EZEKELA 19:2 - Jinghpaw Common Language Bible 2009

² Na a nnu gaw kaning re ai hkanghkyi kanu rai a hka! Shi gaw shi a hkalung ni hpe grai matse ai hkanghkyi la ni a lapran e bau kaba nga ai.

Jinghpaw Hanson Version Bible

² Na nnu kadai rai ta? Hkanghkyi kanu rai nga ai: shi gaw hkanghkyi hpung hta hpum nga ai; hkanghkyi hkalung ni hta, tinang a kasha ni hpe kaba wa shangun wu ai.

EZEKELA 19:2 ပူးပေါင်းရင်းမြစ်များ

YOBA 4:11

Hpa mung n kawa sha lu ai hkanghkyi ni zawn, shanhte si mat nna shanhte a kashu kasha ni yawng bra ayai mat nga ai.

SHAKAWN KUNGDAWN 58:6

Karai Kasang e, ndai hkanghkyi matse ni a wa ni hpe shadaw kau ya u.

ESAIA 5:29

Hpyenla ni gaw dusat langai hpe kawa sat da nna kadai mung n lu la mat wa ya lu ai shara hta garawt tawn da ai hkanghkyi ni zawn shabam nga ma ai.

EZEKELA 19:1

Dai Madu gaw Israela hkawhkam kasha lahkawng a matu ndai yawn hkyen mahkawn mangoi mahkawn na matu ngai hpe tsun wu ai:

EZEKELA 19:3

Shi gaw hkalung langai bau maka la nna shan chye tam na hpaji sharin ya nga ai; dai hkalung gaw masha shan kaning rai sha na sharin la nga ai.

EZEKELA 32:2

Shi gaw, “Si chye ai masha wa e, Egutu hkawhkam hpe dagam ai shadum jahprang ga hte htawn tsun u. Ngai kaw na lu la ai ndai mungga hpe mung tsun u: Nang gaw masha amyu baw ni a lapran e, hkanghkyi zawn galaw dan nga ndai; rai ti mung hka yan hku kapruk hkawm ai hkangse hte grau nna bung nga ndai. Nang gaw na a lagaw ni hte hka kata na hkumpup ni mahkyit sharawt la nna, hka nu ni hpe hkanu kau nga ndai.

ZEHKARIA 11:3

Mung up salang ni jahtau let yawn ma ai; shanhte a hpung shingkang htum mat manu ai! Hkanghkyi ni a shabam ai nsen hpe madat u; Yawdan hka mayan hku na shanhte a maling nta hten za mat sai!

TARA JAHPRANG 33:22

Dan amyu bawsang hte lakap nna, ning ngu tsun wu ai: “Dan gaw hkanghkyi uram rai nga ai; shi gaw Bashan mung na gumlawt pru na ra ai.