gaw Yoahaza a kanau Eliakim hpe Yuda hkawhkam shatai nhtawm shi a mying hpe Yehoiakim ngu nna galai kau ya wu ai. Yoahaza mahtang gaw Egutu mung de Niko e woi mat wa hkrum nga wu ai.

2 HKAWHKAM LABAU 36:6

Babelon Hkawhkam Nebuhkadneza gaw Yuda mung hpe shang gasat nna Yehoiakim hpe rim la nhtawm Babelon mung de hpri saidawng hte gyit nna Babelon mung de woi mat wa wu ai.

YEREMIA 22:18

Dai rai nna, dai Madu gaw Yoshia a kasha, Yuda Hkawhkam Yehoiakim hpe, “Shi a si hkrung si htan hta kadai mung, ‘Gade wa hkrit hpa rai nga a hka, nye a jinghku wa e, gade wa hkrit hpa rai nga a hka!,’ nga nna tsun na ma ai n rai. Kadai mung shi a matu, ‘Nye a madu e! Nye a hkawhkam wa e!,’ nga nna jahtau hkrap na mara ai n rai.

EZEKELA 19:3

Shi gaw hkalung langai bau maka la nna shan chye tam na hpaji sharin ya nga ai; dai hkalung gaw masha shan kaning rai sha na sharin la nga ai.

EZEKELA 19:5

Kanu gaw myit mada shara yawng htum mat ai hpe shi mu ai aten du hkra ala nga ai. Dai hpang shi gaw kaga shi a hkalung hpe bau maka wu ai, dai gaw grai matse ai hkanghkyi tai wa nga sai.