EZEKELA 19:3 - Jinghpaw Common Language Bible 2009

³ Shi gaw hkalung langai bau maka la nna shan chye tam na hpaji sharin ya nga ai; dai hkalung gaw masha shan kaning rai sha na sharin la nga ai.

Jinghpaw Hanson Version Bible

³ Shi kaba wa shangun ai kasha langai mi gaw, hkanghkyi uram tai wa sai; shi gaw shan hpe chye tam ai; masha hpe mung kawa sat chye ai.

EZEKELA 19:3 ပူးပေါင်းရင်းမြစ်များ

2 HKAWHKAM 23:34

Egutu Hkawhkam Niko gaw Yoshia a kasha Eliakim hpe kawa a malai Yuda hkawhkam shatai nna shi a mying hpe Yehoiakim ngu nna galai shamying da wu ai. Egutu Hkawhkam Niko gaw Yoahaza hpe Egutu mung de woi wa nna, dai mung e shi wa si mat wu ai.

EZEKELA 19:2

Na a nnu gaw kaning re ai hkanghkyi kanu rai a hka! Shi gaw shi a hkalung ni hpe grai matse ai hkanghkyi la ni a lapran e bau kaba nga ai.

EZEKELA 19:4

Masha amyu baw ni shi a lam na nna nhkun langai hta shi hpe hkam da ma ai. Shanhte gaw hpri chyinghkyi hte Egutu mung de dun sa mat wa ma ai.

EZEKELA 19:6

Shi a hkum hkrang hpring kaba wa ai shaloi, shi gaw kaga hkanghkyi ni hte rau lanyan hkawm nga ai. Shi mung shan chye tam na hpaji sharin la ai hte masha shan sha nga ai.

EZEKELA 22:25

Dai ningbaw ni gaw shabam nna ashan ni hpe amya sat kau ai hkanghkyi ni zawn rai ma ai. Shanhte gaw amyu masha ni hpe sat shamyit kau nhtawm gumhpraw hte sut gan mahkra hpe dang lu ai daram hta la ma ai, shanhte galaw ai masha sat amu ni a majaw, gaida law law shabyin shangun ma ai.

EZEKELA 32:2

Shi gaw, “Si chye ai masha wa e, Egutu hkawhkam hpe dagam ai shadum jahprang ga hte htawn tsun u. Ngai kaw na lu la ai ndai mungga hpe mung tsun u: Nang gaw masha amyu baw ni a lapran e, hkanghkyi zawn galaw dan nga ndai; rai ti mung hka yan hku kapruk hkawm ai hkangse hte grau nna bung nga ndai. Nang gaw na a lagaw ni hte hka kata na hkumpup ni mahkyit sharawt la nna, hka nu ni hpe hkanu kau nga ndai.

ZEHKARIA 11:3

Mung up salang ni jahtau let yawn ma ai; shanhte a hpung shingkang htum mat manu ai! Hkanghkyi ni a shabam ai nsen hpe madat u; Yawdan hka mayan hku na shanhte a maling nta hten za mat sai!

TARA JAHPRANG 33:22

Dan amyu bawsang hte lakap nna, ning ngu tsun wu ai: “Dan gaw hkanghkyi uram rai nga ai; shi gaw Bashan mung na gumlawt pru na ra ai.